الحلقه (13) من
#رؤاية_الحب_نصيب_الحلقه_الاخيره
طبعا بعد ما فات عليهم شهور واحمد تخرج لجين قعده تقرا ف جامعه
احمد: اعرف من معتز وين هيا تقراء وقعدو منفصلين ع بعض تسعه شهور
لجين تعبانه ع خاطر الكلمه قالها من دون قصد
و قرار انه يمشيلها للكليه بعد جهد جهيد اعرف من معتز وين تقراء لانه الكلمه لي قالها خله يخسر حتا معتز و محمود
احمد: اسف ماكانش قصدي انه نقولك لي قولته بس غيره عمت عيوني ف للحطه هديكه
لجين: راني تعبت منها كلمتك شوفت الموت من بعدك أتعبت لدرجه ماتوصفش ليش قولتها بس و تخلينا نوصلو لي هني
احمد: قوتلك ي #فصعونتي ما كانش قصدي بس غيره عمت عيوني
لجين:اوعدني معاد أدير هكي 😭
احمد:وووووعد معاد اندير هكي
احمد حضنها وقعد يدور بها راك انتي دنيتي كلهاااا 😍
لجين: خلاص ناس كله تتفرج علينا
احمد: مايخصنيش اني خطيبتي واني حر
لجين:شن قووولت خطيبتك امتا صار الكلام هدا
احمد :اليوم بي صير انشاءالله
لجين:بجددد تحكي
احمد:من امتا نبصر معاك ف مواضيع زي هدي اني
لجين من فرحه معاد عرفت شن أدير
حي عليا وقت خلي روح نوتي نفسي وفي هلبا حاجات نقصات بي ندير شعري واااااك وقت معاد يسدني
احمد: يضحك علها 😂😂
ع قد ماغبت عليك قعده لجين نفسها زي بنت صغيره اني قولت راهو كبرت توا
لجين:ههههههه اَي قعده صغيره وع حطت ايديك ماتغير فيا شي
وقعدو يضحكو
احمد : بعدين تعالي جاي ليش حولتي من جامعه وخليتيني متعدب هكي
لجين:باش معاد نشوفك نهائى
احمد :بجدد تتكلمي انتي😒
لجين:اَي بجد والله لو شوفتك هديكه الفتره كنت راح نكرهك
احمد :وراس #فصعونتي نحببببببببك ولي صار خلني نعرف قداش حياه صاعبه من دونك
لجين:باااش تعرف بس قداش اني مهمه. وبعدين قولي من وين جبتها فصعونتي هادي
احمد:هههههههه شوقي ليك سمك فصعونه واحلا فصعونه والله
لجين:حي عليا وووقت بروح
احمد:ههههه مجنونه
و روحت لجين للحوش واهلها كان عندهم علم وألقيت وامها وحكتله شن صار معاها
وألقيت مرت خوها محمود موتيه كل شي
مرت معتز طالعه اتجيب ف حاجات نقصات
لجين اني خلاص بنخش نوتي نفسي معاد ف وقت
((ف خلال تسعه شهور لي فاتو محمود و معتز تزوجو ))
لانه أقريب ايجو
معتز :ي لوجي تعالي قبل نبيك
لجين: ها ي عزو شن تبي
معتز :غير تعالي شوفي شن جبتلك
لجين:طلعت تجري 😂
معتز :غير بشوي عليك راك اتجي طايحه بس😂😂
لجين: هيا وريني شن جبت
معتز : طلع من صندوق قفطان لونه فسفوري يجنن
كان قصير وكله منفوخ وكان كم
يهبللل هدكه القفطان
لجين: الله😍😍يجنن ي عزو ربي مايحرمني منك انشاءالله
معتز :عيونه دمعو ولا منك ي اخيتي اهو جي ولد الحلال لي بياخد ويستاهلك
لجين:قعدت تبكي نودعك كل يوم نكلمك ونهدرز اعليك ومش راح نخليك تحس بغيابي
معتز :مش كيف امتا انتي ف حوشنا زي امتا انتي ف حوش راجلك بعدين
لجين:تبكي وتضحك ف نفس الوقت اهو انت اطلعت وخليتني بروحي ف حوش وتزوجت
معتز :قعد يضحك واااك منك ربي يصبر احمد عليك
لجين:تضحك😂
معتز :سادك ضحك هيا خشي وتي نفسك ساعه 5:30 وناس ع ساعه 7:00بيً جو قالو
خشت لجين تجري وتت نفسها
عاد لها سنين وهيا تستنه ف اليوم هدا
لجين توتي ف نفسها اتصل بها احمد
لجين:الو
احمد: ها شن وتيتي نفسك راهو كيف بي نطلعو
لجين:خلاص نلبس قفطاني بس
احمد:😍 غير امتا انشوفك
لجين:هههه مش راح نطلعلك
احمد:عينك راح تطلعي
لجين:اااالا مش راح نطلع انتت. خش مادخليش فيك 😛
احمد: يضحك ي حليلي منك ي #فصعونتي
و لجين طالعه تهبللل ف هدكه القفطان فسفوري
مع هيا بيضه وشعر طويل مشاءالله
و درات لمسات خفيفه طلعت تبارك الرحمن علها
وشعرها خلته مفتوح ع طوله
عاد وصلو أهل احمد وهدرزو و رحبو بيهم
وبعد شوي طلعت لجين
عائشه ام احمد :مشاءالله عليك ي بنيتي
لجين :سلمك ي عمتي
ام احمد : كأنه ماخديتوش بعض راهو موتو انتي ويها
لجين: تضحك هدا الحب ي عمتي بس الحمدالله ف نهايه جمعنا مع بعض
كلهم اَي الحمدالله
شوي شوي اتصل احمد بي امه
ام احمد :هدا احمد يتصل نعرفه ولدي ومعاد عنده صبر هههه
لجين:تضحك
احمد:الو ي امي شن صار معاكم
ام احمد :اهو نهدرزو شن انت بي تخش ولا كيف
احمد : مش عارفه غير صكري توا خلي انشوف لجين بالك هيا تطلع خير
ام احمد :تمام
شوي لين شرين تلفون لجين
ناضت لجين من جنبهم ع أساس متحشمه تكلمه قدامهم
احمد: ها #فصعونتي
لجين:ها ي عمري
احمد: هيا وراس حبيبتي لما تطلعي
لجين:مممممم
احمد:شن ممممم هدي هيا اطلعي انتي
لجين:تمام شوي ونطلع
احمد:سلمها ي ربي لي تسمع ف الكلام
بعد شوي طلعت لجين لي احمد
احمد:اوووو وين زين هدا كله ماشيه بيه
لجين:وجها ابدي احمر
حتا انت طالع تهبلل
احمد :خلاص بي روح بيك من اليوم
لجين:عينك من اليوم هدا ماناقص وتضحك
احمد:اسمعي ف إيدك شهررررر بس وبعدها بي ندير العرس راهو تحملت هلبا
لجين: شهر شوي امتا بي نوتي اني
احمد:قولنا شهر خير ما يبدو تلاته أسابيع بسس
لجين:تضحك تمام شهر عارفه نفسي لو تكلمت تخليهم تلاته أسابيع
وقعد يهدرزو مع بعض أقريب ساعه وعندهم هما كأنه خمسه دقائق
وبفعل تحدد عرسهم بعد شهر وبديت لجين تطلع تشري وكله جري جري لانه معاد عندها وقت واحمد نفس الشي يؤتي فحاجات ناقصه للحوش وفاتو تلاته أسابيع ومزال سبوع بس ع عرس
لجين:ماحسيتش بيهم كيف فاتو الاسابيع اني
احمد :ع المهم كملتي حاجاتك ولا مزال
لجين خلاص مزال حاجات بسيطه اليومين جايات نكملهم انشاءالله
احمد :انشاءالله ..غير امتا يتم الأسبوع هدا بس
لجين:توا بسرعه مايتم اهو اليوم سبت و غدوه احد
احمد :عندي اني طووويل والله.ومع سبوع العرس
لجين:تضحك ههههه تحسب فيهم بيوم
احمد اَي 😂 بيوم و بساعه
وقعدو يهدرزو
وفاتو الأيام وجي يوم الاتنين أمتع العرس
احمد يتصل بي لجين ماتردش كانت لهيه مع البنات
اتصل بيها اكثر من مره
احمد اكيد لهيه أوا شن أدير توا بعدين نزيد نكلمها
لجين بعد ساعه من اتصال احمد عاودت اتصلت بيه
احمد: الو وينك من بكري نتصل بيك
لجين : ي عمري كنت مع البنات هدا وين شوفت تلفون
احمد:متصل بي نطمن اعليك
لجين: والله نحبك ونحب خوفك عليا
احمد :راك #فصعونتي صغيره كيف مانخافش عليك
وقعد يهدرزو
