الشالية

الجزء الخامس (العهد الشيطاني مع سامي)

الشاليه - الجزء الخامس :-
قال لي ابواسحاق :-
- القصة مش بتبدأ عندك .. القصة بدايتها عند (سامي باشا) لما عمل عقد بيع روح مع الشياطين .. عقد بيع الروح لو متعرفوش هوا عبارة عن إن الشيطان بيوهبك كل حاجه انتا عاوزها (فلوس - شركات - شهرة - سلطة - نساء) .. في مقابل انك تبقي عبد ليه وبتتفقوا علي شروط وعدد سنين تعيشها .. بعد العدد ده من السنين .. تنتحر .
نظرت له نظرة فزع فأكمل :-
- او تنفذ حجات ابشع بكتير م اللي نفذتها اثناء بيع روحك .. سامي باشا رغم ان ابليس واعوانه ادوله ثروات غير محدودة فضل طووول عمره ميخلفش .. كان متفق مع ابليس بناءا علي عبد بيع الروح علي عمر 60 سنة .. عند 56 سنة ربك رزقه بعلاج لمشكلته وقدر انه يخلف .. خلف بنت زي القمر وسماها (قمر) .. بعد ما خلفها بني الشالية ده وقرر انه يأسسها ويكبرها بعيد عن الناس .. البنت كانت اقرب للحور العين .. هادية وجميلة .. كان عارف انه غلطان وانه خسران لما عمل التعاقد مع ابليس .. لكن كان فالوقت ده الدنيا مغريه وعاوز يغتني ويعيش .. ندم اكتر عالعقد ده بعد ما خلف قمر .. لكن بعد ايه ؟؟
قرب عالستين وهنا ظهروله .. طبعا فاشكال بشرية .. قالوله اجهز وعرفوه هيموت ازاي وقد ايه هيتعظم ويتعمله افخم انواع الجنازات والتعزيه بعد موتوا .. وهنا طبعا بدأت اللعبة اللي انتا جزء منها دلوقتي .. قالهم :-
- مفيش حل اني اعيش اكتر ؟؟
رد عليه :-
- ممكن .
- بجد ؟!
- طبعا بس فيه شروط .
- ايه ؟؟
- بنتك هتدفع كقربان .. دي الحالة الوحيدة اللي ممكن تكمل فيها .
- بنتي لا .
- خلاص يبقي انتا .
- بس عارف .. ده اختيار امثل لبنتك وليك .. هيا لما انتا تموت هتبقي لوحدها .. هتسيبها لمين ؟؟ واحنا كمان ممكن نسيطر عليها لما تكبر .. لكن لما تتقدم قربان هترتاح وانتا هتعيش وممكن تخلف غيرها .. سامي اختار يضحي ببنته وهما اختاروا المكان انه يبقي الشاطئ ده .. الشاطئ اللي قدام الشالية .. اسمه عندهم دلوقتي شاطئ الموتي .. من كتر الناس اللي ماتت عنده .. لحد دلوقتي مات اكتر من 40 انسان عند الشاطئ ده .. هما عايشين فالمكان ده .. من اول الشالية لحد البحر من جوه .. غيرك كتير ماتوا بالغرق لما ظهرلهم حد منهم علي صورة امرأة غاية فالجمال ودخلوا وراها لحد ما معرفوش يرجعوا .
البيت منقوش عليه بدم قمر ودم سامي نجم سداسية واسماء خدام تعاويذ وطلاسم واسحار شاليه الخارج منه مطلوب منه .. والداخل عالأغلب ميت لا محاله ...
- يعني انا ميت ؟!
- قولت عالاغلب وانتا خرجت يعني لسه فيه حلول .
- طب التعاويذ دي اتعملت ليه وقمر دي ليه بتظهرلي ؟؟
- عارف قمر اتقتلت ازاي ؟؟
- ازاي ؟؟
- اتحطت فوسط نجمة سداسية مرسومة بدم قط إسود .. فكل دراع من الستة بتوع النجمة اتحطت شمعة .. طلسم ملعون .. غالبا هتلاقيه تحت سجادة الصالة .. كانت فالنص مسك كتابه الإسود الملعون وقال الطلسم كلمة كلمة وهيا مربوطة فالنص وعماله تقوله بابا انا خايفه .. بابا انتا بتعمل ايه ؟؟ قمر ابتدت تسيح وتتحرق بالنار فالاول وشها اتشوه الاب حاول يكمل التعويذة مقدرش .. اصبح سامي ملعون واتاذي منهم اكتر وبقي لازم كل سنة يقدملهم قربان (بني ادم) يقعد فالشالية لمدة اسبوع وبعدين بيبقوا اتملكوا منه والا يموتوه هوا بطريقة بشعه .. قمر ماتت برضو بس فضلت تتعذب يوم كامل وهيا بتصرخ وهيا بتكره ابوها .. سامي بعدها اتبرع باغلب ثروته للمؤسسات الخيرية لكنه مقدرش يرجع عن اللي هوا وصله لانه لو فكر هيدوق عذاب اصعب من انه حتي يتخيله .. ادي الشالية ده للسواق بتاعه (عم بهجت) .. وبعد كده انتحر ...
- يعني بهجت ده يعرف قصة الشالية .
- بهجت عامل معاهم اتفاق وعهد مختلف عن سامي ...
#يتبع
#الشاليه
#دمتم_سند ❤