KETEGAL IYA INDU MENYANA

KETEGAL IYA INDU MENYANA 4

DIKARANG:SANDAH LAST BAJING
TUSUN 4

         "Hello jang...", ko aku bejaku ba telefon...
" hello...indai...udah masuk duit ka dikirum nuan harinya....nama enda mayuh deh?.",ko ujang ga bejaku...lama aku enda nyaut..
"mak bedau mayuh terima...sorry au...kelimat ka dulu meh...ti dah bisi gi ku ngirum baru", ko aku ga nyaut...
" au meh indai.....ndai...aki makin balat...nadai ulih bejaku enggau kitai agi...umang udah diambi aba enggau bini baru ya...ditaggang aku meh tang enda ulih",ko ujang ga madah ka ulah sida di menua...
"au enda ngawa anak....ya sigi udah menang...ketegal aku ka lari aku enda bulih hak jaga kitak...", ko aku ga...sambil nampal mulut...ai mata beterenjui enda ulih kira...ketegal pemerinsa serta bedau teulih ka pengawa ngasuh aku enggau bala anak diserara...udah nyau kurang agi nyabak ...
" jang...ngibun diri enggau manah...aku udah tu nadai ulih ngirum duit agi...laban apai nuan nupi kitak...enti bisi nama² madah ka indai seri...iya aja meh ka mentas niti nali kita..orang bukai enda aku arap...ti bisi nenama ngagai aki nuan..telefon ga ngagai aku...",ko aku ga ngajar ujang...
"ditu meh indai seri..ngibun aki...aki sigi udah nadai jalai deka idup agi", ko ujang ga....aku lalu nutup telefon...ai mata majak enda alah ditat...asai ka deka manjung ngambi ka hati puas..tang ngira enggai ka orang begau...janta alu murus dada aku...keba laban ka benung mesin garie....alu duduk diak meh...nyabak ka pengidup diri kelalu balat dipenyati...pemerinsa ti aku tanggung dalam hati....penguji ti aku tapi...semina aku aja ngasai ka....hidup ti semampai nadai pemujur disepi...di menua diri...apai ti dikesau udah midang pergi ..indai ti dikerindu..majak enda dapat agi...deka pulai malu ka diri bangat suntuk...nadai pemisi...umang...anak ti paling dikesayau..dirampas...ari mit sampai ke umur 4 tahun enda kala beleka ari enjut..ari berap..ari ma..keba enti umang sakit..lebuh ka nadai anak belanja...sanggup bepinta..sanggup nyanda...enggai meh ngasuh umang ngetat ka diri sakit...enda ngawa ka dikenang orang bekin kia...laban laki ti di andai...laki ti di asie..sigi enda kala betati ka pengidup kami ka di menua....tang pengudah aku nyurut ka diri..baru sidak luluba ngambi umang ari pengidup aku...nyau asai ka deka gila...
"pat..umbas gi...udah nasib meh nya..besampi ngarap ka sidak mentas ngibun umang baka nuan ti ngandai ka umang ngelama tu", ko janta ga sambil bela sama nyabak...pia iya lalu merap aku ka benung deduie...ujan lemai nya berserta kudi ngasuh aku berasai kelalu enda nyamai...asai ka ngiring pengidup aku ti bangat jawang asai...dipuput ka ribut ngasuh aku nyerungkung duduk..celap guntur enda diasai...keba ujan nitih ninggang bau psn aku enda angkat beguai...tubuh diau di bintulu tang hati jauh udah terebai ka bukai...janta semampai berati ka ulah aku...nyangka iya nanggi ka aku ngaga pengawa ti ulih ngasuh aku layu sulai....
" ta....ka tinduk asai ku...isi asai ke enda nyamai...nyilu...",ko aku madah ngagai janta..aku lalu angkat niki ke pangking...janta lalu entudi aku ari belakang..
"indai....ambi ku...merinsa ku indai...ambi ku....orang enda manah enggau aku....", ko umang nguji nyurung ka jari nyabak minta ambi aku....aku nguji deka nyengkau jari umang tang tubuh asai ka ditarit orang ...makin bendar agi ku nguji makin tubuh aku laju agi surut ke belakang....
" umaaaaaaaannnnnnnnggggggg",ko aku enggau sesabak angkat...janta alu beguai ga angkat merap aku ka benung nyabak...
"umbas agi pat....mimpi nuan aja nya...umbas gi..tinduk tua", ko janta ngaum aku...udah hati lantang agi..baru aku ngalie ka diri baru...janta alu nitih ka aku galie...bendar ga tudah aku besagam dalam hati...nama meh tuju mimpi bakanya...kada enda umang diperinsa ka indai tiri iya nya...aku lalu nyengkau telefon ka diengkah enda jauh ari aku ka galie..nguji telefon ngagai ujang tang enda disaut..nyangka ujang udah jenak tinduk...ka enda...jam maya nya sigi udah pukul 02.23am...aku lalu nguji mejam ka mata tang enda ulih...engka laban tedani tadi meh...keba jam udah manggai pukul 04.40am.. aku agi kekasak galie...janta sigi udah lama bekuruh baru...aku lalu berunding deka berapi....udah aku nancang buk..aku lalu nurun ke baruh...datai di baruh...aku lalu nyengkau...kettle ka agi dipanggai ka ba tungku gas...udahnya aku lalu ngisi ai ngagai kettle...alu dipanggai ba tungku baru...udah tembu nya aku lalu nguing deka duduk nungga meja...
" antuuuuuu!!!!",ko aku tekenyit raya meda utai te duduk merati ka aku ka ngadu deka manduk ai tadi...
"naka meh penuyu nuan deh janta...aku ka deka luput kesal baie tekenyit laban nuan..kemaya nuan udah diak?", ko aku ga bejaku sambil murus dada...
" ney..ta entudi iya kitai ka nurun",ko janta ga nyaut...
"ya ga meda nuan te agi bekuruh tadi ga...", ko aku ga nyaut...
" ka aku enda dani..redup kaki nuan nurun tangga munyi "hulk" ba cerita "avengers" nya",ko janta ga nyaut...benung kami duai ya berandau..dia bisi orang call...
"hello jang", ko aku ga...
" ya hello indai..ka nurun sekula tu..agi ngemata ka gaya aki dulu..nama telefon demalam deh?.",ko ujang ga nanya...
"o..nadai...engka salah tekan", ko aku ga madah ka ujang...
" bah ti pia..padam ku telefon",ko ujang ga madah...aku semina nyaut ok aja...udahnya telefon lalu ditutup ujang...
"ta..aku udah ditu..setahun 3 bulan udah..pengawa alu ga bedau bulih..enti enda bulih pengawa ga bulan tu..kira ku deka pulai ke rumah panjai kitai kin..enggai ka kelalu nusah ka nuan ga...", ko aku bejaku enggau janta sambil murus buk aku empu...
" banga...jaku nya lah aku enggai endar ninga...ti nadai nuan..melanja ...maya laki nuan agi menyana beberi duit ngagai nuan...aku enda ulih bulih pengidup baka diatu au...nuan mega menyadi aku...nadai kebuah nuan nusah aku..kengka lebuh baka tu meh aku sebagai menyadi nulung nuan...ke agi ila badu nuan madah ka diri nusah aku",ko janta ga bejaku ngajar sesambil nganu...nyau enda berasai jam udah pukul 06.00am...janta pan lalu mandi...serta begari..udah iya ngirup..iya pan lalu mansang ke kereta...
"bejimat...anang lelaju...pulai meli ka utai diasuh ku kemari", ko aku madah ka janta...
" au...nuan kenya..anang kelalu mayuh runding...kebun tua nyin minta bantun baru",ko janta nyaut ari kereta...udah iya mupuk aku pan nikup ka pintu...sehari nya aku sigi nadai pengawa..udah tembu besapu bilik..ngemop lantai ruang tamu...muai sampah ke luar gate..aku lalu bebela..pukul 13.55pm janta sigi datai..laban ka sehari tu bala nembiak semina sesi pagi aja belajar...udah tembu semua utai..aku lalu ngadu ka tong drum ka udah dipotong setenggah ba ujung bilik...tembu ngadu ka tong nya..dia aku lalu ningga kereta janta datai...janta mega bisi maie 2 iku kaban indu ka sama ngajar enggau iya
"pat...tu dawai ka dipesan nuan tadi...ambi meh..kami tiga agi bersngkut ka utai tu", ko janta ga...aku lalu nenggah tisi runsh nuju ke kereta lalu ngambi dawai ti baru dibeli pat...udah tembu ngadu ka endur manggang...aku lalu ngelawa sida tiga ka benung ngerendam 10kg sayap manuk enggau 5 iku ikan tongkol...nyadi meh pengawa kami 4 lemai nya...kira pukul 22.45pm alai janta pan lalu nganjung kaban iya pulai...aku lalu mupuk ga bekemas ka utai..semua laluh ka enda abis diempa lalu disimpan aku ba peti ais...lalu tulang enggau ka udah diempa lalu disimpan aku ba plastik celum...kengka malam nya cukup lelak tang hati bisi limpang gaga..lebuh janta datai..semua utai dalam rumah nya sigi udah tembu dikemas....
" pat..pagila ku deka maie nuan raun...ulih?.",ko janta ga nanya lebuh kami duai iya udah ngali ka diri...
"kini???", ko aku ga nanya janta..
" ya..kini² lah...bonus udah ga masuk..gaji udah ga...setahun lebih nuan udah ditu..aku nadai kala meda nuan raun ngapa enti enda interview...ulih kan?.",ko janta ga nanya baru...aku sigi nadai bantah ga..takut enggai ka tudah janta kecewa....jam manggai pukul 00.15am baru kami duai iya tinduk....