هنا التقينا ♡رجل المهام الصعبة 3♡

الحلقة 9

#رواية_هـنـا_الـتـقـيـنـا
الحلقة 9
للكاتبة/ندى محسن عوض الله ♕Noody♕

عمران اتعصب جدآ من ذكرها اسم هاشم وبصلها وهو بيحاول يسيطر على نفسه: احنا كلنا معاها هي معاها عيلتها يا عشق
عشق ابتسمت بتهكم: فين دا فين عيلتها اللي معاها وهي سافرت بلد متعرفش عنها حاجة ولا تعرف فيها حد
عمران: كان بإختيارها
عشق: مكنتش حاسة ان ليها مكان هنا او حد هيراعي شعورها هنا... دي بنت ولسة صغيرة تسافر بطفل وكمان حامل... لا وبسم الله ماشاء الله  عندها اب بيطمنها اب بيكلمها يقولها لو منزلتيش الطفل هاجي وغصب عنك هينزل!! يعني مش هتيجي تطمن عليها تيجي تخلصها من ابنها اللي بتحبه؟
عمران بغضب: علشان غبية
عشق: انت عارف اي شعورها؟ جربت تكون مكانها؟ انا فعلآ كنت مكانها لما مكنتش عايزني اخلف
عمران: هو انتي عايزة تنكدي وخلاص بقاله كام سنة اللي بتتكلمي فيه دا
عشق: كام سنة يا عمران؟ كام سنة؟ وانا شايفاه قدامي دلوقتي انت دلعت تالا وتاليا ولا عشان كان نفسك غرام تبقى ولد وهي بنت
عمران صرخ فيها: عشق بلاش تسألي وتردي على نفسك غرام دي بنتي انا مش هتهضها
ايان خبط عليهم
عمران بإنفعال: نعم افندم
ايان دخل: في اي وفي اي يا عشق مالك مزعلاه ليه
عمران: غاوية نكد في دماغها اني بتهض غرام اللي هي بنتي واني مش بحبها
ايان:عشق!
عشق:مستغرب ليه مدي الحقيقة
عمران:بردو بتقول حقيقة
ايان:خلاص بقى يا جماعة خلاص يا عشق
عشق:منا هقول لمين انتو الأتنين واحد انت طلعته زيك يا عمران واحد مبيعرفش يراعي حد
عمران بصلها
عشق بعند وغضب:انا عايزة بنتي فاهم عايزة بنتي
عمران:هرجعلك بنتك يا عشق حاجة تانية؟
سابها وخرج
ايان:اهدي شوية هو اكيد مش ناقص
عشق اتكلمت بغضب:محدش ناقص انا اللي ناقصة مش كدا ؟
ايان اتنهد وسابها وخرج ورا عمران

#رواية_هـنـا_الـتـقـيـنـا
للكاتبة/ندى محسن ♕Noody♕
متابعة لصفحتي هنا 👈#Nada_Mohsen

عز جاله تليفون رد وبعد عنهم وبعد مقفل قرب منهم:انا لازم امشي ورايا مشوار وراجع
اوتار:على فين
عز بصلها وطمنها بعينه:متقلقيش لما اجي نتكلم
اوتار هزت راسها بإيجاب
سيف بصله: عز انا...
عز: لازم تبقى جنب ابنك متقلقش..
بسرعة مشي ركب عربيته وراح على الجهاز بتاعه
احمد: سيادة اللوا اللي ناسي القوانين
عز لف بغضب: احمد اخرس خالص لسة حسابك معايا
اتفاجئ بوجود الفريق اول جمال الدسوقي بصله بضيق: ايه اللي انت عملته دا يا عز
عز: انا معملتش حاجة  ولا خالفت قوانين انا واثق ان سراج ويحيى معملوش كدا زي مواثق ان حد قصده يأذيهم
بص لأحمد: وبدليل كدا يحيى في المستشفى  بقرص تعبان كان في الزنزانة بتاعتهم يعني مبتبلاش عليهم
احمد: تقصد اي قصدك اني
عز قاطعه: الله هو انا جبت سيرتك؟ ليه الكلام لمسك اوي؟
احمد ارتبك
جمال بص لأحمد ولاحظ ارتباكه وبص لعز هز راسه بإقتناع: انت عارف اني عندي ثقة عامية فيك وفي كفائتك وكفائة سراج عز الدين مش كدا
عز ابتسم برسمية: عارف يا فندم 
جمال:هديك فرصة تثبت انه بريئ ويثبت نفسه
احمد:بس يا فندم دا مش صح دا ضد ال
جمال قاطعه بنظراته الحادة:مش انت اللي هتعرفني شغلي يا احمد
احمد اتراجع:امرك يا فندم
عز بصله بغموض:بعد اذنكم
مشي واتجه بعربيته لقصر الكيلاني...