KETEGAL IYA INDU MENYANA

KETEGAL IYA INDU MENYANA 7

DIKARANG:SANDAH LAST BAJING
TUSUN 7

Sehari tu hari ti paling dianti pengudah dua tahun diau di menua bintulu..hari ti ngasuh semengat aku idup baru...hari keterubah mega aku begulai enggau orang bukai ka ukai sebilik serumah tang pemanah orang ka enggau begulai ngasuh hati aku cukup nyamai...sehari nya aku semina belajar ka cara ngena computer...bakani cara key in stock barang...bakani ka key out barang..manager mega cukup nelap..ditambah ka bala pekerja luar enda lelanyah serta ngemelik...keba semua pengawa nadai tanggul..lemai aku pulai diambi janta....
" keni deh..ok kah?.",ko janta nanya...
"ukai ke nda agi...cukup manah orang enggau gawa..nya ti berpuluh tahun sanggup meh ku ta", ko aku ga madah ka janta...
" ya meh..meri terima kasih nuan ngagai pangan ku..ti enda tegal iya nuan alu enda kerja",ko janta bejaku..
"eleh...pagila meh ku ngucap terima kasih..tadi ga ya kerja luar", ko aku ga...
" pat...ngetu bak dia tua legik au pat...manah kuih jual apek di simpang nya",ko janta madah...
"ni ko nuan lah..ku nemu nuan lapar...tentu enda makai tenggahari tadi kan", ko aku ga nanya janta..
" ya..ga ngelama tu bisi aka ti dikesayau berapi ti pulai....sunyi ku setenggahari tu au",ko janta ga memanja ka diri...udah datai ba endur ka ko janta..kami duai pan sama bela nurun...kengka semua harga utai dibeli ba apek nya rm30...biasa lah laban ka ndang sama tegar bepakai ka utai bakanya...udah bebayar aku lalu beguai tama ngagai kereta...janta ka berati ka ulah aku pan berasai nyelaie..udah janta duduk iya
"eh..ya nama ulah nuan te segaut peda aku..nyu baka lari ka antu..", ko janta ga nanya...
" ku bisi meda ex ipar ku...nya ku beguai...naka penyaie mulut iya nya...ngai ka iya madah ka bonie ila...",ko aku ga nyaut...
"ya nama utai ditakut nuan...nya ka ditapi..ti aku..nda ku ngalau...", ko janta ga..nunjuk ka enggau eksyen ya...
" eh..aku belalai menua tu asuh nuan ngerang ditemu endur ga...nenako",ko aku ga nyaut janta...
"ya lah...amai ga nya..tapi kan pat...bisi ku meda ex nuan bejalai ba sungai pelan kemari...maie anak mit siku enggau umang..pja mega bini iya", ko janta ga madah ka aku...
" amat nuan ta...singin ku ta...ka betemu enggau umang...lelenggau ku...enda berandau..meda ari jauh pan pama...",ko aku ga nyaut janta...kami duai pan datai ba rumah....udah tembu bebela kami duai pan mandi...udah tembu mandi baru ulh ngali ka diri...taja pengawa duduk tang pengelelak sigi bisi...
"hi", ko orang chat ari messengger....bendar ku ngenung meda tang agi enda ulih dikelala....
" ya hi..siapa tu?.",ko aku ga..
"eh...stanley..ingat nuan kah?.", ko laki nya ga nanya...
" stanley..asai kala ninga...",ko aku ga sambil bendar ingat ka nama nya..
"eh stanley arr..stanley anak kudi..ingat?", ko laki nya ga madah..
" ho..ingat...hehe..nama berita deh?.",ko aku ga...
"manah...nuan deh.?.lama dah nadai ningga berita...", ko stanley ga nanya..
" manah ga...hehe...kai ke nda lama...naka agi sekula suba...berani ga nuan chat neh",ko aku ga nyaut...
"nadai ke nda berani...sigi alu meda nya nuan...", ko stanley ga....
" ye lah...hehe....dah bini kah...suba laku ndar nuan gi sekula",ko aku ga nanya stanley...
"bedau..hehe..nya meh...lelanjur mimit nadai nya ngawa..nuan deh?.", ko stanley ga nanya ku baru....
" dah ku belaki..dua dah anak ku..tang jodoh enda panjai...",ko aku ga...
"ya..agi bisi vacancy lah tu neya", ko stanley ga...
" haha..nadai lah..ku dah tutup hati untuk terima orang bukai...sorry lah au..naka tu aja tua berandau...",ko aku ga malas chat stanley...
"o...beguai mai..ok lah", ko stanley sambil nganjung emoji bye...udah aku badu chat stanley..aku lalu ngelengka ka telefon...
" erm....bisi nal nya sesenyum kediri...gila bayang katakan",ko janta ga ari tisi..
"eleh..sibuk", ko aku ga nyaut janta....
" ney..dah nya tinduk gi...",ko janta ga..kami duai lalu sama tinduk

Pagi nya baka selama tang sekali tu aku sigi udah nganti ba luar....turun janta baru kami duai ya mupuk...jam pukul 8 aku sigi udah dalam office...pagi nya kami lalu start briefing...udah briefing aku lalu bekelala enggau bala pekerja dia..udah semua nya badu..aku lalu ngereja pengawa..keba meja penuh laban ka key in attendant work....udah tembu attendant work..aku lalu key in inbound product ka masuk ngagai gudang...jari sigi enda ngetu naip...sampai tenggahari pan enda berasai...manager suah mega nyeling pengawa aku...udah tenggahari aku lalu nadai pengawa agi...sambil macha novel "PUNAS-RIYAL IMAZ" dalam facebook aku mega ngirup kopi..syok amai meh asai bakanya...
"ai...rindu ga nuan macha nya neh...sama meh tua..aku siap share tadi", ko manager..
" haha..ya bos..kala ka free ulih ga macha..ti enda limpas aja..tu nyau dah tinggal renggat ga aku...",ko aku ga madah ka manager..manager lalu majak ka pejalai diri pansut ke luar....nyangka iya ngececk gudang meh nya..raun meda product....aku lalu terus macha...keba enda berasai jam pukul 15.00pm...ninga bunyi alarm aku lalu angkat ke muster point nitih ka dipadah manager kemari maya baru start kerja...sehari nya laban ka bisi firedrill...cukup lelak ga asai...tang nya mrh..nya mega siti ari tanggung pengawa..enda berasai datai ba rumah aku pan telelap..gari ke dikena agi gari gawa...pulai janta ari pasar malam iya lalu ngerak aku...
"pat...apu...peda nuan...gari agi gari kerja....udah ga alang² tinduk jam maya tu...dani gi..angkat gi.. ", ko janta...
" hakai....nda berasai tinduk...cukup lelak..",ko aku ga...
"ney...mandi gi...udahnya alu bebela...anang majak ka tinduk..legik ngai tinduk mata nuan nya", ko janta...aku lalu angkat nyengkau tuala ka dipanggai ba atas jemari..udahnya aku lalu nurun mandi...udah tembu mandi kami duai janta pan lalu makai...udah tembu makai kami duai lalu nyedia ka diri tinduk...semalam nya aku ngasai cukup tusah ka tinduk..keba enda temu maya meh ka lelap...dani nemu hari udah pagi..tang nasib sehari nya hari minggu...