هنا التقينا ♡رجل المهام الصعبة 3♡

الحلقة 15

#رواية_هـنـا_الـتـقـيـنـا
الحلقة 15
للكاتبة /ندى محسن عوض الله ♕Noody♕

غيث: من اي اي اللي قلب كيانك كدا ايه اللي ممكن يخوفك بالشكل دا
روز بدموع: خايفة من ربنا.... خايفة من عقابه وخايفة دا يكون عقاب ليا.... ربنا رحيم بالمؤمنين بس انا مش مؤمنة انا مش هنول رحمته
غيث بصلها بعدم استيعاب: انتي بتقولي اي؟ وبعدين اي الكلام دا
روز بدموع: ام ملك هي قالتلي ان اللي بعيد عن ربنا دول بيبقوا في شقاء من غير متعرفني وصفت حالتي تعبانة وحزينة ومش مبسوطة حتى بحلمي اني ادخل قصر الكيلاني اتحول لكابوس حبيتك ومكنتش عايز تعترف بجوازنا ودلوقتي هربانة علشان ابقى معاك اهلي مش معايا و
غيث باصصلها وساكت بيسمعها
روز عيطت: انا اول مرة اصلي بخشوع دلوقتي وقلبي اتقبض انا..... انا حسيت اني كنت بعيدة كنت في غفلة ازاي مفكرتش اقرب من اللي خالقني في يوم من الأيام ازاي ملجأتلوش واتوسلتله وسجدتله ازاي مصلتش خمس فروض ابسط حاجة في يوم طويل عريض بيضيع في الولا حاجة ازاي محستش اني بحبه واني عايزة بس ارضيه ازاي مفكرتش في حاجة اسمها قرءان بيشفي القلب والصدور والنفسيه اللي ممكن دكتور يعجز عن شفائه.... ازاي محسبتهاش
غيث بحنان بيضمها: ممكن طيب تهدي
روز بدموع: مش ههدى غير لما احس اني بني ادمه
غيث ابتسم بحنان: انتي بالفعل بني ادمه
روز: لا انا مش بني ادمه انا حيوانة دا حتى الحيوانات عارفين خالقهم انا بس كنت عايشة علشاني باكل بشرب واتمرد واندب حظي
غيث بهدوء: طيب انتي ناوية على اي
روز:مش عارفة اي حاجة هعملها هتبقى احسن من اللي انا عليه يمكن ربنا يحبني مش كدا
كانت عاملة زي الطفلة كانت فيها لهفة مش عادية ابتسم غيث:طيب براحة كدا ربنا خلقك واكيد بيحبك علشان فكرتي فيه...روز انا كنت اول مرة ادخل جامع تخيلي؟....روحنا كان في واحد بيتكلم هو تقريبآ اسمه شيخ المسجد قال ان ربنا رحمته وسعت كل شيئ وقال ان الشخص لو عاش طول عمره كافر وجه في يوم نوى التوبة خالصة لوجه الله ربنا بيقبلها فما بالك بالمسلمين قال كلام كتير حلو قال ان اي توبة تتقبل لو تكامل شروطها واللي هي بسيطة جدآ ومش مكلفة انه يخلص النية لله انه يعزم انه مش هيعود لأي ذنب حتى لو عاد ليه وتاب ربنا هيقبل بس يكون غصب عنه وانه يكون قبل طلوع الشمس من مغربها وتكون قبل الغرغرة اللي هو الأحتضار انتي متخيلة رحمته بعبادة هو بيعفي وبيغفر وبيرحم اللي بيحاسب عليه حقوق العباد اللي ظلم حد لازم يروحله ويستسمحه ربنا مبيسامحش الظالم الا لو رد المظالم لأهلها كان شعور غريب وانا بسمع شعور لذيذ اوي حسيت ان دي رسالة يمكن تكون مخصوصة  علشاني
روز بصاله
غيث:قررت وقتها قرار وكنت مستني ارجع واقولهولك
روز بتمسح دموعها:ايه هو
غيث ابتسم:اننا نحضر محاضرات في الجامع سوا نحضر محاضرات دينية في مكان بيتعلموا فيه اصول دينهم اسمه...الأزهر....اي رأيك
روز ابتسمت بحماس:بجد انت هتعمل كدا
غيث:وليه معملش كدا!
روز بدموع لامعة في عينها:افتكرت انك مش هتعمل كدا كنت خايفة تعترض على قرار هاخده
غيث:اي قرار
روز:لما اخده هقولك.....
غيث ابتسم:طب متقولي
روز هزت راسها بنفي:مش عايزة اخده في وقت زي دا عايزة اخده بهدوء وبدون اي تأثير على مشاعري
غيث ابتسم وهز راسه بإيجاب وخدها في حضنه:مش عايز اشوفك بتعيطي بالطريقة دي تاني مش عايزك تعيطي ابدآ كدا اول واخر مرة
روز ابتسمت وحضنته:بحبك اوي
غيث ابتسم:وانا بموت فيكي