الفصل الرابع عشر
في احدي الكافيهات .
ميرا :ايوا بس ازاي.
جاسر:امجد بيه والد حضرتك هو اللي اسس الشركة دي وكبرها بس من سبع سنين تقريبا امجد بيه كلمني وطلب مني اجهز كل الاجرئآت علشان ينقل كل املاكه بإسمك بيع وشرا.انا بعد وفاته كنت جايلك علشان اقولك كل حاجة بس عرفت انك سافرتي اسكندرية وللآسف الفترة اللي فاتت مقدرتش اوصلك علشان كان عندي شغل مهم جدا في لندن واول ما خلصته نزلت اسكندرية علي طول وكلمتك.
وضعت ميرا يدها علي رأسها وهي بداخلها الف سؤال لا تعرف كم هذه المفاجآت اللتي تقابلها واحدة تلو الاخري امسك ادم بيدها وضغط عليها برفق حتي يطمئنها وتهدأ و نجح في فعل هذا بنظرة حانية هدأتها.
ميرا:بس بابي عمره ما جابلي سيرة عن الموضوع دا.
جاسر:امجد بيه مكانش عاوزك تعرفي اي حاجة لأنه كان بيقول انك هترفضي ومش هتوفقي انه يعمل كدا.وكمان مكانش عاوز يشغلك او يدخلك في مواضيع الشغل من بدري كان حابب انك كل تركيزك يبقي في دراستك وبس.
ميرا :طب ايه اللي المفروض يحصل دلوقتي.
جاسر :انتي المفروض تستلمي ادارة الشركة.
ادم:هو مين اللي كان بيدير الشركة الفترة اللي فاتت دي كلها.
جاسر: الاستاذ نور.دا بيشتغل في الشركة من فترة كبيرة بقالوا كذا سنة وامجد بيه كان بيثق فيه جدا وبيحبه اوي وهو اللي ماسك الشركة من وقت وفاة امجد بيه ودا كان بأمر من امجد بيه ان نور هو اللي يمسك الشركة في غياب امجد بيه لغاية ما انسة ميرا تعرف ولما تستلم ادارة الشركة هو بردوا هيبقي معاها لغاية ما تفهم وتتعلم كل حاجة.
ميرا:والمفروض دا يحصل امتي.
جاسر:زي ما تحبي بس الاحسن يبقي في اقرب وقت.
ميرا:ليه هو الشركة مش بتشتغل كويس.
جاسر:لا بالعكس الحمدلله نور واخد باله كويس من الشركة والشغل تمام.
ميرا:طب الحمدلله..انا هشوف هقدر ابتدي شغل امتي وهكلمك.
جاسر:تمام.
ادم : يلا يا ميرا. ثم نظر الي جاسر نظرة جامدة سلام يا جاسر هنشوف ميرا هتبتدي شغل امتي وانا هكلمك.
ميرا:حاضر بعد اذنك يا جاسر.
جاسر وهو يسلم علي ادم :تمام في انتظار سياتك يا ادم بيه.مع السلامة.
حاول جاسر ان يسلم علي ميرا ولكن ادم هو من اخذ يده وسلم عليه مرة اخري وابتسم ابتسامة بسيطة بجانب فمه :سلام يا جاسر.
ذهب كل من ميرا وادم وهو يحتضن يدها بحنان.ولكن بداخله صراع فها هو اصبح امامه مشكلة اخري كيف سيتقبل امر عملها وخروجها يوميا بدونه فهو حتي الان لم يكتشف هوية الشخص الذي كان يساعد لارا ليحصل علي ميرا.كان يدور برأسه مئة سؤال افاق علي صوت ميرا
ميرا:ادم....ادم.
ادم:ايه يا حبيبتي.
ميرا:سرحت في ايه يا حبيبي من وقت ما خرجنا من الكافيه وانت مش معايا خالص دا احنا قربنا نوصل.
ادم:مفيش يا حبيبي معاكي.بس كنت بفكر في حاجة كدا.
ميرا:انت زعلان من موضوع شغلي.
ادم :لا يا حبيبتي مش زعلان انا بس خايف عليكي.
وضعت ميرا يدها علي يده وهي تبتسم ابتسامة حانية : بص انا مش هعمل حاجة تضايقك لو مش موافق خلاص.
ابتسم ادم علي فعلتها هذه فقد هدأته :لا يا حبيبتي دي شركة باباكي وتعبه طول حياته وانا مش هسمح انها تضيع بسببي انا معاكي وهفضل في ضهرك وجمبك لغاية ما تتعلمي والشركة تكبر اكتر.
ميرا:ربنا يخليك ليا يا اجمل هدية ربنا بعتهالي.
ادم :بس ممكن اطلب من بنوتي القمر طلب.
ميرا:انت تؤمر بنوتك. عيوني.
ادم:من بكرة هيبقي معاكي حراسة وسواق وانا هاجي معاكي لغاية ما تتعلمي الشغل مفيش قعاد مع اللي اسمه نور دا لوحدكوا.
ميرا بضحك فهو لن يتغير او تتغير غيرته هذه:بس كدا انت تؤمر يا كبير.
ادم بضحك :الله يخربيتك يا مراد عديت البت دا انت ڤيروس.معرفش انا دا دكتور ازاي وبيعالج الناس دا هو نفسه عدوة.
ميرا بضحك:والله انت ظالموا دا حتي دموا خفيف وبيحبك جدا.
رفع ادم حاجه الايسر:هو مين دا اللي دموا خفيف.
ميرا بقلق من نظرة ادم :احم مراد.
ادم:متمدحيش اي راجل غيري مفهوووم.
ميرا بخوف:مفهوم انا اسفة.
ادم بندم علي نظرة الخوف التي رآها منها الان:احم وبعدين دا مراد دا معندوش دم اساسا.
كتمت ميرا ضحكتها وظلت تنظر امامها.
ادم:ميرا.
ميرا:نعم.
هو انا قولتلك اني بحبك اوي وانك اجمل بنت شافتها عنيا.
ابتسمت ميرا بخجل وكست الحمري وجنتيها.
ادم :والله حرام عليكي خدودك اللي بتقلب ورد چوري في لحظة دي .
ميرا:احم وصلنا يلا تصبح علي خير.فتحت باب السيارة وركضت الي منزلها ولكن استوقفها صوته قبل ان تدخل للمنزل.
ادم:ميراااا.
ميرا:ايوة.
ادم:بحبك يا وردتي.
ارتبكت ميرا من شدة خجلها :ماشي شكرا ثم دلفت الي منزلها بسرعة.
ادم بضحك:شكرا..ااااه مجنونة بس بعشقها.
********************************
في منطقة شعبية نجد..
عمر صف سيارته وترجل منها ثم ذهب الي احدي البيوت ولكنه سمع صوت صراخ فتاة من الاعلي صعد مسرعا وظل يترك باب المنزل الذي كان يقصده وايضا الذي يسمع منه الصراخ.
فتح له جلال بوجه عابث :انت مين يا جدع انت وبتخبط كدا ليه.
كان عمر علي وشك اجابته ولكنه استمع لصوت سهر :اااااااااااه ابعد عني يا حيوااااان الحقونييييييييييييي.
ابعد عمر جلال من طريقه بعنف ودلف في خفة وسرعة الي الغرفة التي بها صراخ سهر ليجد شخص( ميستاهلش ان يتقال عليه راجل😡)كان يحاول الإعتداء علي سهر وهي تقاومه بكل قوتها ولكن كيف فهي بالنسبة له كالطفلة بالنسبة للحجم فهو اضخم منها مرتان او ثلاثة.رأت سهر عمر يدلف الي الغرفة.
سهر بإنهيار :عمررر الحقني ار......بترت جملتها عندما رأت عمر ينقض علي الشخص الذي كان يحاول الاعتداء عليها ظل عمر يضربه بقوة وشراسة وغضب فكان عمر في هذه اللحظة مثل الاسد الثائر رغم ان هذا الشخص كان يفوقه في الحجم ولكن غضب عمر جعله ينتصر علي هذا ال...
اقترب جلال ببطئ من ظهر عمر وهو يحاول ان يضرب عمر بمزهرية علي رأسه ولكن انتبه عمر علي تحذير سهر:لاااااا يا جلال عمر حااااااسب.
افلت عمر من ضربة جلال ثم ترك عمر الشخص الاخر غارق في دمائه وامسك جلال من تلابيبه بقوة وشراسة:انا مشوفتش واحد في و......... و.............ثم سدد عمر بعض اللكمات القوية الي جلال التي جعلت الروئية لدي جلال تتلاشي والدماء تسيل من انفه وفمه.
سهر بدموع وهي تجلس علي الارض :كفاية يا عمر كفاااية سيبوا.
عمر بغضب:سيبه بعد كل اللي عملته وخايفة عليك بعد ما رميتها للزبالة دا.ضرب عمر جلال بركبته في معدته ليسقط جلال ارضا.اقترب عمر من سهر التي كانت تجلس علي الارض وتضم ركبتيها اليها ودموعها تتسابق علي وجنتيها وجسدها ينتفض من ما رأته منذ قليل وما كان سيحدث لها.تشعر وكأن روحها سوف تفارق جسدها.فهي رأت اخاها وكل ما لديها من عائلتها رأته يسلمها لشخص غريب مقابل بعض المخدر الذي يتعاطاه.فالشخص الذي من المفترض ان يكون حمايتها من هذا العالم هو من قدمها علي طبق من ذهب لمن يفترس جسدها.
اقترب عمر منها ببطئ وهو قلبه يتمزق لروئيتها في هذه الحالة
نزل امامها علي الارض بعد ان خلع سترته و وضعها عليها حتي تخفي ما يظهر من ملابسها التي تمزقت وضع يده علي وجنتيها بحنان ونظر الي عيناها نظرة مليئة بالحب:هششش متخافيش. انا جمبك محدش هيقدر يلمس شعرة منك اهدي..اهدي.تعالي.
نظرت له في حيرة من كم هذا الحب والحنان التي كان بنبرته من الالم الذي رأته بعيناه علي حالتها:هنروح فين.
عمر:هنروح لسلمي..خلاص يا سهر انتي من اللحظة دي في حمايتي مش عاوزك تخافي من اي حاجة.
ذهبت معه سهر وهي مغيبة فمن المفترض بعد الذي صار لها لا تثق حتي في حالها ولكن هو فمن المستحيل ان يكون يخدعها نعم فهي رأت صدق وحنان وامان ومحبة لم ترهم من قبل لذا شعرت انها سوف تستأمنه علي روحها بدون قلق.
اخذها عمر وهو يمسك يدها بحنان يبث الطمأنينة بداخلها واستقلوا سيارته وذهب الي منزله هو وشقيقته.
********************************
في منزل عمر وسلمي.
بعد ان قص عمر ما حدث لسلمي وسط صمت سهر وشرودها ولكنها افاقت علي جملته الاخيرة.
عمر:سهر هتفضل معانا هنا وانا هبقي في الشقة اللي تحت.
سهر:لالا مينفعش خليك في بيتك انا هتصرف وهروح في اي حتة.
عمر:ايه اللي انتي بتقوليه دا انا قلتلك انك مش هتبعدي تاني انت بقيتي مسؤلة مني فاهمة ومفيش نقاش في الموضوع دا ثم تركهم عمر وذهب اللي الشقة التي في الاسفل.
سلمي:مش هتسيبيني يا سهر هتفضلي معانا هنا ومتزعليش من ابيه هو خايف عليكي.
اختبآت سهر في حضن صديقتها الوحيدة وظلت تبكي حتي غفت.
ساعدت سلمي سهر علي ان تسترخي علي السرير لتنام براحة ثم غطتها بحنان وخرجت من الغرفة.
نزلت سلمي لعمر و رأته يقف في الهواء ويضع يده في جيبه.
سلمي :انت بتحبها يا ابيه صح.
نظر لها عمر واخذها الي حضنه بحنان فلا يعرف اي منهم كان يحتاج لهذا العناق اكثر.
عمر:بحبها بحبها اوي يا سلمي.
سلمي:اتجوزها.
عمر:كنت هعمل كدا بس خفت تفتكر اني بحافظ عليها لمجرد مصلحة انا عاوزها تهدي وتحس بحبي ليها علشان تبقي موافقة وهي مبسوطة مش لمجرد اني احميها بس.
سلمي:انا بحبك اوي يا ابيه وكل يوم بحبك اكتر وبتكبر في نظري اكتر انت اجمل واحن راجل في العالم.وانا متأكدة ان سهر هتحبك.بس كل حاجة في وقتها تبقي احسن.
عمر :صح يا قلب اخوكي انتي .يلا اطلعي وخليكي معاها وخدي بالك منها متسيبيهاش ولو في اي حاجة اتصلي بيا.
سلمي وهي تؤدي التحية العسكرية :تماااام يا فندم.من عنيا يا قمر انت تؤمر يا باشا.
عمر بضحك علي تصرفات شقيقته المجنونة:انصراف يا عسكري.
ذهب سلمي بسرعة من امامه.
*********************************
في قسم مكافحة المخدرات.
اسر:خير يا فندم حضرتك طلبتني.
اللوا طارق:اقعد يا اسر.انا طلبتك علشان في موضوع مهم عاوز اقولهولك.
اسر:تحت امرك يا فندم خير.
طارق:..............................................
اسر:بس دا ايه علاقته بالآنسة تالا.
طارق:من وقتها وهما بيهددوني بيها علشان اخرج لهم رجالتهم اللي هنا و وقت الحادثة اللي تالا عملتها كان بسبب ان الفرامل مكانتش موجودة وهي علشان كانت تعبانة مخدتش بالها.
اسر:كدا حياة انسة تالا في خطر لازم ناخد بالنا كويس الفترة الجاية.ومش عاوز سياتك تقلق بخصوص العملية دي اعتبرها تمت وانسة تالا انا مش هسمح لحد يأذيها.
طارق:كنت متأكد انك قد ثقتي يا اسر ربنا يوفقك.
*******************************
بس كدا يا حلوين خلصت حلقتنا انهاردة يارب تكون عجبتكوا متنسوش تكتبولي رأيكم في الكومنتات وتوقعاتك وعارفة ان البارت مش طويل اوي بس علشان تعبانة معلش ومرديتش اجلوا علشان خاطركم بس 😍😘
ماري حليم 💜
