فجأه صارت هوسه !!!
ومحد صار يعرف راسه من رجلي
فاتت العروس بالاستقبال وكعدوها
اني صافنه اباوع شكو شهل الهوسه هاي ؟؟!!
بعدين عرفت عمو محمد محتركه ايده بالرشاشه .. ماعرف شلون بس ديكولون محتركه
وناس كالبه وجها وناس تكر وتحجي وناس تهوس وناس اصيح وناس تركص
يعني هوسه بشكل
بعدين زفوهم
وكلمن راح لبيته اني رحت وصلنه لبيتنه
كبل شمرت ملابسي ولفيت راسي ونمت ولا ادري بل دنيا شكو ماكو...
كعدت الصبح لكيت ابويه وعلاوي مودين الريوك للعرسان ..
لان احنه اقرب من اهل العروس فوده ابويه الريوك ..
... كعدت لكيت امي دتعزل وتغسل
صبحت عليها .. ورحت تريكت
ورا هالفتره رجعت مرت اخويه وضاح من اهلها واني انتضر هسه يجون وهسه يجون مشوقه اشوف الطفله ..
طبعن وصلوا واني فرحانه حيل بالطفله
لأن احب الاطفال حيللل وروح منا ورجع منا وكووووه يلا شفت الطفله باوعت عليه
ليان : الاء بنتج ما عجبتني مو حلوه كرعه وعيون ماكو !
ولاء : تباوع عليه صفنت ! اي تعيبين غير بعدها طفله خلي تكبر وشوفي شلون اصير حلوه
ليان : اي نشالله اذا ماضلت كرعه 😂
ضليت اتناكر لحد ما لاعبت نفسه ورحت
................................................................................ 2017
طبعاً عصريه وكاعده وحدي بالبيت اجتي مرت اخويه يوسف سمر
طبعن اخويه يوسف زوج وصارت عندها بنيه
واخويه وضاح صار عندها بنات ثنين . بنين .. ونور .
واخويه انور صار عندها ..3اطفال .. .وبل طريق الرابع ..
جنت كاعدها اجتني سمر ..
سمر : اكولج ليان حبيبتي
هاج خلي تبارك يمج بين ماروح اخبز وجي
ليان :اي جيبيها للحلوه خليها يمي وروحي
اني وسمر مرت اخويه شلون الصديقات واكثر كولش حلوه علاقتنا
بديت العب بتبارك وهيا تضحك يمه فدوه للبنات..
بعدين سمعت امي اصيح ..
امي .. ليان ليان وينج تعاي ..سويلي جاي .. راسي يوجعني !
ليان : اي يمه هسه اجيت
رحت سويت جاي لامي واسمع مرت اخويه انور تضرب جهالها !! عزا هاي شكو طبعاً
اني ما دخل نفسي ابد بس امي من سمعت تضربهم وهمه يصيحون جده تعاي ..
حيللل صارت عصبيه امي وكامت اصيح على مرت انور ومرت انور .. ولا ترد عليه ! بعدين صعدت امي نزلت الجهال جوا وراحت للغرفه مالتها لان خطيه هيا راسها يوجعها
ونزلت مرت انور ورا امي اني رحت للغرفه حتى اودي الجاي فتت جان تفوت مرت انور وراي وتسحب جهالها من امي وتضربهم !!
اخذت الولد طلعتهم وامي تصيح خطيه عليها وهيه ولا يمها
بعدين جانت دتجر بنتها اية .وجان تسحبهامن التشيرت مالتها وتخنكها !!
اني من شفتها سوت هيج بيه تخبلت المنظر يعني صدمني فرحت سحبت اية من يمها ودفعتها لمرت انور جان ترجع عليه اتريد اجر بنتها من يمي واني ماخليها وجان تضربني على وجهي !!!
اني من ضربتني هيج فار دمي
جريت شعرها حيل ودفعتها وكمت اصيح عليها وطلعتها من الغرفهبس كوه قاومتها لأن اني ناعمه
صراحه جنت اني ابد ماحب احد وما اختلط باحد بس ليعاديني وليعيل بيه أذي حيل ..وادمره واذا سامحت مرا وحدها بس كلبي كولش طيب ..وماأذي احد اذا ميأذيني
يعني هم عندي طبع كولش مأذي اني طالعه على ابويه حيل اشبها ونفس الطباع العصبيه والنضام وكولشي اني وابويه نشابه :(
صارت دنيا المغرب ..اجوي اخوتي من المحل ..
واخويه وضاح راح جاب اختي نوره واجه .
ضلت نوره تهدي بمي وتكوللها ميخالف وماصار شي ميردون مشاكل بالبيت وضلت امي تشكي لنوره اختي
بعدين جان ادور عليه وتكولي وشبيح انتي مساعدين امي ها وضلت ترزل بيه !!
وامي تكوللها على مرت اخويه من ضربتني ..
نوره واذا ضربتها قابل شكو ليش مكبرتها !
اختج الجبيرها ودتعلمج وتأدبج
اني .ضليت فاكه حلكي اباوع عليها !! هاي تحجي صدوك بالله !
بوقتها طبعاً فد احتقرت الناس كولها كرهت كولشي ..
كمت من يمها وهيه ضلت تحجي عليه وتصيح واني ولا رديت .. ولا حركت ساكن ابد اصلا مابيه حيل حتى احجي اختي توكف ويا الغلط ولا توكف ويايا ود تكبر براس مرت اخويه .بعد وبعد عفتهم وصعدت فوك ضليت الوم روحي شورطني شجاني ودافعت لبنتها لو مخليتها تموت بنتها بيدها ولا مدخلها نفسي وطالعه اني الغلط مع الاسف والمشكله اخويه ماحجه شي ضل ساكت واني نعزلت عنهم
شهر كامل واني مامحاجيه مرت اخويه
...............................................................................
ابويه قرر يبيع البيت ونشيل بمنطقه اسمها نهروان طبعاً اني ماعرفها ..
بس عرفت انو كرايب ابويه كولها بهاي المنطقه فيريد ابويه يروح هناك يم كرايبه..
وبلشو يبنون البيت وباعو البيت لكاعدين بي بيت جيرانه شتروا
بس جان ابويه مامخذ رأي اي احد يعني محد جان راضي انو نشيل بس منكدر نحجي شي .. لان حجايه ابويه بعد يععني تمشي ع الكل
وضل البيت يبنون بي والاكل احنه نسوي وندزه للعمال ..
فديوم كاعده بالمطبخ ورجليه توجعني موتتني
جان تفوت مرت اخويه انور جان تجي عليه ..
ولاء : كومي امسحي الدرج بسرعه يله بس كاعدها وحنه نشتغل لحضرت جنابج تتمخترين الفاهيه الجايفه
طبعاً اني جنت جدي طالع من الكبور ورجليه موتتني وهاي فوك راسي تحجي حجي معرف شلونه
وهيا من حجت وياي هيج شطت للخلقني
باوعت عليه درت وجهي وكمت ماحجيت شي وياها ...لأن ماريد مشاكل خليت وصعدت فوك بغرفتي وسمعها تحجي عليه امي ردتها بس ميفيد وياها لأن اني ماشتغل بس على كد الواحد من يصخرني على فدشي لو اسوي اشياء خفايف لأن ماتحمل بسرعه اتاعب وختنك وابويه مانعني من اي شي لأن يخاف خاف اختنك ويشكل الربو عندي .. بس منو يقدر ؟!
كلام صاحبه القصه : (باعو اني ماريد احد ياخذ نضره مو حلوه على مرت اخويه. . لأن من جنت بهيج عمر اني ماجنت اختلط بيها ولا بي وحدها .. بس صراحه من كبرت صرت اختلط بل عالم . وغيرت نضرتي للناس .
وختلطت بنسوان اخوتي وعرفت شنو معدنهن وخلقهن .. صراحه عندي نسوان اخوتي اكثر من خواتي . و صديقاتي..
بكولشي يوكفلي . واني بكولشي اوكف يلهن وساعدهن .. بس مرت اصير خلفات بصيطه بيناتنه بس مادوم ونرجع مثل قبل ..)
