تخرج حياء إلى أهل حمزه
حسن : تعالي يا حياء سلمي على أهل حمزه
حياء : السلام عليكم
فاطمة : وعليكم السلام تعالي يا قمر
انا ابقي والدة حمزه
حياء بخجل : ازيك يا طنط
فاطمة : الحمد لله
الله اكبر عليكي قمر يا حياء
حياء بكسوف : ميرسى يا طنط
عائشة : بصراحه ماما عندها حق ما شاء الله عليكى حمزه كلمنى عنك كتير بس ماقاليش إنك قمر كده
حياء : والله انتِ اللى قمر يا عائشة
يوسف : انا والد حمزه
حياء : اهلا بحضرتك يا عمو
يوسف : ربنا يحميكى يا بنتى
حياء : ربنا يخليك يا عمو
حياء ده زياد خطيب عائشة
زياد : احنا مكتوب كتابنا كمان
حسام : زى روضه برضو مكتوب كتابها
يوسف : ربنا يسعدكم كلكم يا ولاد ونفرح بيكم
حسن : امين ياااااااارب
حسام : تعالى يا حمزه علشان تقعد مع حياء تتكلموا شويه
حمزه : طيب
ويذهبوا خارج الغرفه ويقعدوا مع بعض
حسام : هسيبكم شويه وراجع تانى
حمزه : طيب خلاص بقى روح
حسام بمزاح : افتكر إنى راجع تانى
حمزه : ليك يوم يا حسام
حسام : هههههههههههههه خلاص هسيبكم
ويذهب حسام ويسود جو من الصمت
حمزه : حياء مش عايزه تسألينى على أى حاجه
حياء بتوتر : هو سؤال واحد انت عايز تتجوزنى ليه
حمزه : حياء قولت لك بعدين هقول لك مش دلوقتى
حياء : طيب وانا مش موافقه
حمزه بصدمه : مش موافقه
حياء : ايوه مش موافقه على الجواز
حمزه يسكت قليلاً : لازم توافقى
حياء بعند : لا مش غصب هو
حمزه : برضاكى هتوافقى
حياء : لا
حمزه بنفاذ صبر : تمام يا حياء انا هقول لوالدك انك كنتى مع جلال وشوفى هيعمل ايه
حياء بصدمه من كلامه : كنت متوقعة إنك ماتغيرتش و إنك زى ما انت
حمزه بحزن لا يظهره : انا قولت كلامى يالا
ويدخلوا إلى أهلهم
يوسف : أيه يا شباب نقرأ الفاتحه
حمزه : أتمنى
حسن : انا عن نفسى موافق رأى العروسة
حياء بخجل : موافقه يا بابا
حسن : على بركة الله نقرأ الفاتحه
يوسف : والخطوبة وكتب الكتاب هيكونوا آخر الاسبوع والفرح آخر السنه دي بعد تخرج حمزه
حسن : تمام كده
ويقرأوا الفاتحه
حمزه يشعر بالفرح ولنفسه : سامحينى يا حياء ماقصدش بس انا بحبك وعايزك فى الحلال وعايز اعترف لك بكل حاجه فى قلبي بس لما تكوني مراتي
حياء لنفسها : هو انا فرحانه ليه ده متجوزنى علشان ينتقم كان نفسي يكون بيحبني زى ما انا ....... لا لا لا ماينفعش احبه مش لازم اتعلق بيه
الكل : مبروووووووك يا اولاد
حمزه وحياء : الله يبارك فيكم
وبعد مرور اسبوع تأتي خطبة حمزه وحياء
حياء : انا خايفه اوى يا روضه
روضه بضحك : ههههههه ده طبيعى انتِ مش خايفه انتِ متوتره بس اهدى كلنا معاكى اهو
عائشة : الله اكبر أيه الحلاوة ده يابختك يا حمزه واخد القمر كله
حياء : انتِ اللى قمر
رودينا : انا بحبك اوى يا حياء علشان خليتى اخويا يتغير ويقرب من ربنا وهو و بابا مابقوش يتخانقوا زى زمان
حياء بصدمه : انا
عائشة : ايوه يا حياء علشان كده كلنا بنحبك
حياء : بس انا ماعملتش حاجه
عائشة : مش انتِ الحب هو اللى عمل كده وده بسبب حب حمزه ليكى هو اللى غيره
روضه : حمزه شخص كويس من جواه ربنا جعل حياء سبب إنه يكتشف نفسه ويقرب لربنا
حياء بفرح : انا مبسوطة جدا بكلامكم ده انا كمان بحبكم اوى
روضه : يالا بقى تعالوا نتصور شويه قبل إما ييجوا الشباب
ويتصوروا وبعد قليل يأتى الشباب ويأخذوهم إلى القاعه ويتم كتب الكتاب
حمزه : مبروك يا حياء
حياء بخجل : الله يبارك فيك
حمزه : حياء انتِ قمورة أوى النهارده
حياء بخجل : ميرسى
رودينا : أيه يا عريس مبروك
حمزه يحتضنها : الله يبارك فيكى يا رودى
عائشة : يالا يا حبيبى لبسها الشبكة
حمزه يلبس حياء الشبكة
روضه : مبروك يا قلبى
حياء : الله يبارك فيكى
حسام : بنوتى بقت متجوزة دلوقتى كبرتى وبقيتى عروسة
حياء : عقبالك يا حبيبى
حسام : قريباً إن شاء الله يا قلبى
يالا بقي نهيص شويه
ويقوموا ويرقصوا و يغنوا ويقضوا وقت من الفرح
أنت تقرأ
رواية " جوهرة في بيتي "
Romanceالمقدمة فى هذا الكون لا نختار من اكون انا ولا نختار مجتمعنا ولا نختار عائلتنا ولا نختار أن نولد فى مجتمع لا يفهم عن عفة البنت و حمايتها وكونها جوهره يجب أن تُحفظ فى حصار يمنع أى شىء أن يقترب منها ولانه عندما تولد فى هذا المجتمع وهذه الظروف عليك أن...
