ورا مكملت رسمه ذيج بديت ارسم بولون طاير .. اجه علاوي واحس بروحه حجي بس محجه كلت خلشوف شيريد
علاوي : هلو .. مريم شلونج شو ماكو متبينين شبيج؟؟
ليان : الحمدالله ماكو شي سلامتك ..
وضل يتفرج ..
علاوي .. شكد حلوه هاي تعاي خلي اساعدج بهذه الونه الج ل
ليان : اي عادي هاك اطيته فرجه الوان
وبده يلون
اباوع عليه .. ادري بي يريد يحجي شي بس لأن اني اعرفه زين ..
ليان : علاوي !
علاوي : ها
ليان : كولي شبيك تريد تحجي شي بس ساكت .. اكو شي احجي ؟؟!!
ندار عليه وكالي اريد .. اكولج شي بس لا تحجين !!
ليان : اي ماحجي شكو ؟؟
علاوي : سمعت عمو محمد يقنع ببويه
يزوجج ابراهيم ابن عمه كريمه !!!!
طبعاً اني نصدمت وبسرعه ذبيت الوان من يدي لا مستحيل حتلو يوافق ابويه اني ماقبل ابد مستحيل ازوج هذه ابراهيم ابد لو يبقه اخر يوم بعمري ...ابد ماريدددده
طبعن محد حجه كدامي شي بس جنت كاعده يم امي وكالتي اذا اجه عمج عامر وسئلج كولي اني ماموافقه ازوج هسه بعدني صغيره ماقبل ازوج .. باوعت عليه وهزيت راسي
اجه عمو عامر واني اصلن اكرهم ماحبهم وضل يحجي ويسئلني اسئله سخيفه مابيها معنى وجاوبته ع كد الاسئله وسكتت
ورا ساعه يلا راحوا ..
ورا سبوع سمعت متقدمين لبنت عمي شهلاء طبعاً فرحت .. احس جان شي خانكني وراح
قررو عرس ابن عمي عمر
بيوم الحنه رحنه كولنه ولتمينه ابيت عمي
صدفه شفت شهلاء نزلت ردت اروح عليه بس وكفت ردت اشوف شسوي بله .. . نزلت وتتمختر وتحجي بتكبر
وتحسس نفسه هيه هاهي جبيره صارت ..
طبعاً اني ماهتميت اصلاً ولا عبرتها بس سلمت عليه و رحت يم البنات كعدت .. صارت هوسه وعالم اجوا
بعدين بدت حفلة الولد برا .. وجاوبوا مغني
وهوسه صارت ..وجواء صارت برا تجنن
اني كمت احوس بس اريد اشوف ..
صعدت فوك لغرفه هند اصير مرت ابن عمي سرمد
رحت فتت للغرفه وشوف ضحى بنت عمتي رسميه واكفه يم الشباك المكيف وتباوع مثل الحرامي
اني كيفت لأن اذا لكفت مو وحدي وياي ضحى رحت يمها...وحده دحست روحه بالثانيه ونباوع اشو شويه جان نشوف
عمو محمد يباوع على الشباك !!! عززاا ! عاد دز رجل اختي حماده غير اني شويه واموت نزلنه اني وياها وحده تعثر بل ثانيه 😂
بس شنو شويه ونوكع ..
عيني نزلنه وشويه وفات حماده ..
حماده : والله اذا وحده صعدت فوك اصعد اشمرها من الشباك ..
تكعدن وسكتن احسن الجن
طبعن هوه ميعرف منو جان بس جي يحذر
ورا شويه كالتالي ضحى امشي خلي نصعد
ليان : لا والله ابد ماصعد ..ماريد اشوف روحي
لج اني غير ردت اموت قبل شويه .. عوفيني روحي وحدج ماروح ..
ضحى :همداج جبانه ميسون شي هاي شبيج ..
ليان : لا ابد والله ماخطي الدرج
خلصت الحفله ورجعنه للبيت ..
فرشنه حتى انام ...
رحت للمطبخ اجيب مي اجاني يوسف اخويه
يوسف :ليان روحي جيبي فراش حمودي ابن عمه سعاد اليوم راح يبات يمنه روحي فرشيله وفرشي فراشي هم
ليان : اي صار
اني من كال يوسف حمودي ابن عمه سعاد هنا متت ..احس كلبي راح يوكع بديه
يمكن كل سنه مرا اشوفه لو ماشوفه ..
عزه متت راحت جبت الفراش مثل الطياره
رجعت وكفت يم الباب وحجي ويا نفسي ..
افوت لو مافوت افوت لومافوت .. وضليت يمكن بالعشر دقايق على وكفتي
بعدين صاح يوسف عليه !! اوووف ياربي شلون اليوم
يوسف : ليان وين صرتي يله جيبي الفراش..
اني واكفه يم الباب وجان يطلع بوجهي يوسف
يوسف : شبيج متفوتين ترا ميتين تعب.. اني راح اصعد فوك ابدل ونزل
ليان : اي فايته هسه
راح يوسف واني فتت يعني اذا واحد طخني يمكن اوكع 😂
فتت مالكيته .. اوووف الحمد لله
ليان : اي الحمدلله يمه كلبي راح يوكع ..
فرشتله بعدين بديت افرش ليوسف جان يفوت احس جمدت بمكاني
مدد على الفراش جان يحجي وياي
محمد : هلو ليان شلونج ..
ليان : الحمدلله كوه طلعت هاي الكلمه خرب جني مخبله 😂
محمد : شخبارج .. صار كومه ماشايفج ياصف صرتي ؟؟
اني : بخير .. بطلت وصلت سادس وبطلت ..
جي يحجي وفات يوسف ..
يوسف : ها فرشتي
ليان : اي خلصت ..
طلعت بس شنو احس مامصدكه شفته يمممه احس كلبي راح يطلع من مكانه .. من كثر ماحبه ومشتاقه اله ومتوتره مادري على شنو هلكد متوتره
بهذيج ليله ماكدرت انام او اغفه تفكيري كوله بي ..هسه كاعد لو نايم لو يسولف لو لو لو واني وفكر نمت بدون مادري 😴
صار الصبح كعدت وصبحت عليهم وتريكت ورحت احضر نفسي
للعرس ..
سبحت ..
وطلعت ملابسي وبدلت وقسم اخذته وياي حتى ابدل هناك هم
نزلت واني وشايله ملابسي وغراضي
امي : ها خلصتي
ليان : يي يمه ..خلصت
امي : لعد يله روحي صيحي مرت اخوج .. ولاء
رحت عليها
ليان : ها ولاء خلصتي
ولاء : اي خلصت بس تعاي شيلي توته
طبعناً مرت اخويه الجبير صار عدها ولد ثنين وبنيه اية روحي من الدنيه تجنن
ومرت اخويه وضاح هم صارعدهم بنوته ..بس هيه يم بيت اهلها لأن ماصار هواي من جابت
نزلت واني شايله توته والعب بيها ..
امي : ها وينها ولاء.
ليان : هسه تجي يمه خلصت ..
يله تعاي خلي نطلع برا ابين متجي طلعنه اجه اخويه صعدنه وياه وجتي ولاء ورانا
ورحنه لبيت عمي ..
واني طول الطريق حاطه توته بحضني والعب بيها اموت على البنات يجنن
وصلنه للبيت نزلت اني اول وحده رحت فتت جوه سلمت على الموجودين .. وصعدت فوك لغرفه اختي حتى ابقي غراضي يمها...
اني هنا عمري صار 14 سنه ناعمه شكدودني يعني لصغر مني لعمرهن جان 13 لو 12 اكبر مني يبينن بس اني بيهم جني فاره😂
بد العرس وهوسه وركص وغاني وصار وكت الزفه اني مارحت ..
مابيه وخاصتاً اني كارها اسم طلعه ابد ماطلع ..
فبقيت بل بيت اني وبنت عمي شهلاء كالت راح بقه يمج حتى نعاون البنات ..
كتله اوك . .
رحت اساعد هنده بل شغل مسحتلها البيت وهيه ترشلي وشهلاء لبسه فستان قصير وكاعدها تركص وتتموع بل ستقبال كدام عمه كريمه .. عمه كريمه اصير امه ابراهيم لتقدم لشهلاء
فخطيه الله يسلمها .. جي تتموع لعمتها 😂
طبعن اني اباوع واضحك على سوالفها
بعدين خلصت وفتت للمطبخ اشوف شجاي يسون
فتت وشوف عمه سعاد وامي وعمه حنان اصير ام شهلاء وهمه هداوي اصير مرت عمي هم ..
فتت اباوع عليهن كل وحده مستلمه شي امي وعمه سعاد يلفن لفات كص شنون ثتين اكالت يلفن لفه والثانية ياكلنه متت ضحك عليهن خطيه تعبانات وجوعانات 😂
كعدت اباوع عليهن ...
عمه هداوي : كومي عيني روحي بدلي وكشخي راح تجي الزفه
ليان : اي عمه هسه اكوم ماعندي شي اني بس ابدل ..
شويه وكمت رحت صعدت فوك لكيت اختي دتبدل رحت بدلت وكشخت على اخر نقطه
طبعن شكد لحلوه اني من اكشخ فديتني واكفه على لمرايه ومعجبه بنفسي ..
ماحس بس واحد صفكني على راسي طبعن اني ادري بيها ميثاق اختي هاي مجوز من سوالفها السخيفه 😂
نداريت عليها .. شبيج يمعوده ايدج توجع !!
ميثاق : دنجبي رعنه اكو وحده تحجي ويا نفسها بالمرايه ؟!! .. صار ساعه احجي وياج اكولج شوفي لبسي حلو ؟؟ ولا باوعتيلي !!
باوعت عليها كتله
ليان : اسفه ماسمعتج اي حلو بس اني احله منج طالعه هههه حجيتها لو بتليت على عمري 🤦🏻♀️😂😂
لزمتني دك رزاله ورا رزاله واني اطيز العب باعصابها 😂 فد فطيره خطيه ميثاق لدرجه ! المشكله هي فطيره وعراكه خرب ههههه !
وصلت الزفه وفاتو..
