حكاية سمر(عاده اعدمت حياتي)الجزء الاول والثاني

البارت 17

حكاية سمر
للكاتبه/رانيا شكسبير
البارت السابع عشر ❤💙

كتله عادل اوكف عادل.. لحظه شبيك.. دار عليه وجها.. وصرخ امشي شبيج.. كتله منا الطلاب والناس..

احس دمي نشف.. كالتله انمار راح نوصلها بطريقنا.. كاللها اني زوجها اني اوصلها.. وجرني من ايدي ومشا..

اخذ ايدي وصعدني السياره لهناك ونزل.. كتله وين رايح.. كال شبيج ما اذيج بس احجي وياج..

كتله اوك.. مشينه دخلنه مطعم ..كعد كبالي.. واني ايدي ترجف.. وجهي اصفر صار من الخوف..

كعد كبالي.. كال شبيج كتلج بس اريد احجي وياج مراح ائذيج.. مد اديه ولزم اديه.. جريت ايدي منه بخوف..

كتله شرايد.. كال سمر تعبت والله تعبت.. وخله اديه على راسه ويحك ويمسح بوجها..

كتله ليش شبيك.. كال حالي من اسوء الى اسوء.. حنين عد اهلها صار شهر واني متشرد ابيت عمي..

احرك روحي و اطلع حمال بالعلوه بلكت احصل كم فلس اعيش بيه يومي.. تعبت وبكر مو راضي ارجع للبيت..

وشغلي فصلوني منه.. تعرفين كوه جاي اطلع فلوس باكيت جكايري والله.. تعبت حيل..

كتله وليش ما حجيت ويه عمتي ليش ويايه..كال حجت ويه امي مقابل ارجع الا ارجع ال10 ملايين اللي انطانياهن..

كتله زين اني شلون اكدر اقنعه هواي حجيت وياه وما قنع.. كال حاولي راح يقنع منج والله..

كتله وليش يقنع مني.. شعندي ويه بكر اني ..عادل الكلام الطلعته عليه عيب.. كال ادري والله ادري بيج ما عندج شي وياه..

عادل.. عوفينه من هلكلام هسه.. كوليلي شلون دبريني..

بس اهتمامه بيج ومدافعته عنج تضايقني.. كتله لان يشوفني ما الي احد وانته مستضعفني وتعرف بكر ما يقبل بالظلم.. وانت ظالم يا عادل..

سمر.. ليش بطلت من دوامك..

عادل.. عوفينه من هلكلام هسه.. كوليلي شلون دبريني..

عادل.. اتعاركت ويه مدير الشغل وفصلوني..

سمر.. عادل وتالي.. تره الشرب اذاك.. بليل متعرف ناسك.. وبالنهار مسطور راسك..

ما تعرف ارضك من سماك وتتعارك ويه الرايح والجاي شلون بيك..

عادل..  والله صار اسبوع مشارب.. قطره ممخلي بحلكي..

سمر.. لان ما عندك فلوس غيير..

عادل.. تكدرين تساعديني لو لا سمر.. تره والله تعبان.. والله شايفه هذا الربع.. الربع ما املكه..

سمر.. كتله هلا هلا كول فلوس المطعم عليه..

طلعه من جيبه.. وانطانياه مقفول.. فتحته.. وخابرت بكر.. الووو ها بكر.. اول ما حجيت صرخ بوجهي.