ماشفت بالمواكب واحد اتحرش ببنيه ولا شفت شباب تدور الرياء ولا يسيئون للشعائر مثل ما موضحيلكم بمواقع التواصل
شفت شباب عيونهم نعسانه ماضايگه النوم يخدمون بالزغير قبل الجبير ويتوسلون بيك حتى تاكل عدهم
شفت شباب ينظفون شوارع وتاركين اعمالهم وماخذين عمل عمال النظافه
شفت صور شباب شهداء الحشد على اركان المواكب حتى تتذكر مواقفهم وياك بشهر محرم لان كلهم اصدقائك وجيرانك
شفت كرم اهل مدينتي كرم حد الجنون
شفت اهلنا بنسختهم القديمه نسخة الحب والطيبه والملگه والهلا
شفت فقره ياكلون اكلات خمس نجوم مايعرفون اسمهن ومايكلوهن طيلة السنه
شفت قواتنا الأمنية الي سهروا ليل ونهار في سبيل راحتنا وخدمة المواكب الحسينية
شفت ناس من تذبح تروح تدور ع بيوت العوائل المتعففه حتى توصللهم حصتهم من زاد ابو عبدالله مثل ما يصورولكم الناس الي تحاول تسيئ لخدام الحسين
هواي شفت وهواي شفتو انتم
لذلك لا تضمون الاشياء الايجابيه وتسولفون بالسلبيات كافي تفكيرنه دائما سلبي بالامور
شفت ابو الموكب يكول اذا متاكلون ادچ روحي سچينه
شفت شيبه على وجهه الوقار مدنج بالشارع يلم الزاد
شفت شاب بعمر الورد يدلك اقدام الزوار بكل فخر
واني متأكده ببيتهم يتعاجز يشرب ماي
وهم مننكر شفنه المرائي وشفنه اللي جايين يستعرضون بشعرهم ولبسهم ونضراتهم سهام بقلب الامام
وشفنه اللي جايات بملابس فاضحه اكثر ماتستر
بس الله اعلم بنوايا القلوب
قضيه الحسين وزياره الاربعينيه معجزه الهيه يعجز الوصف عنهه
ناس تجي من دول وتقضي وقت اشهر بالطريق وناس تمشي ايام واسابيع ع اقدامهه وناس متشوف النوم بعيونهه اسابيع وتخدم بكل حب ولهفه وتحرص ع عدم التقصير تجاه الزوار
واطفال متحمسه تمشي وميهمهه حر وشمس وتعب
سلام الله عليج سيدتي الحوراء يارب اجعلنا من المواسين ولو بذره
أنت تقرأ
الصبر مفتاح الفرج
De Todoالـشـيء الـوحـيـد الـذي يـسـتـحـق حُـزنـي هُــو تَـقصِـــيري تجَــاه رَبـي فَـقـط .
