مكتوبلي ( روايات ليبية )

حلقة 3

رواية #مكتوبلي
( حقيقة ممزوجة بلخيال )
للكاتبة #هدو
الرواية بلهجة الليبية
حلقة  3

اياد / بوي انت توا بتتنازل ع حصتك من الورث !
ناصر شاف لولدة بربع عين وضغط ع زنده / تعرف مازال نسمعك جايب سيرة الفلوس ماتلوم الا روحك
اياد / به
امجد شاف لخوه وهز راسه بأسف ع قلبه الاسود وحبه الاعمى للمال / بوي توا شفاء بتعيش معانا ولا ف حوش خالها تعرف انت ولد خالها مش تمام
ناصر / يستر الله مازال وقت ع الدوا هادي

اويس عيونه حمر ويتكلم في فونه ويرعش ....
نرجعوا بالذاكرة ليوم الحادث 

عبد الله / مازال تاخده العفن اهوا ماعاد راضي عليك لادنيا لا اخرة
اويس / ترضا ماترضاش مايهمش وقربع الباب وطلع
قعمز ف سيارته وفتح فونه
المتصل / مافيش بضاعة اليوم صديقي
اويس بالعيااط / فيه ولا مافيش دبرلي اليوم وندفعلك قداش تطلب
طلع مخدرات وشمهم

نحكوا ع اويس شويا وعلاش اختار السكة هادي ف حياته ..
اويس م 91 لما كان عمره 12 العام امه خانت بوه وهربت مع واحد تاني سيرتهم بدت ع كل لسان والناس بتاكلهم ماكلة اويس كمل العدادي ولما كثر الكلام ع امه اتجه للشرب والممنوعات محاولة منه ان ينسى ... وعلاش حني اللي ننلاموا ع اخطاء غيرنا وعلاش حني اللي نغرقوا ف الوحل .. وعلاش افعال غيرنا تشوه سمعتنا وادمر مستقبلنا .. علاش حني اللي يلاحقنا العار طول عمرنا ..  علاش المعتقدات هادي ي بلادي ..
علاش وعلاش وعلاش 💔

نرجعوا ...
طلع مخدرات وشمهم وفجأة / بوووف
ضرب 2 ماشين

حاليا
اويس يتكلم ف الفون ويرعش / ضربت زوز بالسيارة وهربت طلعوا عمتي وراجلها (راشد وسناء )
عبد الله كان واقف وراه طاح من طوله وجوه الجيران رفعوه جاته جلطة قوية لدرجة معاش يعرف يتكلم

ف العزي ..
بعد مرور ايام بدي يفضا الحوش 
نور وصفاء يقعدوا مع شفاء كل يوم محاولة ان ينسوها ويواسوها
ناصر شاف من اﻷفضل ان شفاء تعيش معاه هوا فوق مش مع عمتها لان عارفها وبعد لاسمع بعبد الله جاته جلطة استبعد ان شفاء تقعد عنده ..
ناصر / ي بنتي اني يشهد عليا ربي اني بنتنازل عن حقي ف ورث بوك هدا حلالك ومش مزاحمك رزقك وانتي حرة
كريمة تشوف بحقد
ناصر / وبإذن الله بنعيشك معززة مكرمة ماينقصك شي زيك زي سارة بنتي
شفاء / صحيت عمي والله احرجتني
ناصر / معاش تقولي هكي ي بنتي انتي من ريحة الغالي

اياد / توا بالله عليك يما هادا كلاام كيف يتنازل ع الرزق لنتايا زيها !
وفاء / خلاص ي ولد بوك قال كلمته

سارة / عمتي قصدي مش معقولة تجي تعيش معاي الحيوانة هادي وتقاسمني عيشتي !!
كريمة / هادا بوك شن بديري تقول دايرينهوله ف البراك
سارة / والله مامرتاحة لين نلزها من الحوش
كريمة / خير مااديري

ف الكلية
نور / ها بنات شن رايكم بما ان الدكتور غايب نفطروا البرا !
صفاء / اي والله فكرة حلوة ومنها نغيروا المود شن رايك شفاء
شفاء شارحة
نور وصفاء شافوا لبعض / شفااء
شفاء / نعم
صفاء / قلنا نطلعوا نفطروا
شفاء / لالا اطلعوا انتو اني ماعنديش نية بنروح
نور / هيا شفاء باليز لامتى الحزن هادا كله انتي عارفة ان هذا قضاء ربي وقدره اني عارفة ان ايمانك قوي مانبيكش تضعفي هكي مش انتي ديما تقولي لن يصيبنا الا ماكتب الله لنا ! وكل شي من ربي فيه خير
صفاء / ف الاخير حاجة ربي خير من حاجة العبد
شفاء / بنروح اني باي

اياد / تعرف ي عمدة  عندها رزق الدنيا وبوي تنازلها الززح
عماد / نقولك ع خطة برو
اياد / اتحفني
عماد / تزوجها خود الفلوس وحذفها
اياد / ....

روحت شفاء للحوش اللي كارهاته وماتوقعتش ف يوم من الايام تسكن فيه كانت تحب عمها لانه كان كويس معاها لاكن اللي مخلاها هكي كريمة وسارة
حست ان حياتها انتهت ومصايب الدنيا فوق راسها ناضت توضت وصلت ركعتين

12:00 صباحا
شفاء خشت للمطبخ بتعبي امية
يخش اياد
شفاء / ....
اياد / ...

يتبع