حلقه(10) من
#رواية_الحب_نصيب
بعد سنتين ونص
لجين ف شهاده التانويه طبعا البلاد ناضت فها توره الكلام هدا ف 2014
وصارت فها هلبا تفجرات وناس تهجرت وناس ماتت و تشحورت
عند لُجين
لجين:خيرك ي احمد هكي حسيتك متغير قولي خيرك بس
احمد:ماخيرني شي غير بي نطلع للجبهة
لجين:مهبووول انت ولا شني ماتشوفش ف الدنيا كيف وكل يوم في مووووت كل يوم ف ام تبكي ع ولدها و مراء صغارها تيتمو وبنات صاحبهم ماتو
شن ي احمد تبيني نكون زيهم نكون من غير حبيب من غيرك قولي تكلم خيرك ساكت
احمد: توا من جاب سيرة الموت وعلاش الكلام هدا
لجين:مافيش ماشي
احمد:بنمشي
لجين:وقرايتك وخدمتك واهلك وصاحبك واني ي احمد اني لوجي لي من بي تخليني ي احمد لمن قولي
احمد: ساد من كلامك هدا هيا كلمه وخديتها اني ماشي يعني ماشي
لجين:ي احمد والله لو البلاد ماشيه صح اني بروحي نطلع ندافع ع بلادي لكن البلاد مش معروفه طريقها
احمد:اني بنصكر تبي حاجه قوليلي
لجين:ماتصكرش اني قعده نتكلم ولو صكرت ومشيت مش راح نسامحك ي احمد
احمد:ووووووعلاش العناد توا بس
لجين:اَي اَي زيد عيط عليا لانه نقولك ف حق وانت مصكر رأسك
احمد:مانعيطش اني لكن انتي لي تنرفزتي
لجين:نتنرفز لانه انت مش احمد لي نعرفه مش حبيبي احمد وينه حموده لي مايعطش عليا لي مايتحمل دمعه تنزل مني واليوم هوا يخلي فيا نبكي وهو ولا ع باله
احمد: ساكت ماقالش ولا كلمه يسمع فها
لجين:تكلم قولي شي ماتقعدش ساكت تكلم
احمد:شن بنقولك غير اني ماشي
لجين:لا مافيش ماشي ولو تمشي مش راح نسامحك
احمد:توا هدا كلام بدل ماتقولي برا زينه وربي معاك حبيبي
لجين:كأنه ماشي تقاتل ف عدو نقولك برا زينه لكن انت تقتل ف خوك مسلم
احمد:اني راني غدوه ماشي و قبل مانمشي بي انجيك للتانويه
لجين:مهبووووول انت مهبوووول
احمد:اَي مهبول باهي هيا بسلامتك مش لازم نتعاركو
لجين:لو تمشي مش راح نسامحك وصكرت عليه قبل ما هو يصكر
لجين قعدت تبكي تبكي من قلبها
اااااااه ي ربي ااااه
خيره احمد هكي ي ربي راني مانقدر الحياه من غيره ي ربي راني ناخد ف قوتي منه ي ربي دله ع طريق الخير ي ربي رجعه لي عقله
احمد :الو ها مبروك شن صار معاكم
مبروك :غدوه انشاءالله طالعين
احمد:تم نتلاقو غدوه
مبروك: تم ي برو
صهيب شن صار
مبروك...........
صهيب:كويس غدوه نتوكلو وانشاءالله مايجي حد و عرقل الموضوع
مبروك :انشاءاللهً كان هدا كل شي يمشي صح هو مصدق ماشي للجبهه😂
مبروك وصهيب
هادم ضحكين ع احمد انه بي يمشي لجبهه و هما ف رأسهم مول تاني
متعرف عليهم من جديد ويحساب كلامهم حق
طلال: الو وينك ماترديش
افنان:كنت مشغوله شوي و معليشي لو استنيت زي ماستنيت قبل
طلال: ههههههه ايّام خليتيني نجري وراك واني غير يا مدام افنان كلميني بس
أفنان:ههههههه و شويه فيك انسيت يوم مطعم قداش تعاركنا
طلال:هههههههه مهبوله هدكه اليوم مش راح ننسا طول عمري لانه احلا يوم ف حياتي لانه تلاقيت مع شريكة حياتي و عمري و روحي و قلبي و كل حياتي
افنان:هههههه الكلام هدا كله ليا اني
طلال:لالا للغوله😂😍
افنان:كأنه ماكلمتكش الغوله هادي راهو متت
طلال:والله حق
طلال:راني نحبببببببببك ونموت فيك والله
افنان:ههههه اسكت صوتك وصل لي جيرانا يسمعو فيك
طلال:هههههههه اَي نبيهم كلهم يسمعوني
افنان:حتا اني نحبك وحق ربي
طلال:ااااه محلاها وحق ربي منك ي مهبولتي
