من منطقة في الفيوم في بيت لا يظهر عليه الثراء تستيقظ حياء من نومها بتكاسل ....
حياء: " عمرها ١٨ سنه في الثانوية العامة فتاة جميلة جدا بشرتها بيضاء عيونها عسلي شعرها طويل اسود اللون مرحه"
حياء : ياربي انا مابكرهش في حياتي أكتر من إني اروح المدرسة ولو نمت بابا هيزعق !
فى ذلك الوقت تسمع صوت ينادى عليها
امل " والدتها عمرها ٤٥ سنة جميلة تحب أولادها كثيرا وتعشق والدهم "
امل : حياء قومي كفايه نوم
حياء : خلاص يا ماما صحيت مش كل شويه تفضلي تزعقي لي كده
امل : يا بنتي مش بزعق انا بس خايفه لو ابوكي رجع من بره ولاقاكي نايمة هيتخانق معاكي
حياء : يوووووه بقي هو كل شويه تفضلي تقولي كده
امل : نفسي اعرف انتِ طالعه لمين كده اخواتك مش زيك كده ده اختك لما كانت في الثانويه ماكانتش بتنام
روضة " اخت حياء جميلة مثل امها متدينة عمرها ٢٢ و تحفظ القرآن تدرس في كليه اداب لغه عربية آخر سنه في الجامعة "
روضة : انا هقول لك يا ماما علشان انتوا مدلعينها .. مش علشان آخر العنقود تسيبوها براحتها وكمان طول ما هى ماشيه مع حور عايزاها تتعدل ازاي يعني
حور " صديقة حياء وتوأم روحها تعرف كل شىء عنها وهي فتاة وحيده ليس لها اخوات ومدللة للغاية "
حياء : روضه انتِ حطاها فى دماغك ليه بقى حور طيبه جدا
روضه : بس متدلعة اوى وبتأثر عليكي في كل تصرفاتك
حياء : يووووه بقى دايما انتِ و بابا عايزيني ابعد عنها وهي مابتأثرش عليا
روضه : ايوة لازم تبعدي عنها هي مش زينا خالص لبسها طريقه كلامها كل حاجه فيها مختلفه عننا
حياء : أنا مش هرد عليكي انا هقوم البس علشان اروح الدرس ..
وتقوم حياء لتبدل ثيابها وتترك امها حزينه على حال ابنتها
روضه وهي تقبل والدتها : ماتزعليش يا امي ادعي لها
امل : بدعي لها ربنا يهديها ويصلح حالها
روضه : يا رب يا ست الكل يالا نحضر الفطار قبل إما بابا يرجع
امل : يالا يا بنتي
وبعد قليل تخرج حياء لكي تذهب إلى درسها مع صديقتها
روضه : استنى هنا ! انا مش قولت لك ماتلبسيش الطقم ده خالص 😡
حياء بضيق : اوف بقي وانا رديت وقولت لك انا هلبس اللي انا عايزاه انا لسه صغيره
"كانت تلبس بنطلون ضيق يفصل تقسيم جسدها وتيشيرت وتلف طرحتها وتخرج منها نص شعرها "
امل : يا بنتي الناس هتتكلم عليكي
حياء : اللي يتكلم يتكلم انا حره ويالا سلام
وتذهب سريعا قبل أن تسمع شىء آخر منهم .. وتقابل حور
حور : مالك قافله وشك كده ليه
حياء : ما انتِ عارفه المشاكل بتاعة كل يوم بسبب ست روضه
حور : سيبك منهم بقى ماتزعليش نفسك
حياء : عندك حق
اما في البيت
روضه : انا لازم أقول لأخوكى وهو هيظبطك يا ست حياء
امل : ايوة قولي له علشان هو الوحيد اللي بتسمع كلامه
روضه : حاضر بس هو ينزل من الجيش وهقول له عليها
امل : ربنا يرجعك بالسلامة يا ابني
___________
أنت تقرأ
رواية " جوهرة في بيتي "
Romanceالمقدمة فى هذا الكون لا نختار من اكون انا ولا نختار مجتمعنا ولا نختار عائلتنا ولا نختار أن نولد فى مجتمع لا يفهم عن عفة البنت و حمايتها وكونها جوهره يجب أن تُحفظ فى حصار يمنع أى شىء أن يقترب منها ولانه عندما تولد فى هذا المجتمع وهذه الظروف عليك أن...
