KETEGAL IYA INDU MENYANA

KETEGAL IYA INDU MENYANA 2

DIKARANG:SANDAH LAST BAJING
TUSUN 2

       "Hello bie...pulai gi...apai raya amat sakit", ko aku bejaku ari telefon....
" ya hello..siapa tu...nama nuan berhubby enggau laki aku?.",ko siku indu bejaku ba telefon...
"o...tu telefon donie kah?.", ko aku ga nanya baru...
" ya..telefon bonie meh tu...nuan siapa deh?.",ko indu nya ga nanya...
"o..nda ibuh nemu...padah ka bonie...apai ya makin balat sakit..ti ulih ngasuh iya pulai ngabas apai iya", ko aku ga bejaku
" apai.????.setahu apai bonie udah lama mati au...",ko indu nya ga nyaut...
"eh...padah aja meh ngagai iya..anang enda madah",ko aku ga..
" ok",ko indu nya...aku lalu nutup telefon...ai mata lalu labuh naya...
"jang...ti kami duai apai nuan sarak...nuan nitih ka aku?.", ko aku ga nanya ujang...lama ujang enda nyaut...
" ditu meh ku indai...nadai orang ngibun aki ditu...",ko ujang ga nyaut..
"nuan deh mang?.", ko aku ga nanya umang
" ngau ujang",ko umang ga nyaut..
"jang...lebuh aku udah angkat ari rumah tu...aki nuan enggau umang ibun manah...lebuh bisi duit ila aku ngirum ka kitak belanja..enti aku bisi cuti..ila aku ngabas kitu ga....ingat jang...anang sesekali meh badu sekula...aku semampai bisi nupi...udah tu legik nuan madah ka ika indai seri......", ko aku ga madah ka ujang..aku lalu angkat bebuat ka garie aku empu..udah tembu bebuat garie..aku lalu ngambi beg ka besai ba sadau...serta udah nya aku lalu mupuk bekemas...sambil bekemas sambil aku berati ka utai sebelah bilik...ai mata semampai beterenjui ngenang diri ka udah lama diau ba bilik nya...ari rumah nya bedampa..nyentuk k udah nyadi baka ka diatu...keba aku belama meh ngaji orang begaga ka rumah laban apai ujang semina setahun pengudah umang ada iya lalu nadai kala bekirum ka belanja agi...aku laki..aku bini..aku apai..aku mega indai dalam rumah tu..entua ka laki sigi lama udah enda dapat...naka ka dapat agi..entua ka indu..tang iya ga dulu diambi petara pulai ke dunya asal kitai...gambar kami duai apai ujang ka digantung ba dinding lalu diturun ka aku serta disimpan aku ba ba laci jemari kami duai apai ujang...serta laci nya pan lalu dikunci..kengka ka gambar aku empu disimpan aku ba beg...benung aku nutup beg...
" endu....pulai nuan?.",ko apai ga nyapa aku ka baru udah tembu nutup beg....aku lalu angkat duduk sepiak apai serta megai jari iya ti enda ulih engkebut...
"au apai...pulai ku apai..nadai utai diwan aku agi ba bilik tu...makin ku diau ditu..makin hati ku tusah agi...minta ampun apai..ukai aku enggai ngintu nuan...tang hati aku bangat enda ulih pansal agi...nuan enggau niang indai cukup mentas enggau aku...keba aku enda ulih manding ka pemanah seduai enggau apai indai ti ngada ka aku .tang sayau meh...pejalai rumahtangga kami duai bonie enda datai ba adan seput kami duai ya nadai...enti enda pia...ka endar meh hati aku tu ngibun bilik kitai tu nyentuk ka aku layu sulai...minta ampun apai..naka tu meh kitai begulai...ujang enggau umang bisi enggau nuan begulai..", ko aku bejaku enggau sabak...
" au endu...aku nemu bakani asai hati nuan digaga anak aku bakanya...udah manah meh nuan ulih datai ke sehari tu ngibun aku ..enda dikutuk nuan pulai endu..laban nuan endang agi bisi apai indai..tang ingat ajar aku...kengka enti nusn gawa ba mengeri...bejimat meh begulai enggau orang..kitai enda nemu hsti budi orang ti enggau kitai begulai...mulut endang sigi pulut tang hati bedau temu...",ko apai ga madah...aku lalu ngangkat ka diri ari tisi apai lalu nuju ke mua pintu ruai...tekala aku deka muka pintu..ujang enggau umang pan datai ga ditangkan ka seri enggau indai iya...aku lalu ngenduk serta nyium kuyu enggau kening umang...umang enda bemunyi..enti ngelama tu sigi enggai umang disium...sigi lalu di eju ka iya mua kitai deka nyium..tang tu iya ngetat aja...
" umang...anang kelalu meraya enggau aki..iya enda dapat...kasih ka aki...ti ujang sekula..duduk semak aki...berandau enggau iya",ko aku bejaku enggau umang..iya semina ngangguk aja...aku lalu nyium kuyu enggau kening umang baru...udahnya baru aku nguing ngagai ujang....
"ujang...tinggal indai nadai...anang enda sekula bebendar...ti indai dah bulih kerja..ujung bulan indai ngirum duit...adi nuan jaga enggau manah..nusn meh nyadi ka tulang belakang dalam bilik tu..ingat ujang..ingat pesan indai nuan tu...lebuh nadai pengawa..ila indai ngabas seduai...", ko aku ga sambil nyium kuyu ujang enggau sesabak...
" ika...tu rm2000 ke belanja ujang sekula serta duit dikena belaja sida tiga ditu..ila aku ngirum ka duit baru ga...enti enda cukup ila aku mayar ngagai nuan",ko aku bejaku enggau indai seri...serta nyua ka duit enggau kunci kereta...indai seri mega enggau sesabak serta merap aku...udah aku ngitas ka berap indai seri...aku lalu mupuk pansut ari rumah nya...umang rerauh nyabak ngsnggau ka aku tang aku majak ka singkang diri nuju stesen bas kira ka 1km ari rumah panjai...bisi 5 minit aku udah datai ba simpang...bas asia pan datai...aku lalu ngelayang ke seberai serta nekat bas asia nya...udah aku nyimpan beg ba endur nyimpan barang...driver bas ke dua lalu nanya ka pejalai aku...
"kini nuan menyadi?.", ko iya nanya...
" ke bintulu...",ko aku ga nyaut...
"bintulu..rm48..datai ba sarikei legik aku nyua ka tiket", ko driver nya ga madah ka nyampau ngagai aku...aku lalu nyua ka rm50 ngagai driver nya..enda lama udah nya iya mulai ka baru rm2 ngagai aku...dalam rantau jalai aku sigi enda bemunyi...ai mata seruran deras naya...tubuh aja ka dalam bas tang hati agi tinggal ba ujang enggau umang serta entua lelaki ti sakit...keba labung mit(tuala) ka dilempai aku ba bau..nyau embab kena ngendas ai mata..nyau datai ba sibujaya...jam maya nya udah manggai pukul 2...aku udah nyamai gi hati.....
" hello..janta kah?.",ko aku ga bejaku ba telefon..laban bas ka enda ragak didingga endar ga orang nyaut...
"hello..ya..janta meh tu...siapa tu deh?.", ko janta ga...
"pat tu ta....dalam bas ku ta...ka ngagai nuan bintulu dia...kira minta tulung nuan bemalam semalam dua nganti ku bulih rumah sewa..", ko aku madah ka janta...
" pat...kekadang nuan bejaku dinga ku..munyi orang ka belie..menyadi nuan tu...ukai nya bisi orang enggau aku serumah...seumur idup nuan ulih meh diau ditu..ni ujang enggau umang deh..apai ujang enggau ga?.", ko janta ga nanya...
"kediri aku ti..ujang enggau umang tinggal ba rumah entua ku...aku enggau apai ujang udah sarak", ko aku ga madah sambil jaku serak basah deka nyabak...
" au meh..ti dah semak legik madah...anang nyabak dalam bas..orang ninga...baik enda gawa sehari tu..cuti",ko janta ga madah...aku lalu madah naka nya dulu ngenyadi ka bateri telefon enggau kredit...

          Jam udah pukul 18.45pm...aku lalu nurun ari bas serta ngambi beg ba penyimpan barang...laban ka siti beg tang besai...berat endar asai ditarit...
"hi...nama perening?.", ko orang ari belakang...
" ney.. aku ke tekenyit..te datai ari belakang kitai ko aku...banga",ko aku ga madah ke janta...
"ney..iya ka banga kitai dipadah ka iya..ya siapa ka diau bak belakang bas dia alai nuan merening ngagai belakang bas...aku tu enda..agi ka idup", ko janta ga madah...kami duai ya alu mupuk nuju ngagai kereta..udah nyimpan beg ba bonet kereta..kami duai janta pan sama masuk..lalu kami duai mupuk nuju ngagai rumah janta di rpr kidurong....