ثم امسك بهاتفه وتردد كثيرا ثم اخذ قرار وطلب رقم ميرا
كانت ميرا وادم في الفندق في باريس بعد ان وصلوا للتو الي هناك
ميرا وهي تلقي بنفسها علي الفراش : ياااه اخيرا وصلنا عاوزة انااام.
ادم و هو يجلس بجوارها ويربط علي شعرها : حبيبتي زهقتي من قعدة الطيارة صح.
ميرا وهي تضع يدها علي وجنته : اها مش بحب افضل قاعدة كدة كتير بس اللي بيصبرني انك بتبقي معايا...انا هدخل اخد شاور واجي.
ادم : تمام............بعد مرور دقائق طويلة اردف ادم : ميرا حبيبتي خلصتي.. انتي كويسة.؟!!
ميرا وهي تخرج من غرفة تبديل الملابس وشعرها المبتل ينسدل علي ظهرها و وجنتيها الموردتين كانت جميلة و جذابة للغاية : اه يا حبيبي انا كويسة.
ادم : اتأخرتي اوي.
ميرا بابتسامة : وحشتك!!.
ادم.....قاطعه رنين هاتفها.
ميرا : ده اسر..
ادم : طيب ردي عليه.
ميرا : يا اسر ازيك.
اسر : انا تمام يا قمر انتي عاملة ايه.وادم عامل ايه
ميرا : انا كويسة. وادم كمان كويس.انت ايه اخبارك وتالا عاملة ايه.
اسر : ااه يا ميرا..مش عارف اعمل ايه مع تالا غلبتني.
ميرا : ليه بس مالكوا.
قص اسر علي ميرا بعض من تصرفات تالا وعنادها واستغلالها لحبه لها.
ميرا : طيب اهدي بس انت عارف ان هي متعودة ان اللي هي عاوزاه يتم ومحدش يناقشها او يتدخل في تصرفاتها.
اسر : انا عارف بس في حاجات مينفعش متدخلش فيها يا ميرا.
ميرا : يا حبيبي فهماك بس خدها براحة و واحدة واحدة متقفلش كل حاجة في وشها كدة.علشان هي تعرف تتعود علي الوضع الجديد ومتحسش انك بتتحكم فيها.
اسر : حاضر يا ميرا..سلميلي علي ادم ومعلش لو عطلتك او شغلتك دلوقتي. بس انتي عارفة اني مبعرفش اتكلم مع حد غيرك.
ميرا : متقولش كدة يا اسر انت اخويا وربنا يسعدكوا يارب سوي.
اسر : ربنا يخليكي حبيبتي يلا روحي بقي شوفي جوزك بدل ما يقتلني ويدعي عليا..
ميرا وهي تنظر الي ادم الذي يبدوا عليه بعض الغضب : لا لا متقلقش.. باي.
اسر : باي.
اغلقت ميرا الخط وهي تنظر الي ادم بتساؤل : حبيبي مالك ؟!
ادم : مش كان اسر حبيبك من شوية.
ميرا وهي تكتم ضحكتها بصعوبة : اها ب..
ادم بمقاطعة : كتك اوة هو ايه اللي اها.
ميرا بضحك وهي تقترب من ادم : ما انت بس لو تهدي كدة وتسمعني للاخر يا حبيبي انا كنت بقول ان هو زي اخويا بالظبط ومتربين طول عمرنا سوي يعني حب اخوي مش اكتر ..لكن انت بقي حبك حاجة تانية خالص يا حياتي.
قاطعها ادم وهو يخطف شفاها في قبلة طويلة اخرج فيها غضبه و غيرته وعشقه لها........ادم بآنفاس متقطعة : ولا اخوي ولا صداقة ولا جن ازرق الكلام ده ميتقلش لحد غيري انا وبس.
ميرا وهي تخبئ وجهها في رقبته : حاضر...ليك..وبس..........................
( نسيبهم بقي مع بعض مالناش دعوة احنا 😉🙈)
***************************************************
عند سلمي وسليم كانوا يسيرون علي البحر والهواء ينعش انفاسهم ومياه البحر تلمع في تلألؤ اسفل اشعة الشمس الذهبية الدافئة
سليم : الجميل بتاعي سرحان في ايه.
سلمي بأبتسامة خجلة : مش سرحانة بس البحر شكلوا حلو اوي والهوا تحفة.
سليم : ده بس علشان انتي هنا .
سلمي : علي فكرة. علي فكرة .علي فكرة يعني.
سليم بضحك : ايه!؟
سلمي : بلاش معاكسة.
سليم : بس انا مش بعاكس انا بقول الحقيقة انتي اما بتبقي في مكان كل حاجة حواليكي بتبقي حلوة بتظهري جمال المكان اللي انتي فيه.
سلمي : ماشي يا سيدي ربنا يخليك و يجبر بخاطرك و....
سليم بضحك : اي يا سلمي هو انتي هتشحتي عليا ولا ايه.
سلمي : بدعيلك الحق عليا يعني.
سليم : لا براحتك يا جميل.
سلمي : ايووه بردوا بيعاكس ومبيسمعش الكلام.
سليم : ده ايووه دي طلعت عسل اوي قوليها تاني.
سلمي : تدفع كام ؟!
سليم : ده انا عنيا للقمر.
سلمي : لا خليهملك عنيك عندي بتوعي.
سليم بضحك: طيب اللي انتي عاوزاه بس قوليها تاني.
سلمي بخجل : ايووه. حلو كدة.
سليم : والله قمر انا قولت من الاول قمر...تعالي بقي اجبلك حاجة مكفآة وتحكيلي شوية.
سلمي : احكيلك ايه.
سليم : انا هحكيلك كل حاجة عني من قبل ما اعرفك وانتي كذلك ايه رأيك.
سلمي : موافقة..يلا بينا.
مر الوقت عليهم وهم مندمجين في الحديث سويا وكل منهم يستمع من الاخر بتركيز وسعادة وراحة.ثم قام سليم بتوصيل سلمي لمنزلها ثم ذهب
***************************************************
في احدي الفنادق في باريس
في غرفة مراد وندي
مراد : يلا بقي يا ندي يا حبيبتي انا جهزت اهو.
ندي وهي تحاول غلق سلسلتها : حاضر يا مراد لحظة بس انا كمان خلصت اهو بس اقفلي دي.
اقترب مراد منها واغلق لها قفل سلسلتها وهو يتنفس عطرها المميز الهادئ.
ندي : يلا يا مراد كل ده بتقفلها انت بتخترع الذرة.
مراد بضحك : خلاص بطلي لماضة قفلتها اهو.
ندي : طيب احنا هنروح فين
مراد وهو ينظر في هاتفه ثم امسك بيدها وتوجه الي باب الغرفة : لحظات بس وهتعرفي.
فتح مراد باب الغرفة وجد ادم يفتح باب الغرفة التي امامه في نفس اللحظة ومعه ميرا.
ندي بسعادة وهي تضم ميرا : هييييييه انتوا هنا..وحشتوني اوي.وحشتيني يا قطتي.
ميرا بسعادة : وانتي وحشتييييني اووي يا قلبي.
ادم ومراد بأبتسامة : علي فكرة دول اسبوعين بس اللي مشوفتوش بعض فيهم.ولكن لم تنتبه اي من الفتاتان اليهم وظلوا يتحدثون باندماج.
نظر مراد لآدم : ايه يا عم ده احنا شكلنا هنتركن علي الرف.
ادم بضحك : اتكلم علي نفسك يا بابا. شوف واتعلم.
اقترب ادم من ندي وضمها : انا كدة هغير بقي كدة متسلميش عليا الواد ده خلاكي تنسي ادم حبيبك ولا ايه.
ندي وهي تضم ادم : حبيبي وحشتني اوي انا اسفة بس بصراحة ميرا كانت وحشاني جدا وبعدين محدش يقدر يخليني انساك يا قلبي.
ادم : طيب يلا يا قمر علشان هنسهر كلنا سوي انهاردة.
ندي وميرا بحماس : بجد.
ادم وهو يمسك بيد ميرا ويضعها في يده وندي في اليد الاخري : بجد يا اميراتي.
مراد بغيظ : ايه يا كبير انت هتاخد الاتنين سيبلي مراتي يا عم.
ندي بضحك : خلاص يا ادم شكلوا بقي وحش وهو لوحدوا كدة.
ادم بضحك : خلاص روحي اكسبي فيه ثواب.
ذهبت ندي وتمسكت بذراع مراد : يلا بقي ننزل.
مراد : لا والله...يلا يا اختي.
توجهوا جميعا الي مطعم شيك جدا ورائع ظلوا يتحدثون ويمرحون وكانت الليلة رائعة حتي اتت كل من
( ليان و ناتلي
فتاتان في غاية الجمال والانوثي.جمالهم جمال غربي صارخ شعر اصفر ناعم قصير وعينان زرقويتان وجسد ممشوق و بشرة بيضاء وشفاه مكتنزتان...ميك اب جرئ..يرتدون ملابس تكشف اكثر مما تخفئ...)
اقتربت الفتاتان من ادم عندما رأوه
الحوار باللغة الفرنسية
ناتلي : مسيو ادم انت هنا في باريس ازيك.
ليان وهي تمد يدها الي ادم : ادم ازيك مبسوطة كتير اني شوفتك.
ادم وهو يحاوط خصر ميرا ويضمها اليه ثم قام بمصافحة ليان وبعدها ناتلي : فرصة سعيدة ناتلي ، ليان.
ليان وهي تنظر الي ميرا والي يد ادم التي تضمها بتملك نظرة فهمها ادم جيدا.
ادم وهو ينظر لميرا بحب ثم نظر الي ليان : احب اعرفك علي ميرا مراتي.
ليان بدهشة وغضب دفين : انت اتجوزت..ازاي وامتي وليه.
ميرا بتعرف فرنسي كويس وبتتقنه بس ادم ميعرفش.
ادم بص لميرا وكان هيرد علي ليان بس ميرا سبقته
ميرا : اها اتجوز .. مش مضطرين نجاوب علي الاسآلة دي كلها بس هريحك. ازاي دي حب بقي وامتي من اسبوعين تقريبا وليه نفس اجابة ازاي.
ادم بأبتسمة من رد صغيرته ومعشوقته التي اصبحت ناضجة في اقل من دقيقة وقامت بالرد علي تلك الحمقاء.
ليان : حلوة ثقتك دي.
قاطعتهم ناتلي وهي تنظر الي مراد باعجاب : مش تعرفنا مسيو ادم.
ادم : دكتور مراد زوج اختي.
ناتلي : واو دكتور..انت دكتور ايه بقي مسيو مراد
مراد : جراحة.
ناتلي : حلوو كتير.....اوووه واو الاغنية دي تحفة تسمحلي مسيو مراد بلييز.
امسكت ناتلي بيد مراد واخذته الي ساحة الرقص وايضا ليان استغلت تشتت ميرا مع اصطحاب ناتلي لمراد وامسكت ليان بيد ادم واصطحبته ايضا وبدأت بالرقص معه كل هذا كان في اقل من دقيقة.
نظرت ندي بدهشة الي ما حدث ثم توجهت الي ميرا.
ندي بغيظ : ايه اللي حصل ده السحليتين دول قالوا ايه وازاي ياخدوا مراد وادم كدة.
قصت ميرا الحوار الذي دار بينهم جميعا وهي ترسم ابتسامة لا مبالاه لليان التي تعتقد انها انتصرت عليها .
ندي بغيظ : بصي بيتمايصوا عليهم ازاي اروح اجيبها من شعرها دلوقتي...انتي ازاي هادية كدة دي بقت في حضن ادم.
ميرا بهدوء : اهدي وبطلي هبل متحسسهاش انها حققت غرضها وانتصرت عليكي وحرقت دمك وبعدين انت اللي قولتيها اهو هما اللي رامين نفسهم في حضن ادم ومراد لكن ادم ومراد مش حاضنينهم وبيبعدوهم بالذوق.
ندي بعصبية : بردوا انا دمي اتحرق عاوزة اقوم اجيبها من شعرها.
اتي شابان الي ميرا وندي وعرضوا عليهم مشاركتهم في الرقص.
كانت ندي ستوافق حتي تجعل مراد يشعر بما تشعر به هي ولكن امسكت ميرا بيدها واعتذرت للشابان.
ندي : رفضتي ليه هما مش سايبنا خليهم يحسوا بالنار اللي فينا.
ميرا : مش ده الحل يا ندي متعالجيش المشكلة بمصيبة.
ندي : انا ماشية هتيجي معايا ولا لا.
ميرا بنفاذ صبر من حركات تلك الحمقاء الذي تتدلل علي زوجها :جاية معاكي يلا.
وقفت ميرا وندي...كان ادم ومراد يتابعوهم بصمت حتي يروا ماذا سوف يفعلون وعندما وقفت ندي وميرا ترك ادم ومراد ليان وناتلي وذهبوا الي ميرا وندي.
ادم : ميرا...
قامت ميرا بغمز ندي والهمس في اذنها : لو عاوزة السحليتين دول يولعوا مكانهم اعملي زيي.
وضعت ميرا يدها في يد ادم بدلال وتحدثت بالعربية بهمس حتي لا تفهم كل من ناتلي وليان ما تقوله : يلا نروح حالا لو سمحت..كانت كلماتها كافية لتوضح كم الغيرة والغضب بداخلها وهذا ما كان يتوقعه ادم ولكن طريقة ميرا جعلت ليان تشعر انها سعيدة وتتدلل علي ادم.
فعلت ندي مثل ميرا ووضعت يدها في يد مراد ولكن لم تقول شئ ولكن نظرتها له كانت تقوول الكثير.
اخذ ادم ميرا ومراد اخذ ندي وتركوا كل من ليان وناتلي تحترقان غيظا ذهبوا الي الفندق بصمت يغطي علي الجميع..حتي وصل كل ثنائي منهم الي غرفته .
في غرفة ميرا وادم.
دخلت ميرا وقامت بأخذ شاور بارد حتي يهدئها ثم ارتدت ملابسها وخرجت وجدت ادم ينتظرها في ترقب
ادم : ميرا...حبيبتي بلاش النظرة دي انتي شوفتي بنفسك الموقف من اوله.
ميرا بعصبية وغيرة : ايوا شوفت شوفت اللي حصل من اوله..شوفت زعلها اما عرفت انك اتجوزت وشوفت محاولتها السخيفة انها تقرب منك وتضايقني شوفتها وهي بترمي نفسها في حضنك بطرق سخيفة.
ادم وهو يحاوط وجهها بيديه : حبيبتي اهدي طيب حقك عليا اهدي.
امسكت ميرا بياقت قميصه بتمرد وشراسة ونظرت في عينيه : مش ههدي انت بتاعي انا وملكي انا حضنك ده بتاعي ومش من حق اي واحدة انها تفكر مجرد تفكير تقرب منه انت فاهم ولا لا انت حبيبي وجوزي وابني وابويا واخويا انت كل حياتي ومش هسمح لاي واحدة تحاول حتي تفكر تشاركني فيك مفهوم .
كان يستمع اليها بهدوء وهو ينظر الي عينيها وقد اعجبه هذا الجانب الجديد من شخصيتها فصغيرته تحولت لقطة شرسة بفعل غيرتها عليه..فقد ارضي كلامها غروره كرجل وتأكد من عشقها المجنون له ..اقترب منها اكثر وحاوط خصرها بيديه وضمها اليه بقوة وهو مازال ينظر الي عينيها بعشق ثم همس لها : ب ح ب ك..
ميرا..........
ادم : متزعليش يا حبيبتي...وحياتك عندي مفيش واحدة هتدخل حضني بعدك غير امي واختي وعد......وبعدين انا مكنتش اعرف انك شرسة كدة في غيرتك..بس كويس اهو موقف انهاردة جيه بفايدة وخلاني اتاكد من حبك ليا.
ميرا وهي تحاوط رقبته بيديها : وانت مكنتش متاكد لسة..واه شرسة ومجنونة كمان وممكن اتحول لزومبي واموت اي واحدة تقرب منك.
ضحك ادم بقوة : بعشقك يا مجنونة.
ابتعدت ميرا عنه : طب اوعي بقي علشان عاوزة انام.
ادم : طب يلا حبيبتي ننام.
ميرا : انا قولت انام مش ننام.
ادم : ايه ده بقي يعني ايه.
ميرا : يعني سيادتك مش هتلمسني انهاردة خالص.
ادم : نعععم لا مفيش الكلام ده ميرا متهزريش.
ميرا وهي تذهب الي فراشها وتفك ربطة شعرها الذي انسدل بانسيابية علي ظهرها بأثارة.: ومين قالك اني بهزر.
ادم : ميراا.
ميرا : اادم.. علشان متسمحش بعد كدة لاي واحدة غيري تقرب منه.
ادم : ده عقابك يعني.!!
ميرا : اها.
ادم : ميرا انتي عارفة ان ولا انا ولا انتي هنعرف ننام كدة.
ميرا : عارفة يا ادم.
ادم : طيب تمام هاخدك في حضني بس علشان تعرفي تنامي.
ميرا بتفكير فهي بالفعل لن تستطيع ان تذوق طعم النوم وهي بعيد عن حضنه وهو ايضا كذلك : خلاص اتفقنا.
ضمها الي حضنه وظل يربط علي خصلاتها حتي شعر بدموعها علي صدره انتفض ادم بقلق :ميرا مالك يا حبيبتي في ايه اهدي لو متضايقة انا هبعد بس متعيطيش.
حركت رأسها بنفي وتمسكت به.
مسح دموعها بحنان : طيب مالك يا حبيبتي.
ميرا بدموع وصوت ضعيف : البيرفيوم... بتاعها في هدومك.
ادم بفهم : طيب حبيبي اهدي..انا اسف. دخل ادم وقام بالاستحمام وارتدي ملابسه ثم وضع عطره الذي تفضله ميرا وخرج اليها وجدها تضم نفسها والدموع تغطي وجهها. شعر بالم قلبه علي تلك الحالة التي وصلت له صغيرته بسبب تلك الحمقاء وبسببه واخذ عهد علي نفسه في تلك اللحظة انه لن يسمح لآي احد سوي صغيرته ان يقترب من حضنه.
ذهب اليها وازال دموعها برقة وضمه بحنان واحتواء وجدها تتشبث به بقوة جعلته يضمها الي حضنه اكثر حتي كاد ان يدخلها بداخل اضلعه حتي هدآت وانتظمت انفاسها بين يديه..........
***************************************************
في مكان ماا!!
......: يعني ايه محصلش بينهم حاجة اومال انتوا لازمتكوا ايه
.....
.....: انتوا اغبية انا باعتكم ليهم علشان تشعللوها وتخليهم يتخانقوا مش يحبوا في بعض ولا كآن حصل حاجة.
.......
......: انتي اللي غبية وانا كنت غلطان لما اعتمدت عليكي انتي وصاحبتك.
اغلق.... الخط في عصبية وهو يفكر في شئ جديد يساعده في تحقيق هدفه وانتقامه.
***************************************************
في غرفة ندي ومراد
مراد : ندي..يا حبيبتي اصحي بقي انتي من ساعة ما رجعنا وانتي نايمة ومش عاوزة تكلميني...قومي طيب زعقي.. اتخانقي معايا..صرخي..اضربيني..اعملي اي حاجة.
ندي وهي تغمض عيناها : عاوز ايه يا مراد.
مراد : انا اسف يا حبيبتي.
ندي وهي علي نفس الوضع : اسف علي ايه انك خليت واحدة غيري تحضنك....
مراد : يا ندي صدقيني انا اتفاجئت بيها عملت اللي عملتوا ده.
ندي : بجد!! طيب.
مراد : يا ندي ممكن تبصيلي طيب.انتصفت ندي في جلستها بعد ان كانت نائمة علي الفراش: نعم يا مراد نعم.
صمت مراد وهو لا يعلم ماذا يقول لها.
ندي : ايه سكت ليه دلوقتي : سيبني يا مراد بعد اذنك سيبني لوحدي.
مراد : مش هسيبك يا ندي انا عارف انك زعلانة مني بس انا اهو قدامك وبقولك وبوعدك انها اول واخر مرة ورحمة ابويا وامي و وغلاوتك عندي اخر مرة بس بلاش تخليني اشوفك كدة.
كانت تنظر الي عينيه وهي تستمع اليه وجدت بهما صدق وندم وعشق لها جعل قلبها يلين ويرق ونست تماما كل ما حدث عندما رأت عيناه تتجمع بها دموع.
ضمته ندي الي حضنها بحنان وحب : مراد خلاص يا حبيبي اهدي انا مش زعلانة خلاص متضايقش.
مراد بنبرة ضعيفة : ندي انا ماليش غيرك في الدنيا انت عيلتي وحياتي مقدرش ازعلك مني..متزعليش علشان خاطري.
ندي : خلاص يا حبيبي انا مش زعلانة انا مبقدرش ازعل منك اصلا.
ضمها مراد اكثر كالطفل الذي يختبئ في حضن والدته.
مرت الليلة علي ابطالنا بعد ان علمت كل منهم درس مهم في حياته ومر اسبوع اخر في سعادة وعشق وضحك بينهم ثم ذهبوا الي لندن وامضوا بها اسبوع اخر ملئ بالرومانسية.كان اجمل شهر مر عليهم وعاشوا به اجمل ايام حياتهم في كل يوم كان يمضي عليهم كان عشقهم وتفهمهم لبعض يتضاعف حتي اصبح كل منهم يحفظ كل تفصيلة صغيرة في حبيبه ونصفه الاخر........اما عند عمر وسهر فآتفقوا علي عقد قرانهم عند رجوع ادم وميرا اسر وتالا يحاولون التآقلم علي طباعهم البعض وسلمي وسليم حبهم يزيد كل يوم اكثر من اليوم الذي يسبقه.....
*******************************
بس كدة يا حلوين كدة تكون خلصت حلقتنا انهاردة اتمني تكون عجبتكم عاوزاكم تكتبولي رأيكم وتوقعاتكم في الكومنتات وناقشوني فيها وفضلا ليس امرا بلاش تم وحلو والكلام ده علشان بيحبطني عاوزاكوا تكتبولي رايكم في كل شخصية وفي الاحداث وتوقعاتكم علشان في مفجآت كتيير هتصدمنا كلنا في الحلقات الجاية تتوقعوا ايه هي ومين اللي هيصدمنا هنعرف سوي وياتري مين الشخص المجهول فاكرينه ولا لا كل ده هنعرفوا الحلقات الجاية
واستنوا بكرة حلقة عيد الام
ماري حليم 💜
