KETEGAL IYA INDU MENYANA

KETEGAL IYA INDU MENYANA 3

DIKARANG:SANDAH LAST BAJING
TUSUN 3

        Malam keterubah diau ba menua baru cukup merinsa...ditambah ka diri ngelama tu seruran bisi orang di intu...ngelama tu udah sedanah berapi laban entua ka enda tau enda makai...berara ka umang...ngenah ka seduai ya menyadi makai...tang ka sekali tu semina diau diri aja...duduk ngemata ka tv cerita "runningman"...cerita ti dikerindu ka ujang... janta semampai berati ka ulah aku ka semampai kekasak...indah enda jari pan kekatur begiga ka utai dikerja...
"pat..uji nuan ngaga ka aku ai milo...milo ba dalam almari...", ko janta ga...aku lalu angkat ke dapur serta ngaga ai kopi ke iya...nyangka terunding meh tudah janta ngasuh aku laban iya nemu ngelama tu taja udah lelak pulai gawa duruk,kerja bekuli enggau orang besawit belada...tetap mega aku berintu lebuh pulai lemai...
" tu ai nuan",ko aku ga ngengkah ka ai milo ba meja mit mua janta...
"ta..bisi nemu endur ka ngiga orang gawa nuan ta?.", ko aku ga nanya..janta agi neguk ai milo kosong ka digaga aku tadi...
" bisi aku udah nanya ngagai bala kaban...semina siti endur ka ditemu bisi minta orang",ko janta ga madah pengudah iya ka neguk ai milo...tang mua iya majak merening ngagai tv...
"nama pengawa nya deh ta...manah kini...?.", ko aku ga nanya baru...
" manah ga enti nuan ka...laban nya ukai pengawa ngapa....tang nuan bisi maie sijil spm nuan deh?.",ko janta ga nanya....
"bisi ta...nama pengawa nya deh?.", ko aku ga tatuk nanya...
" kerani",ko janta ga....udah tembu ngirup kopi..janta lalu maie aku bebela ba dapur...berasai limpang ga asai anak hati laban janta orang ka sigi lelanyah pendiau...janta meh siku menyadi ti cukup manah...ti semampai nolong aku lebuh tusah..kengka ti lebuh aku ngirum duit..iya sigi enda sanggu ga ngirum...janta..menyadi kami ka paling biak...iya baru berumur 25 tahun tang laban ka kerja perintah..sigi nyamai ga iya beambi ka utai....kereta nyau udah dua buah...rumah bisi ngi diri empu...tang belaki iya sigi bedau...ti dibanding enggau aku baru berumur 33 tahun udah dua iku anak..
"hello..dini nuan?.ari tadi aku telefon lalu enda diangkat...baru tu nuan ngangkat..bodo", ko orang bejaku ba telefon...
" ya...aku endang bodo...nya kebuah ngelama tu aku semampai deka dikemeli ka nuan belama...di k****g nuan pan aku enda nyida...tang ke sekali tu..badu agi nuan ngiga aku...intu bini nuan enggau manah...",ko aku nyaut apai ujang...
"ni bini aku..amat banga nuan tu..nuan nya ka bini aku...", ko iya ga nyaut...
" o..sangka nuan enda nemu aku .harinya..maya aku telefon...siku indu nyaut madah ka diri bini nuan...nuan ingat aku belie...",ko aku ga madah ka apai ujang...
"o..udah nemu neh...au...aku enda ngenggai sarak enggau nuan...tegal iya aku sanggup muai nuan...iya orang menyana..bekerja nyadi deresa..duit mayuh...rumah bisi...nuan nama..nginsap darah aku aja...kerja kebun belada...diau rumah panjai ukai nya bisi asil..kais pagi makai pagi...", ko apai ujang bejaku...
" ya..enda bula....ngarap ka laki sigi enda meri duit...terima kasih aja...setahun udah umang ada aja ka meri ku duit..kati ka enda bekuli sebelah orang deh...nadai meh ulih bajik..ga ngidup ka anak sebelah tanah...enti ngarap ka laki mati lepi..indah apai indai diri empu ga enda dipeduli..enda ibuh agi kami ka nampik datai",ko aku ga nyaut...telefon lalu dilengka ka apai ujang tekala nya...aku semina ngetat ka ai mata labuh aja.....asai ka munuh diri tang laban agi ngira anak...janta lalu nempik belakang aku serta murus dada meda aku deka luput

                                              #*****#

      Pagi ti cukup celap...ditambah ka ujan memesi...pukul 5.30am aku sigi udah dani nyedia ka utai...janta lalu bedau dani...udah manduk ai kopi aku lalu betuchi gari...laban ka bedau nemu bekena mesin enggau orang...ngena berus aja meh bebasu
nyau pengelama aku beberus baru aku ninga orang bejaku...
"tumu nuan pat...",ko janta baru nuduk ka diri ba kerusi...
" teleba...nya ai udah tunyau ku...",ko aku ga madah ka janta...
"kitu ku ngajar nuan ngena mesin", ko janta ga..udah nya janta alu ngajar aku bakani ngena mesin..janta lalu mandi..kira lima minit meh janta mandi..udah janta tembu mandi..ia lalu begari...aku semina berati ka aja ulah janta ka mansa...
" pelik",ko aku ga bejaku kediri pengudah janta ka ngelebus...
"pattttttt!!!!!!", ko orang dinga aku nurun ari tingkat dua...
" ya nama utai ta...nama main nuan",ko aku ga sedanah ninga janta ka manggil...
"nama nuan enda madah ka aku batang berus agi diselit bak pala...????", ko iya bejaku sambil ketawa..aku pan sama enggau ketawa....udah janta tembu begari..iya lalu nurun ke baruh nuju ngagai bilik dapur...aku sigi udah duduk nganti iya ka datai...
" pat...bedau nuan sehari tu...hari satu ku minta cuti nganjung nuan ngiga pengawa...nyamai agi...tusah bearap ka orang",ko janta ga madah ka aku...
"nadai ngawa meh..kai lama ga nya..tinggal dua hari gi...tambah tu hujung bulan ga...orang nyau deka terima", ko aku ga madah ka janta...udah tembu janta ngirup...iya pan lalu mupuk ka kereta...aku ngulu ka iya naka pintu...
" ti nuan beguna ka kereta...kunci kereta siti nya atas almari...anang nyabak nuan...ti hati enda nyamai..kebun sayur ku belakang dia bantun rumput ya",ko janta ga...
"au meh...legik ku meda", ko aku ga nyaut janta...
udah nya janta pan alu mupuk
nyau pemuas ka nadai pengawa...aku lalu nguji meda kebun sayur janta ba hujung bilik....
" apu..naka meh gamal kebun itu...nyu ukai kebun sayur..kebun rumput",ko aku ga bejaku kediri...aku lalu ngiga utai kena nyabut rumput ba stor..udah aku setemu..aku lalu bebantun...jam manggai pukul 13.12pm...rumput pan ambis dicabut...keba nyu tawas dipeda...aku lalu pulai ngagai pun bungai ka nisi rumah...becabut ka rumput ba nisi rumah...naka nya meh ka ulih ngelimpang ka aku ari ingat ka bala anak di rumah panjai...lemai nya lebuh janta pulai..iya cukup gaga hati...meda rumah nyau tawas...pia mega lebuh iya tama ka bilik meda semua rengka dalam bilik udah ditusun enggau manah...ruang bilik pan jauh besai dipeda...janta lalu tama ke bilik dapur...semua utai udah disedia ga ba atas meja...
"o...asai ka nyadi bos...", ko janta ga bejaku....
" hehe..ga nadai pengawa alu ngatur semua utai dia...ngambi ka tawas agi dipeda...enda nyu mereba",ko aku ga nyaut janta...janta alu niki ke atas...udah janta nurun kami duai pan lalu makai...keba tulang cukup lelak tang pemuas ati enda alah kira...malam nya tinduk pan enda berasai...