عشقتُ حورية ... بقلم ( وعد الشرقيه )

الفصل الثاني

قراءة ممتعة...💙

في يوم ما..عندما كانت حور تبلغ من العمر سبعة عشر سنه وبالتحديد في شهر رمضان..كانت تفتح حسابها الالكتروني وتتفقد الواتس آب لتري ان كان يوجد رسائل من ابنة عمتها وصديقتها لكن لم تجد..لكن لحظه..ما هذا..انه جروب ديني!!

حور:- ايه ده مين دخلني في الجروب ده انا مبتعرفش علي حد اصلا مقدرش اثق في حد حتي..طب اعمل ايه اخرج ولا ادخل واجرب...لا بس انا مش حقدر اثق فيهم بردو ومش حقدر احكي لحد حاجه عني ... ومش حقدر اكلمهم خالص طلما مفيش ثقه...بس هما شكلهم كويسين دول متدينين كمان ..خلاص انا ادخل واجرب وخلاص..

دخلت حور ولأول مره في حياتها تتكلم مع حد من علي مواقع التواصل وتتعرف عليهم..

في الشات ...
البنت الاولي :- السلام عليكم يا بنات اخباركو ايه..

البنت التانيه :- وعليكم السلام يا باشا.. اخبارك وحشاني جدا انتي وباقي البنات..

الاولي :- وانتي كمان يا حبيبتي معلش بقالي فترة مش بفتح كان ورايا حاجات مهمه ومعرفتش افتح خالص

البنت التالته بمرح :- السلام عليكم يا مزاميز واحشني واحشني واحشني كمان مره حسناء ملكة الجمالة ذات النقاب الاسود وعبير ملكة الذكاء ذات النقاب الاسود ايضا..

حسناء :- هههههه مجنونه انتي يا بنتي انتي مش حتتغيري بقا حتفضلي مجنونه لحد امتي..

عبير :- ههههههههه والله انا ما فاهمه يا حسناء البت ديه حتفضل مجنونه لحد امتي..

مريم ( التالته ) :- هههههههه حفضل مجنونه طول عمري يا حبايبي..

أُعجبت حور بطريقة كلامهم.. ووجدت نفسها تتحدث معهم..

في الشات ...

حور:- السلام عليكم ..هو مين اللي ضافني هنا..

حسناء :- وعليكم السلام اهلا اهلا بحوريتنا الحلوه..

مريم :- هلا هلا يا جمر شو عم تعملي شو اخبارك شو احوالك شو عم تب....

عبير:- يا بنتي افصلي البت لسه داخله حتخاف منك

حور :- ههههه لا عادي والله ده انا حبيتكو وهي خصوصا عسل اوي ماشاء الله اللهم بارك ..

حسناء :- طب اسمك بقا يا جميل عاشان اسجلك..

حور :- اسمي حور

مريم :- الله اكبر عاشت الاسامي هو ده الكلام واحلي جووووووووون ...

عبير :- لا انا فقدت الامل من جنونك يا مريم ...حسناء وحور انتو عندكو امل اخر برج في عقلها يفضل ..

حسناء وحور :- ههههههههههه لا معندناش

مريم :- اهئ اهئ اخص عليكو يا وحشين متضموش حوريتي معاكو...