سنه ٢٠١٣ ..شهر ٩..الصبح
نايمه وامي تصييييححح حتى اكعد من النوم عاد كمت .. كمت من الفراش ولملمت فراشي وكمت متعوده اول ما اكعد الم الفراش واكوم اشوف شصاير مصاير باوعت .. الغرفه صااااير هوووسه وكلها كراتين وجنط وغراض نزلت جوه مشفت احد .. طلعت برا لكيتها كلها ولد اخواني و ولد عمامي جانوا يشيلون غراض وامي هم تلملم ومرت اخويه والدنيا مكلوبه عفتهم وطبيت للبيت غسلت وجههي حتى اصحصح واكعد اتريك وابن اخويه واختي يكمزون يمي بالبيت تريكت طبت امي
ماما : صباح الخير
ليان : صباح النور
ماما : شوكت كعدتي ماما .. لميتي غراضج بعدج ؟ ترا شويه ورح نروح لبيت عمج عازمينه على الغده والغراص حتى يودوهن للبيت
ليان : لا ملميت شي .. زين هسه اكوم اخلص لم باقي الغراض بس يمه اليوم اروح للمدرسه ؟ 🙄
ماما : لا تغيبين منو يوديج للمدرسه اخوتج كلهم مشغولين وديشيلون الغراض محد يوديج
ليان : ماشي ..
كملت ريوكي وكمت رحت لميت غراضي وكملت وطلعت برا جان اخويه علاوي يصيح
علي : وين رايحه ام خشم
طبعاً اني خشمي مو كولش جبير حلو بس هوا هيج يصيحلي 🤷🏻♀️
ليان : شعليك انته
علي : دنجبي وفوتي طلعي الغراض لا اجي اكتلج
ليان : ما .. ماشيل شي روح انت شيلهن بلكت الله تضعف ابو فخذ 😝
وعفته و شردت لبيت صديقاتي الي يصير مقابيلنه ردت اشوفهن قبل لا اروح ...
دكيت الباب اجاني صوت خاله ام محمد
ام محمد : منو
ليان : اني خاله جيت اشوف مينا وشمس قبل لنشيل
ام محمد : فوتي حبوبه تعاي هياتهن بالغرفه هنه رادن يجن عليكم بس اني مقبلت
ليان : يله خاله عادي .. اني اجيت اشوفهن وطبيت للبيت
فتتت للغرفه ودفرت الباب حيل .. طبعاً احنه ببينا ميانه قويه هههه فعادي
ليان : همداجن اني راح اروح وبعد ماشوفجن وانتن كاعدات .. حجيت هيج وجان اشوف مينا احت تركض وتبجي
رحت عليها ركض
ليان :مينا ليش تبجين ضليت اريد اواسيها بس نوب اني هم دمعت عيني
مينا : نجبي نجبي شلون رح تروحين وتعوفينا ام خشم 😭😖 هيه تحجي ويايا والدموع عشره عشره .. اني هم كمت ابجي واحجي وياها
ليان : لعد ابقى مكابلتج وكاعده وعوفهم يعوفوني ويرحون ام حلك ولطمته على راسها هاي احنا نحجي هيج ونبجي .. تالي كتلها يلا عدنا فاتحه دكوومي .. وبعدين عود اجي ويا امي واشوفكم نبهت ع شمس ماكو كلتها
وين هاي العوبه حان اندار والكاها تغمنا ..
شمي : همداجن .. ثنينجن دكومن خلي نساعدكم بالغراض كاعدات الباتها فاتحه ..
طلعنه شفنا خاله ام محمد كاعده تلبس عبايتها باوعت علينا جان تكول
ام محمد : يلا مدام طلعتن خل نروح لامج نساعدها واسلم عليها طلعنه دنروح لبيتنا وطبعاً خاله محمد تمشي كدام واحنا وراها فتنه من يم علاوي اخويه جان يكول
علاوي : ها ام خشم جبانه .. اني اعلمج ..
هاي الاحداث جنت بالثالث ابتدائي وجنه ساكنين بغداد بالشرطه الرابعه كاعدين بيت ايجار لان بيتنا جان قيد الانشاء وعلى ما كمل شلنا .. شلنا هم ببغداد بس بمنطقه الرفاق ..
بعد مخلصنا كولشي ولمينا غراضنا و ودعنا الجيران طلعنه صعدنا بالسياره وكعدنا واني كعدت يم الجامه مشت بينا السياره واني صافنه واباوع على الشوراع والعالم التمشي واليشتغل والكاعد والواكف والسيارات ليمشن .. قطعت صفنتي صوت مرت اخويه الاء
الاء :يله ليان وصلنا انزلي وكودي ايد حسن وياج
ليان : صار
نزلت يم باب بيت عمي الجبير فتنه جوه كلها ملتمه جانت ابويه وعمامي ونسوان عمامي كلهن كامن وسلمن علينا ورحت هم سلمت ع عمو الجبير هذا عمي كوولش يحبني بحيث من سلمت علي ضل شابكني ويسولف ويايا
عمي : شلونج ولج ليش مرحتي للمدرسه وجيتي ويا البنات
ليان : الحمد لله عمو .. امي ماقبلت اروح لان محد يكدر يوديني وبعيده على بيتنا فمكدرت اروح انشالله من باجر ضلينا نحجي شويه بعدين باسني من راسي وكعدني بصفه ..
وضليت كاعده بس اباوع كلها تحجي وويسولفون بس اني صافنه عليهم لان اني بطبعي هادئه وما احجي هواي مو اجتماعيه كولش ماحب اختلط ويا الناس اني كاعده اجتني بت عمي
شهلاء : هلو ليان شلونج
ليان : هلو شهلاء الحمد لله وانتي
شهلاء : الحمد لله
وكمنا وصعدنا فوك امشي ع الدرج ونسولف اني وبت عمي الي تربينا سوا اني وياها ونفس العمر
صعدتني بغرفتهم وطلعت اقلام ودفتر رسم جان تكول
شهلاء : ليان فدوة اريد ترسميلي اي شي حتى اطي للمعلمه
ليان : جيبي ارسملج مصلحجيه هوا انتي بس وكت المصلحه تعرفيني ههههههههههه
شهلاء : كبر شردت منج هسه اني غير بت عمي
ليان : ديلا كرمينا بسكوتج هسه ارسملج بس بشرط 😌
شهلاء : شنو
ليان : ترحين تشتريلي جبس ليز يعني حق التعب
شهلاء : ديلا نجبي نجيبلج ابو الربع بس فصينا ورسمي
ليان : لا والله تضحكيني عليه ما اريد هذا اريد ابو الخمسميه وارسم
شهلاء : يي يي ديلا صار ادللي
ليان : يلا روحي جيبي وارسملج واذا متجيبي هسه مارسم
شهلاء : اي كايمه هسه اروح اجيبلج 😒
هيه كامت واني بديت ارسم رسمت بنيه سويت شعرها طويل وعيونها ملونه طبت شهلاء جان تشمر عليه الجبس
شهلاء: هاج عوبه .. رسمتيلي ؟
ليان : اي رسمتلج شوفي شكد حلوه بس خلكملها ولو اني متستاهلين بس شسوي كلبي طيب انفقهر عليج 🤪
شهلاء :همداج ولي شوفي منو يشتريلج بعد ام خشم 😒
ليان : هههه خبلللهه ام كفشه 😝😝
..............................................................................
صار وكت الغده .. نزلت . لكتني اختي
ميثاق : ها وين جنتي ..
اني جنت ارسم .
ميثاق : يله تعاي تغدي ..
ليان : اي جيت ..
رحت كعدت اباوع كوله ملتمه .. كعدت بصفي .. العوبه ..
علاوي كاعد كبالي وخنزر . ويعيب ..
واني اباوع .. وتجاهل بي ..
عود يكولي صبريلي ليوم ماتعاركنه . يلا اكتلج .. باوعت عليه بطرف علني ورفعتله حاجبي .. وتجاهل بي .
بديت اكول .. وساكته .. وكوله اسولف وتحجي مواضيع .. وهذه ليخطط وهذه ليحجي على شغله ..
والنسوان هاي لسولف على لزوجت ولماتت ولشترت ولباعت وووووو كومه . اني راسي صدع . خلصت اكل وكت ..
لحكتني شهلاء نغسل ..
شهلاء : اكولج .. مريم ..
ليان : ها كولي
شهلاء :ليوم خلي نلعب .. ملعمات .. قبل لا تروحون .. لبيتكم الجديد .. اكولج راح تجي هند وميثاق . ونوره وياكم يعزلن
ليان : هل بيهن .. ليش متجين انتي ويانه ..
شهلاء : مادري هسه اكول لمي ..
............ ...................... .......
صارت دنيه العصر .. ركبنه بل سيارة ورحنه للبيت . قريب على بيت عمي ومدرستي .. وصلنه نزلت اني شايفته .. مرا اجيت ويا ابويه ..
رحت فتت جوه اركض . ادور على غراضي اخاف كسروهن. اكتل روحي 😂
رحت لكيتهن وحطتهن بمكان حتى محد يلعب بيهن .. بدو يعزلون البنات . يعزلن وينضفن ..
ولولد .. يشدون بل بلزمه . ولبردات وهاي السوالف ..
..............................
صارت دنيه اليل .. وهنه يعزلن واني افتر .. وكل شويه اتعارك ويا علاوي ..
صارت 3بل ليل .. فرشنه ونمنه
..........................................................................
كعدت الصبح على صوت الهوسه ..
كمت اباوع هوسه ولغراض مطشره .. طبعن فد لعبان نفس لوحد من يشيل .. وخاصتاً احنه كل 4سنوات . نشيل .. ابويه ميثبت ابمكان يحب التغير ..
كمت .. غسلت وتريكت .. ونقلت غراضي وصعدت فوك .. لان تقريباً منضفين الغرف الفوك...
صعدت فوك وحطيت غراضي بل غرفه الفوك هاي الغرفه سوتها امي للفراش .. والغراض .. الجديده .. حطيت غراضي .بمكان لان ماعندي كنتور انطيته لختي الصغيره ..
وامي كالت اجيبلي .. جديد ..
فتحت رسوماتي وشبكتهن اففف يارحتجن شكد احب .. غراضي ههه
حطيتهن ونزلت جوه ..
فات سبوع واحنه بالبيت
رحت للهول شفت ابويه .. امدد وامي واختي مدده ونايمه هيه وامي .. وعلاوي نايم على غير صفحه .. شافني ابويه .. فتحلي اديه .. رحت نمت بحضنه اني متعلمه من اني وصغيره انام بحضن ابويه .. فتحلي دكم الدشداشه مالته وحطيت راسي بصدره .. ويغمرني بحنانه حنان الاب ميتعوض ابد .. شبكته ونمت
......................................
٢٠١٤
عصرونيات جانت .. كاعده اني ع الدرج ومبدله ننتظر مرت اخويه تكمل حتى نطلع للسوك نشتري ملابس لعرس اخوييه وضاح طبعاً وضاح الوسطاني .. واختي الصغيره فاطمه كاعده بالغرفه الي كبالنا وتبجي تريد تجي ويانا تعرفون الجهال بعد ..
ليان : هاي شبيج فاطمه وين تجين ويايا هوا اني وين رايحه
فاطمه : انتي نسبي (انجبي) اني مالوح وياج اصلاً الوح ويا الاء (مرت اخويه) 😝
ليان : يي وهناك الاء تضل تجرجر بيج لو تجر بابنها .. شعندج رايحه دكعدي يلا .. استغفر الله
جانت تكول ماما
امي : دخلي ترح وياج وانتي لزميها والاء عود تلزم ابنها ..
ليان : يمه فدوة هوا اني اريد واحد يلزمني انوب تردين الزم فطومه .. شيجرها متكوليلي دشوفيها شلون مطنكره هنا تخيلي تطنكر عليه بالسوك والله اشمرها هناك واجي ولتكولين مكتلج اني
امي : دكومي هسه كملت مرت اخوج يلا روحي وياها وعود لتنسون جيبوا حلويات لفطومه وعلاوي
ليان: يي مو مفطوم علاوي حتى توكلينه حلويات
اجت مرت اخويه بعد ما كملت جان تكول
الاء : بعيوني عمه صار اذا زاد من الفلوس اجيب وياي حلويات للجهال ..
وطلعنا وطبعاً اني امشي وادردم مثل العجايز 😂 معاجبني الوضع شنو هاي تجيب وتحط لعلاوي وفطومه كل واحد شسمنه واني ليكول عوده يابسه .. رايحه ميته 😒😂
ضلينا نفترر كوووومه وكووه اقتنعت ماكو شي حلو لان اني طبعي صعب ميعجبني اي شي وطبعاً على ما خلصنا احنا صار المغرب وموبايل مرت اخويه احترك من الاتصالات لان تأخرنه هواي ..
