رواية #مكتوبلي
( حقيقة ممزوجة بلخيال )
للكاتبة #هدو
الرواية بلهجة الليبية
حلقة 7
🔥
امجد / ماتسأليني ع شي لين نوصلوا
شفاء / حاضر
ركبو الطيارة ...
قعمز امجد وشفاء جنبه بعد فترة قصير رقدت ع كتفه . وهني ضعف امجد للحظة.. واكثر شي تمنيته وكنت مستعد نحارب ع خاطره روحت ولقيته بأسوء حالاته .. هني اني نقرر مصيري .. ي نوقف ع رجليا ونواجه ونعرف الحقائق بنفسي .. ويا أما نستسلم للإنهيار ..
ثاني يوم ...
وفاء / ناصر ي ناااصر تعالا البنت قلبت علاها الحوش مهناااش
سارة / دقيقة بس حوايجها حتى هما مهناش
ناصر خبط ع الحيط بغل .. / ووين تبي توصلني البنت اهيا وييين ماكانتش هكي لا والله ماكانت هكي .. صبرك اللهم
اياد / بتفضح عيلتنا الفاسدة هادي عقاب العمر
سارة تتفرج وعاجبها الجو
نور / ي صفاء تليفونها مقفل قريب نموت علاها نمشيلها للحوش مايفتحوليش
صفاء / هدي انشاء الله ربي يستر
نور / ياااارب
امجد وشفاء كانوا واصلين تونس قاللها خشي ارقدي ووراها دارها وخش رقد حتى هوا بدون مايحكوا ابدا
سارة / برسمي تدوي حبيبي 😍
مالك / اي امانا نبصر خلاص الخميس امي بنجيبها بتخطبك ليا خلاااص
سارة / ي حليلي منك نحبببك
مالك / اني اللي نموت فيك
ف تونس
شفاء ناضت وصلت وقعدت تفكر بينها وبين نفسها علاش امجد دار هكي !! بالك يطلع زي خوه !!! ... لالا امجد صلاي جامع ويخاف ربه .. باهي علاش ! بالك لان حني علاقتنا حلوة من لما كنا صغار !! يااارب وقعدت تتفكر ف اللي صار وتبكي
ناض امجد وقف جنب باب الدار وسمع شهقاتها خش لقاها تبكي ع المصلية قلبه حن علاها وحط يده ع كتفها / شفاء خيرك !
شفاء / خيرني يعني .. خيرني ترا قول ؟؟ عيلتي ماتت .. بوك بطلني ابتلوا عليا .. وخوك .. وهني سكتت
امجد عقد حواجبه بإستغراب / خيره خوي
شفاء ساكتة
امجد / خيره اياد تكللمي
شفاء / لو سمحت نبي نقعد بروحي
امجد تنهد بصبر / اوك وطلع
وقف ع باب الدار وقال ل خاطره يجي يوم ونعرف ي شفاء يجي يوم ونعرف ي وجع قلبي
ليبيا
اويس / خلال يومين نبي 20 الف لو ماامنتيهمش ح نفضحك
سارة / اصلا ماعندكش اي دليل عليا التسجيلات ومسحتهم قدام عيوني ومستحيل يصدقك حد بدون دليل واعلى ما ف خيلك اركبه عقاب مدمن وسكرت عليه
اويس / بنت @&/-
شفاء ناضت جعانة خشت المطبخ ع امل انها تلقى همهم 😀 مالقت شي
شفاء / امجد
امجد / نعم
شفاء / جعانة
امجد / اي موصي المطعم شوي ويوصل
شفاء / باهي نسألك
امجد / نعم
قعمزت جنبه .. امجد ارتبك عدل تقعميزته وحط يد البلايستيشن لوطة .. وشن درتي ف كياني ي شفاء
شفاء / علاش جبتني معاك هني علاش ماوقفتش ضدي زيهم !! وصدقت اللي نقال !
امجد هايم ف عيونها / اني
وقطع عليه رنين جرس الباب
ناض امجد فتح وخدي الشكارة حطها ف حجر شفاء ورد يلعب
شفاء فتحت الكيسة / شاااااروما 😍 ي حليلي منك وخلاص تي انت احسن واحد 😍😍وحضناته
امجد / ....
يتبع
أنت تقرأ
مكتوبلي ( روايات ليبية )
Любовные романыمن اجمل الروايات ليبية مكتوبلي رواية للكاتبة #هدو تدور الاحدات حول بنت يتيمة تعيش ضغوطات كبيرة من قبل أولاد و بنات عمها وصلت لتشويه السمعة لتبداء الحرب عليها و لكن بصدفة تجد منقذها . . MBC LIBYA الأولي في عالم الروايات ❤️
