#.صبر الشيرين.(مكتمله) احلام السعدي.

البارت الاول

شيرين.

ـــــــــــــــــــــــــــــــــــــــــــــ

طلعت من المحكمه.واني  وفرحانه. واول مره احس احساس  بالحريه.

كعدت عالكرسي يم المحكمه.وضليت اقرة الورقه. واباوع عالناس المتروسه بالمحكمه.

اخذت نفس.ورتاحيت.

...وتذكرت امي وابويه اذا عرفو اني مطلكه شيصير بيهم.بلعت ريكي.

ماهتميت.لان همه هيج شمروني هالشمره. بس لازم اخبرهم.

طلعت تلفوني من جنطتي. دااخابر.دااخلي عالاذني
وكع تلفوني.

صحت بالولد.عمه و ثول.متشوف.

طلع لسانه..وعيب عليه.اخذت تلفوني.وخنزرته.

كام الولد يركض.ورجع وكف باوع عليه..وهم عيب عليه.وراح.

ضحكت عليه.وضليت اباوع عالاطفال.وعله ولد.

صفنت.اوووف حلم عمري يكون عندي ابن.بس مو من الشخص الاكرها..لا من الي احبه.

رجعت شعري لورة اذاني..وكمت.

اخذت تكسي..ووداني عالشقتي.

نزلت....ونطيته الفلوس.

دخلت لشقتي.

اول مادخلت.شلت هدومه وشلت كلشي يخصه.حته الفراش الي ينام بي.

نزلت جوة بالشارع..طلعتهن.

خليت نفط عليهن.وحركتهن.

اباوع الناس تباوع عليه.وترفع حواجبها.

باوعت عالهدومه.وكلت.تف عليك..الله ليردك.لعنه الله عليك.

داادخل للشقه.سمعت احد يصيح شيرين.شيرين.

نداريت..وبتسمت بوجه.هله يحيى.

يحيى...ها شكو.شداتحركين..العالم تباوع عليج.

.......يحيى اني تطلكت خلص ورتاحيت منه..جنت ارفع حاجبي وانزله.وفرحانه.

يحيى.....بصدمه..انتي شداتكولين.تخبلتي.اهلج اذا عرفو والله يموتوج.

.....عادي خلي يموتوني.مااهتم بعد. لو همه اهلي صدك جان مازوجوني لواحد سكير وكل يوم ويه بنيه..كافي مليت اني هم بنت.واريد اعيش حياتي.

يحيى.....انتي شفتي بعد من هاي الدنيا.بعدج هستوج حتصيرين ٢٠ سنه.ليش هيج.

......يحيى انت مخبل.انت تعرفني احبك.ليش ماتفهم.

يحيى.....اشششش.انتي هسه بنت عمتي وبس..تفتهمين. يله لمي هدومج.داارجعج لاهلج.

....حجيت بصوت ناصي.بنت  عمتك وبس.صكيت سنون.وجتفت ايدي.اني هنا ابقى.

يحيى...انتي تتخبلتي خلاص.تجننتي.امشي.امشي.واهلج بله شلون.وشلون تقبليها عالحالج تبقين وحدج.

.....صديقاتي ثنينهن هنا بهاي الشقه..واني مو الوحدي.
عندي شغل وعندي الخياطه.

يحيى....انجبي.وامشي ماكو هيج شي.تشتغلين.تروحين يم اهلج تشتغلين.مو لوحدج.

رفعت حواجبي.انت شدخلك.انت كلت انتي بنت عمتي يعني ماالك سلطه عليه.

داادخل....ولزمني من ايدي.

وتركها بساع...وكال استغفر الله.

جتفت ايدي.وضحكت بستهزاء.

يحيى....عن كلامج الماسخ هذا...امشي.لتخبليني.

.....يحيى...انت تعرف انو امي وابويا بعد مايريدوني.ليش اروحلهم.

يحيى...عالاقل خبريهم.

تنهدت...طيب ماشي..بس مو هسه..اني تعبانه.

يحيى...تنهد..باجر انشالله اخذج..لاتنسين.الصبح اجيج

....طيب.

ودعته.... دخلت لشقتي.وكعدت شويه..ورحت سبحت.

كعدت. بغرفتي.اكل لفه جبتها من محل.واتذكر ضربه الي.وكلمن مااكلها لامي وابويه يضربني.يكلولي.عادي  بين كل مرة ورجال تصير مشاكل.وكل يوم مشوفني الويل.وحته مرات اكل مااكل.يمنع عني كلشي..حته الطلعه.

صرت اشتغل بالخياطه.واوكل نفسي..ويرجع يضربني.يريد فلوس مني.ويهددني بامي وابويه.ومااعرف شيكللهم ويدخل بمخهم.يصدكون.

واذا يروح يكول لاهلي اهلي يحجون عليه.

احس اني مو بتهم.بنت شارع..وهو ابنهم.

غمضت عيوني.بالم.

نمت عالقنفه.... بدون مااحس.

كعدت عالصوت المطر ساعه بالخمسه الفجر.

كمت توضيت وصليت.وقريت قران.

فتحت البلكونه شويه.وثلجت.باردة كلش..وريحه التراب  ويه المطر..كلش طيبه..

شتميت شويه..احنه ببدايه شتويه.

طلعت شويه بالمطر.وكمت ادور مااعرف ليش جنت ابجي.

وكفت شويه..ورجعت ادور.

وكفت بعد ما ثلجت واحس جسمي ينتفض من البرد.

دخلت وسديت الباب...واني ارجف.

بدلت..وعلكت مكيف. كعدت عالتلفزيون.صارت ساعه بال٧...لبست..وطلعت للمحل..مال الخياطه.

جان يومي متعب.وهذا اليوم مابطلت مطر..شوارع بغداد نترست مي وطين.والكل يركض وشايل شمسيه.وفرحانين بالمطر.

صارت ساعه بال٤ العصر.

شديت شعري( بكتر.لاستيكه الشعر).ومشيت بالمطر.

وكفت تكسي.وصلت.وصعدت بالدرج.

باوعت اكو اشخاص يم شقتي.

كمت اركض عليهم.

من شافوني..جوي ركض عليه.

بتسمت....وكلت..بابا.

باوع عليه.....وضربني راجدي.

لزمت خدي....وبتسمت.وباوعت عاليحيى.ورفعت حاجبي.

للحكايه البقيه..

اتمنه..... تنال اعجابكم.

والقصه حقيقه ميه بالميه.. ومابيها شي من الخيال.