KETEGAL IYA INDU MENYANA

KETEGAL IYA INDU MENYANA 8

DIKARANG:SANDAH LAST BAJING
TUSUN 8

          " Ta...ulih ngulu ku bejalai kah?.",ko aku nanya janta...janta agi tentungging ngetat ka mata agi ka pejam....
"kiniiii..", ko janta ga...sambil iya bendar encelak ka mata merening ngagai aku...aku enda tentu bemunyi ga meda iya udah bakanya....aku lalu angkat nuju ke mua pintu....
" nama mata udah ulih encelak legik alu nurun....ngirup kopi..ngambi ka mata enda kenya",ko aku ga madah ka janta..aku lalu nurun ke baruh deka manduk ai...udah nanggar ka kettle aku lalu bebasu ka gari...laban gari ka dibasu  tiga hari sekali amat te sebesen besai gari....hari mayanya sigi ka bebalat guntur tang laban ka enggai nyadi enda bebasu...basu aja ga..udah tembu nyimpan gari dalam mesin..aku pan lalu madam ka api ai....sepagi nya sigi nadai pengawa bukai meh...kengka ka pengawa dalam rumah dikerja memagang...kira pukul sepuluh baru janta nurun....
"pei..enti ba bilik entua...pulai hari wai...", ko aku ga nyapa meda janta baru nurun ari atas...
" eleh...rajin lah sangat....",ko janta ga..iya lalu ngelebus ke dapur...
"ta..ulih ku nginjau kereta nuan..kereta viva?.", ko aku nanya janta...
" nya kena nuan...kereta siti...viva ka kena ku ke tamu legik",ko janta ga nyaut...ninga bakanya aku sigi nadai bantah ga.,..aku lalu mupuk nuju jalai ke tungga sungai plan...laban ka nadai tentu orang....nyamai ga pejalai...kengka enda datai 30 minit ga alai aku pan datai ba sungai plan...udahnya aku lalu ngelawa vvivi saloon...tembu ba vivi saloon..aku lalu nuduk ka diri ba che wan cafe....kira bisi lima minit udahnya alai siku lelaki enggau anak mit ngelawa aku duduk dia....lelaki nya enda bejaku tang anak mit nya lalu merap aku...
"nyah..tu rm300...udah tu kurang gi ga ku meri", ko aku ga bejaku...laki nya sigi nadai nimbal..indah duduk pan ba meja siti....
" nama berita nuan mang?.",ko aku sambil nyium kening umang....ambis jari enggau lengan dipurus....kuyu ambis disium...
"manah indai...", ko umang ga...nyu tepantup asai pengelenggau ka anak...
" ka makai nuan mang...ti ka order aja?.",ko aku ga....
"errr...nasi campur indai", ko iya ga...
" eh...nasib nuan nemu ngiga no aku..ti nda nya baru nuan enda setemu ka iya",ko laki nya bejaku...
"terima kasih dom...bisi masa ila maie betemu baru ga....enda tau suah ngai ka peda apai ujang...", ko aku ga bejaku....
" nya meh...ti lemai ndang enda ulih laban ibuk sidak bisi bejalai pasar..ngai ka jamah ibuk sidak legik",ko dom ga...dom tu endang sigi manah enggau aku..taja gamal bebayat baka...laban ari sekula sigi aku meh meri dom belanja..dom menyadi biak apai ujang...tang perangai jauh manah..keba dom enggai meda ulah apai ujang bakanya tang ga alah penemu laban apai ujang...
ya kala beanu ka umang pia dom?.",ko aku ga...ka nemu ninga te nyelaie munyi dom...
"lapa nda..suah amai meda datai jari..tang laban ka landik...ti baka bisi bakal...udah ku report ke polis", ko dom ga...
" eh...ni apai iya enda ngerara deh...?.",ko aku baru ga...
"ti mabuk aja² keni ka ngelara...nya meh ku selalu nganu iya..enggai ga iya ninga...nadai kala meda datai jari ko iya..ka terang orang ngereja pengawa jaie....", ko dom ga bejaku
" kasih mai umang ku...hmmm...kitak mansang besai nak..sidak mansang tuai...kingat ka pengawa orang enggau kitai",ko aku ga sambil murus buk umang...umang enda bemunyi...majak makai asi ka diorder iya...
"bah dom...mupuk ku...mang...jaga diri ngau manah au anak..", ko aku sambil murus serta nyium umang .aku lalu angkat nuju ngagai kereta...hati enda nemu agi asai...singin ka nyerauh nyabak ninggal ka umang...dedekus ngetat ka deka nyabak..datai di kereta aku lalu mantai ka semua ti ditat aku tadi...ai mata labuh naya deras ari leka ujan ti labuh maya nya...udah hati lantang gi baru aku mupuk..diperening ku ngagai kedai ka endur umang seduai dom tadi..meda seduai ya sigi udah angkat ari nya..aku lalu majak ka pejalai pulai ke rumah.datai di rumah janta sigi udah pulai ari tamu....
" uiit..jampat ga...nyu udah meda tv",ko aku bejaku enggau janta...
"nadai lama..meli sayur ja..nuan deh..kini tadi?.", ko janta ga..
" ke sg plan...",ko aku ga nyaut..udahnya aku lalu ke bilik dapur..serta alu mandi...dahnya alu bebela..tembu pengawa kami duai ya alu makai...

        "pat...nuan nda ngasai ka diri deka ngiga tawing baru kah", ko janta nanya aku...
" errrr..pedis nal ka nyaut nya...sema ila datai siku lelaki ti amai mentas enggau aku...ya...nadai kebuah ga aku enggai nerima...tang naka tu aku bedau bisi hati gi deka ngiga baru...enggai ka baka udah...baik naka nya..ti jadi enggau lelaki penyamah?.",ko aku ga nyaut janta..iya alu enda bemunyi..lama iya ngenung..nyangka berunding ka jaku aku meh nya..sekali ka iya berunding pengamat enggau enda jaku aku nya...keba lemai nya iya enda makai tang mayuh agi ngenung...
"ta...nama bendar nya ngenung?.", ko aku ga..nyau pemuas ka meda iya udu ngenung...
" nadai..nyangka amai meh jaku nuan pat...puas aku berunding
ti bukai enda ga..tang laki penyamah...nya meh ditakut ka aku...ngelama tu engka aku kala ninga jaku tu tang semina mansa aja...nyangka amat meh...",ko janta ga madah...
"nadai dikerunding nya ta..nunda ko orang....kitai semina merambu...petara nentu ka semua...enti iya ungkup nuan..taja bakani pan deka berserara..duai tetap begulai..tang enti iya ukai ungkup nuan..taja bakani pan seduai beretan ka pengerindu seduai..iya tetap ukai ungkup nuan..enda berserara idup..berserara mati pan tau nyadi...", ko aku madah janta..iya semina ngangguk aja...udah tembu berandau..kami duai pan sama tinduk...
" ta...aku semina besampi ka nuan menyadi...enda baka aku..aku nemu nuan bisi pangan...bersampi aku ka nuan ngarap ka pertara semampai ngemata ka pejalai nuan bepangan",ko aku besampi sebedau tinduk...ujan malam nya ngasuh enda berasai tinduk....

           "Morning pat...bisi hujan kah demalam.?.", ko janta ga nanya aku....
" morning ga...bisi...numbas ya lebat...laun dani tadi...hehe",ko aku ga madah ka janta...udah tembu semua pengawa kami duai janta pan nurun gawa...keba pagi nya bisi laun mimit chop card...datai ba office baka biasa mega lalu bekerja ka pengawa...
"lemai legik bisi meeting...semua ngau", ko manager madah ka kami ka bisi dalam office nya...kami bela enda nyaut tang alu beguai begaga ka pengawa enggai ka enda tembu...manager lalu nelai aku madah ka diri deka badu dalam kandang empat bulan ti dek datai...enda mustahiil ga...tudah manager pan nyau udah berupai amat tuai...ti baka kerja ke tanah...sigi enda tentu dapat agi...enda nyangka mega sehari nya ngubah sejarah dalam pengidup aku empu..sejarah ti aku empu enda kala nyadang deka nyadi...