حلقه (11) من
#رؤاية_الحب_نصيب
لجين:بديت تبكي كأنه اني نبضك زي ماتقول ماتمشيش و تخليني
احمد: والله انتي نبضاتي لكن اني بنمشي
لجين:نكررررهك نكررررهك لو تمشي وتخليني
احمد: عارفه نفسك شن تقولي انتي
لجين:اَي عـارفه نفسي شن نقولك من امس واني نتكلم ونقولك ي احمد ماتمشيش وانت ولا ع بالك
احمد:ساد من الكلام ساااد
لجين:تبكي و طلبات كلهم يتفرجو عليهم
احمد:ساد من البكي مش بتكرهني وعلاش تبكي عليا وعلاش
لجين: وحق ربي هبلت انت معقوله ماتعرفش حبك ف قلبي شني
احمد:نعرف بس انتي تخلي واحد يطلع من طوره
لجين:لانك هبلتني والله ي احمد قلبي يوجع فيا والله💔
احمد: سلامت قلبك ي قلبي و واقف احمد
لجين: وين ماشي
احمد:هدكه هو بنمشي اني
لجين:واقفت وتبكي و تشوفله
عيونها كانو يحكو انه ماتمشيش وتخليني
واحمد يشوفلها وعيونه يحكو راح نرجع ي عمري غير شوية صبر منك بس
احمد: قرب منها بي يحضنها
لجين: خليك بعيد البنات يشوفو فينا توا يفهمو غلط
احمد: مايهمني حد اني ف للحظه هادي لو يكونو اهلك قدامي راح نحضنك ونمشي لانه مرات هدي اخر مره نحضنك فها
لجين: امتا احمد قال الكلمات الأخير هيا حضنته وتبكي
لُجين : ماتقولش هكي ماتقولش مش ديما نقولو راح نموتو مع بعض وراح نكون لبعض وًوووووعلاش توا تقولي هكي
وتبكي لدرجه تسخف ي ناري
احمد:اسسس خلاص معاد تبكي راهو والله مانتحمل نشوف دموعك ساد من حد قعمزت جنبك وانتي تبكي
لجين: نبكي لانه نبضات قلبي بي يضعفو وبي يبعدو عليا كيف تبي مانبكيش
احمد: ااااااه ي رب صبرك بس
قوتلك معاد تقولي هكي راهو قلب ينشق شق من كلامك
لجين:مدامه ينشق شق وعلاش تمشي وتخلي فيا
احمد:باللهي نفختيهم نوض روح خيرلي
لجين:😳اني نفختهم ي احمد اني
احمد:ناض وجي بي يمشي
لجين:اااحمد راهو قلبي مش مطمن والله ماتمشيش
احمد:امشي من دون حتا ما يشوفلها
بعد عليه مسافه
لجين:بي اعلي صوت ..ااااااحمد
احمد:شافلها وقلبه💔 يدق بسرعه خايف أتقوله كلمه يقعد نادم طول عمره انه يمشي و خلها
لجين: لو صارتلي حاجه بسببك مش راح نسامحك ولو قلبي واقف انت سبب
احمد: ماصيرلك شي ومشي
لجين جتها افنان وقَعَدت تهدي فها
لجين: ي حليلي ي فنونه راهو قلبي خلاص
افنان :غير استهدي بالله ي لوجي خيرك هكي
لجين:كلمي معتز ايجيني والله مانقدر نكمل باقي الحصص راني تعبانه
افنان: توا نكلمه حتا اني بي روح معاك
لجين: لالا خليك حتا نعرف شن اخدينا كأنه بي روحو زوز يفوتنا لي اخدينا
افنان تتصل بي معتز
معتز ف محاضره شاف رقم افنان انخلع
معتز:دكثور من بعد أدنك تلفون مهم شوي و نجيً
دكثور : تمام
معتز : الو فنونه خيركم فيكم حاجه
افنان: مانتخلعش مافينا شي غير لُجين تبيك تروح بها من تانويه توا
معتز: خيرها لوجي فها حاجه
افنان: تي مافها شي تعاله روح بها توا تفهم منها
معتز: شوي بس ونكون عندكم
معتز طلع زي مجنون ي ناري يحساب اخيتي فها حاجه
لُجين : شن قالك
افنان: شوي وايجي قال
بعد ربع ساعه
خش معتز للتانويه واخدي إذن لي اخته و روح بها
ف سياره
معتز: خيرك شن فيك
لجين: تبكي ومش قادره تتكلم
معتز:تكلمي خيرررررك
لجين: ااااحمد احمد
معتز: خيره شن في احمد
لجين:بي يمشي وخليني
معتز: تي شن تخرفي انتي توا من عقلك احمد يسيبك و هو روحه فيك خيرك انتي هبلتي ولا في حد كاذب عليك
لجين: هو قالي بي يشمي للجبهه
معتز:شنووووووو
لجين: اَي للجبهه و اليوم بي يمشي ف شباب ضحكين عليه
معتز: طول قام تلفونه و تصل بيه
احمد:منو زعما يتصل بيا اووو هدا معتز
احمد: الو
معتز: وووووين ماشي ويبين
احمد: ماتعيطش عليا زي ما سمعت ماشي للجبهه
معتز: قسمنا بالله لو ماتجي توا لي راس شارع ي احمد لما نمشي لي عمي خالد و نقوله
احمد: اني توا كيف وصلت للشباب و بي نطلعو بسلامتك وصكر الخط
معتز: الووووو احمد تي رد الوووو
صكر عيل هدا توا من عقله هكي أدير
وقعد يخبط ع دومان
وصلو لي حوشهم
معتز :انزلي بسرررعه انزلي
لجين: خلي نمشي معاك
معتز:قوتلك انزلي اني بسررررعه
نزلت لُجين وصكرت باب و طلع معتز يجري بسرعة
وصل قدام حوش احمد
خالد : يا ستر ي ربي خيره يجري هكي معتز والله لما نقول لي سالم شباب طايش
معتز: درس و نزل ي عمي خااالد
خالد:خيرك ي وليدي تجري هكي فيك شي
معتز: احمد ووينه
خالد:طلع من صباح شن في
معتز:والله ماعارف شن بنقولك كنت نكلم فيه وقالي ماشي للجبهه
خالد:شننن تقول انت جبهه شن هو ي دوب يعتمد ع نفسه لي ماشي يحارب
معتز: والله ي عمي خالد اني معاد عرفت شن نقول وقت قالي
خالد: خلي نتصل بيه يروح توا
احمد:وووه هدا بوي يتصل
مبروك :فوته ي راجل توا اكيد عرف انك ماشي
احمد: مانقدرش خلي رد عليه
احمد:ها ي بوي
خالد:ررروح توا للحوش تواا
احمد: مانقدرش ي بوي اني ف طريق ماشي للجبهه
خالد:روح ي وليدي روح كان هدا لا ولدي و نعرفك ليوم الذين
احمد:توا هدا كلام ي بوي
خالد: قوتلك روح توا
احمد:بسلامتك ي بوي ادعيلي وصكر
خالد ي ناري كان واقف جي مقعمز وقعد يبكي
العم خالد لي معروف بي قوة شخصيته وثقه بنفسه اليوم اضعف وقعد يبكي ع ولده لي مغرر بيه ع أساس ماشي للجبهه
معتز: غير نوض ي عمي نخشو للحوش نوض
خالد: ي وليدي خليني راهو بي يقتلني احمد ليه مده متغير مش عارفه خيره
معتز: ربي يهدي وانشاءالله يرجع غير نوض نخشو جيران يشوفو فينا
خشو للحوش
عائشه ام احمد : خيركم شن في ي خالد خيرك هكي وجهك
خالد: الدموع ينزلو منه و هو ساكت وخلاص
عائشه : مرعشتني قولي خيرك شن فيك
خالد: احمد امشي للجبهه
طول قالها من دون اَي مقدمات
ناضت عمتك عائشه تعيط وتبكي
عائشه : ي حليلي ع وليدي ي حليلي امشي وخليني ف عز شبابه ووووووه عليك ي عائشه ولدك امشي
معتز: غير هدي نفسك ي خالتي والله مايجي لي ديرو فيه توا بدل مانفكرو كيف نوصلو فيه هكي اديرو
وقعدو العائله خاشه بعضها
وكلهم متوترين
عند لُجين خشت للحوش فتحتلها أمها
فاطمه : بسم الله الرحمن الرحيم خيرك ي بنيتي
لجين:حضنت أمها وتبكي من قلبها
فاطمه :غير خشي و قوليلي شن فيك ومن روح بيك خيرك شن صاير
لجين: ااااااااااه ي فطوم ااااااه راهو قلبي نار فيه
فاطمه: معاش لي يركب ف قلب بنيتي النار غير قولي خيرك
لجين: احمد امشي للجبهه ي يام امشي وخلني بروحي
فاطمه: لاحول الله ي ربي كيف امشي
لجين: والله مانعرف ليه فتره طبعه متغير معاي
فاطمه: بالك ي بنيتي قيس ف غلاه عندك
لجين: غلا شني لي قيس فها وانتم كلكم عارفين احمد شني عندي
فاطمه : غير اسكتي سادك بكي توا تمرضي
لجين: خليني نبكي بالك نرتاح
هلي نرجعو للخلف شوي
مبروك: تي والله لما نشحوره ونعذبه و نوري الكلب احمد
صهيب : احني غرضنا الفلوس لا تعذبه ولا تشحوره هيا ريحنا
مبروك: تي تحساب بي يقعد عندنا هكي لا ضرب ولا تعذيب هدي مستحيل
صهيب : تي كان ولد تصيرله حاجه زي لي خطفته شهور لي فاتو و مات تحت يدك لا حصلنا فلوس ولا شي
مبروك:نحصل فلوسي ف أيدي وبعدين ياكل ع رأسه
صهيب: مش عارف كيف قنعته انه ماشين للجبهه
مبروك: حتا اني مبروك مايصعب عليا شي
صهيب:ف هدي حق
مبروك: ع الأقل يقعد عندنا عشره ايّام وبعدين نكلمو أهله باش يدفعو طول
صهيب :غير يكون معانا حتا عشرين غير إيجي ويمشي معانا بس
مبروك:صدقني إيجي
نرجعو وين كونا
لجين:قلبي مش مطمن والله حاسه بتصيرله حاجه
فاطمه: ووواك وانتي حساسك ف مكانه
لجين: تبكي من قلبها
حوش خالد صير فيهم ي ناري
عند احمد ف سياره
احمد: خيرك ي راجل جي من طريق هادي تي مش من هني طريق شرق
مبروك: ههههه شرق شي ي بابا
احمد: تي شن شرق شني مش بي نمشو للجبهه مع باقي شباب
صهيب:هههههه صدق بي يمشي للجبهه
مبروك:ههههههه قعد عيل ومايعرف شي
احمد: شن تقولو انتم خيركم
مبروك: جيت بي رجليك ماحد جابك ومعاد تفكر تروح الا ما بوك يدفع لي نطلبو
احمد..........
مبروك.......
صهيب:ي راجل مش هكي اتفقنا .......
تفاعلكم معاي الحلقه الاخيره قربت🙈😍
#كاتبهŚÀ
