هنا التقينا ♡رجل المهام الصعبة 3♡

الحلقة 28

#رواية_هنا_التقينا(رجل المهام الصعبة 3)
الحلقة 28
للكاتبة/ندى محسن عوض الله ♕Noody♕

اوتار: حبيبتي مالك
رشا بدموع وانهيار بتحاول تهدى نفسها: مش هيسيبني ماما هو مش هيسيبني... ماجد هو اتكلم بثقة هو متاكد انه هياخدني النهاردا انا مش عايزة اتحرك من هنا مش عايزة اروح حتة يا ماما
اوتار بتمسح دموعها باست جبينها: حبيبت قلبي اهدي انتي ليه تسمحيله يضايقك ويتسبب في حالتك دي حبيبتي يا رشا عز موجود ومحدش يقدر يقرب منك ويحيى مش سهل وسراج والكل هيكون موجود صدقيني لازم تهدي
رشا بتمسح دموعها: لو خدوني صدقيني انا ضعت...
اوتار باست جبينها: طيب اهدي يا حبيبتي اهدي ومتضايقيش نفسك
رشا بخوف:ربنا يستر ربنا يسترها يا ماما انا مش عارفة ايه اللي هيحصل
اوتار:ادعي ربنا وان شاء الله هتعدي على خير
رشا غمضت بخوف وقلق:يا رب...يا رب انت عالم
راحوا القاعة والكل متجمع صحاب سيف وعز موجودين وطبعآ معظمهم من الشرطة
تامر:بنت ال ******الله يرحم ابوها.. واحدة زيها تتجوز في قاعة زي دي! ومن واحد زي دا
ماجد:مش هنقدر نعمل حاجة يا بابا...على الأقل دلوقتي مش هنعرف نتصرف.....
تامر:الصبر حلو
عز مسك ايد رشا باسها وباس جبينها  ووصلها قدام يحيى مسك ايدها وحطها في ايده وابتسم:انا مسلمك امانة ولازم تحافظ عليها صدقني مش هتلاقي حد في بساطتها وفي طيبيتها فحافظ عليها يا يحيى
يحيى ابتسم وهز راسه بإيجاب وبص لأيد رشا اللي كانت بتترعش راحوا قعدوا على الكوشة وهو باصصلها بصتله:في ايه...
يحيى:في ايه حرام ابصلك؟
رشا هزت راسها بنفي:ل..لا....
يحيى:انتي حلوة اوي ورقيقة كمان عايزة تتاكلي اكل
رشا بصتله بضيق:يحيى انت مالك في ايه
يحيى استغرب ردت فعلها وملامحها المتضايقة:مالي؟هو حرام الواحد يتغزل في مراته
رشا بصتله وباين في عيونها الحزن
يحيى مسك ايدها:مالك يا رشا ايه اللي مغيرك وايه اللي مخلي ايدك تترعش بالشكل دا رشا انا سبق وطمنتك و
رشا:ماجد كلمني
يحيى:ماجد!
رشا:ابن عمي يا يحيى
يحيى اتعصب وبصلها وملامحه بان عليها الغضب:ودا عايز ايه
رشا بصتله بدموع
يحيى ضغط على ايدها بيقويها:قولي قالك ايه
رشا وقفت وهي بتمنع دموعها بصعوبة
يحيى:رشا؟
رشا:هروح...الحمام....
سابته وراحت الحمام واوتار وعز شافوها وهي خارجة
عز:مالها يا اوتار
اوتار:معرفش ابن عمها كلمها وهددها من وقتها وهي خايفة
راحوا ليحيى
يحيى:معرفش يا عمي حسيتها هتعيط وقالت هتروح الحمام
عز:حبيبتي روحي شوفيها
اوتار هزت راسها بإيجاب
رشا بتزأه:انت اتجننت ازاي تدخل هنا
ماجد بيقرب وبيشدها عليه:انتي هتيجي معايا برضاكي فاهمه
رشا بدموع:يا زبالة يا قذر ابعد عني انت مكفكش اللي عاملينه فيا انتو بدل متقفوا جنبي بتذلوني وعلشان الفلوس انا كنت مستعدة اتنازل عنها لو لقيت بس انكم بتعاملوني بحنان ولو شوية
ماجد بيقرب مسكها زأته وضربته بالألم وهتخرج شد حجابها بعنف وهي اتألمت والفستان معجز حركتها
ماجد قرب وهمس:وحيات الألم دا هيتردلك بدل الواحد عشرة يا مزة حبيبتي انتي النهاردا هتبقي بين ايديا يا عروستي
رشا زأته بعنف وبدموع:لو قربت مني تاني انا هصوت
ماجد:الا قوليلي يا بت انتي من امتى اتحجبتي لا مش عاجبني
رشا بدموع:علشان انت متخلف ومقرف
تامر حط ايده قدام اوتار:انتي رايحة فين؟
اوتار بصتله وهي بتشبه عليه وافتكرت هو دا عم رشا:انت بتعمل ايه هنا ورشا...رشا جوا
هتدخل زأها:ابعدي من هنا احسنلك
اوتار بغضب:انت اتجننت شكلك اتجننت فعلآ  انت مش عارف انا ابقى مين وجوزي ممكن يعمل فيك ايه
تامر:طيب يا قمر ابعدي من هنا احسنلك دا تحذيري الأخير
اوتار هتدخل وقف قدامها بغضب قلقت على رشا وخافت لو حاولت تدخل الوضع يسوء
مشيت بسرعة راحت لعز
تامر غمض بضيق ودخل شاف ماجد بيحاول يبوسها سحبه:مش وقته دا يا متخلف عز جاي على هنا سيبها هتروح مننا فين مرضيتش تيجي معانا دلوقتي هتندم وفي اخر اليوم هتبقى معانا
رشا بتعيط وبتبعد بخوف:بكرهكوا انتو ابعدوا عني بقى
ماجد بصلها ولحس شفايفه بطريقه مقرفه خلتها اشمأزت وهيقرب منها بعدت بإنهيار:متقربش ابعد
تامر سحبه وخرجوا بسرعة
عز جري بعد مأوتار قالتله وهو واقف مع اسلام وساب اسلام مع فلورا وچيمس وحور وادم
دخل الحمام شاف رشا قاعدة في الأرض حجابها متبهدل ودافنة وشها في رجليها
عز غمض عينه بضيق وغضب اتملكه منهم قعد قدامها بحنان:ر...رشا
رشا بصتله وعيطت اترمت في حضنه بإنهيار:كانوا  هنا ضايقوني كانوا عايزين ياخدوني وهو الحيوان دا هو اتجرأ وحاول يقرب مني انا خايفة انا مش عارفة اعمل ايه صدقني مش لاقيه حل....
عز:ششششش اهدي بس انا جنبك واسف اني مكنتش وراكي ومستنتكيش برا اسف اهدي
رشا:انت اكيد زهقت اكيد قرفت مني انا من يوم مدخلت على حياتك وانا جيبالك وجع القلب والمشاكل
عز:مفيش الكلام دا انتي هدية جميلة ربنا رزقني بيكي وفرحتي لما شوفتك بفستان الفرح متتوصفش
اوتار واقفة عند الباب بتعيط وهي صعبان عليها شكلها والوضع اللي هي فيه
رشا:بابا
عز بصلها بحنان:عايزة ايه يا حبيبتي
رشا:بعد الفرح....خدني على بيتك
عز هز راسه بإيجاب:وهو كذلك
رشا ابتسمت:بجد
عز:بجد طبعآ
رشا بصت لأوتار
اوتار قربت وابتسمت:حبيبتي يلا اظبطلك حجابك
رشا هزت راسها بإيجاب
وخرجت كان يحيى واقف برا
يحيى:دا مبقاش حمام حريمي
رشا بصتله
يحيى قرب وبصلها:ايه يا رشا مالك
رشا بصت لأيدها ورجعت بصتله تاني
يحيى ضم ايدها لأيده وحطها على دراعه:يلا
راحوا القاعة تاني وبقى يرقص معاها وهي مركزة في كل تعابيره وتفاصيل وشه قد ايه هو جميل عيونه لونها مميز لدرجة كبيرة فضلت مركزة فيه
يحيى ابتسم:مالك النهاردا ليه غريبة كدا معقول دا من المكالمة
رشا بصوت مهزوز:يحيى.....انا مش عايزة اروح معاك بعد الفرح
يحيى هدى نفسه مش صح يتعصب عليها مش صح يتعصب ويخوفها وهو شايفها محتاجة تطمن هيتكلم لسة وقفته بكلامها
رشا:صدقني انا مش ضامنه هيعملوا ايه....والهي انا مش عارفة ممكن يعملوا ايه....هيبهدلوك مش هتعرف تعيش مرتاح ومش هيسيبوني في حالي انا عايزة ارجع بيت بابا عز...
يحيى بضيق وغضب مقدرش يداريه:يعني انتي فكراني ايه فهميني ؟؟؟
رشا بصاله
يحيى ضغط على خصرها بعنف وهو محاوطها وبيرقص معاها
رشا شهقت بألم وبصتله بصدمه:ي...يحيى
يحيى بيحاول يتمالك نفسه:انتي بقيتي مراتي فااهمه يعني ايه يعني مش هسمح حد يقرب منها ولا يجي جنبها وكفااية اوي اني كتبت كتابك وكنت سايبك في بيت عمي عز
رشا بصتله بضيق:يعني ايه تقصد ايه مش هروح؟
يحيى:اه يا رشا مش هتروحي انتي هتيجي على بيتي هتيجي على شقتي واتمنى انها تعجبك انا ملحقتش اوضبها يا دوب اول مقررنا نتجوز بدأو الصنايعية فيها
رشا انتبهت لكلامه:انت قصدك ايه مش هنقعد مع اهلك؟
يحيى هز راسه بنفي:لا محدش قال كدا
رشا:بس انا كنت فاكرة كدا انا كنت عارفة كدا وبابا عارف كدا اننا هنقعد مع عمي سيف وكلامنا كله كان على الأساس دا انت بتقول ايه انت
يحيى:احنا عرسان جداد يا حبيبتي معقوله هنقعد معاهم في نفس الشقة هي واسعة وحلوة وكل حاجة بس مش هنبقى براحتنا بردو
رشا هزت راسها بنفي