#.صبر الشيرين.(مكتمله) احلام السعدي.

البارت ١١

يحيى بقلب شيرين.

للكاتبه احلام السعدي.

ـــــــــــــــــــــــــــــــــــــــــــــ

دخلت لغرفتي.وااحس ابد مو مرتاحي بقراري هوايه مهمومه.

بس احبه ليحيى. ومكدر بليا.

كعدت عالسرير.واني ضايجه.

واني افكر شنو الي حيصير بعد.

مرته شلون.هذا الي.مضوجني حيل.مرته وابناءه.

المره شما صارت.تكره تنزل عليها ضره.

باوعت عالمصلايه.وحجيت بكلبي.والله شتاقيت للصلاه.

فرشت المصلايه.ورحت توضيت ورجعت اصلي.

بجيت واني ادعي رب العالمين يتممها بخير...وماتصير مشاكل بينه.
.......
اللهم يامن خلقت عيسى بلا اب
وجعلت سليمان يكلم من ياكل الحب
ونصرت موسى على من قال انه الرب
واحببت محمد ص حبآ ليس من بعده حب
فرج همي وكل من دعاك وقال لك يارب

...
عاد ماحسيت الا واني نايمه عالمصلايه.

ماما كعدتني.

شفت حلم كلش حلو احس همومي كلهن طارن.

حجيت ماما

ماما....ها يمه.

بتسمت....وكلت.يمه شفت حلم كلش حلو.

ماما...بأبتسامه..شنو الحلم احجيلي.

...بابتسامه.مااعرف بس شفت شخص كله نو.ولابس هدوم مثل مال قبل..وسيف وره ضهره.ماشفت وجهه. بسبب النور الساطع منه..جا يمي ومسح عالراسي.واني ضليت اباوع عليه بابتسامه.
ويحيى جان يمي.كتله منو هذا.
باوع يحيى عليه بابتسام.ولزم ايدي.

لويت شفتي بعبوس.وانتي كعدتيني.

انوب بسرعه بتسمت.بس جان حلم من اجمل الاحلام. الي شفتهن.

بتسمت ماما. وحجت.والله ييمه مااعرف..بس حلم كلش حلو ويطمن.

بتسمت...وتنهدت.

كمت واني احس فرحانه كلش.

منو الي جاني.وليش هالنور الي بوجهه.وهل اني مميزه.لو هوايه ناس شافته.

ضليت حسبه تجيني وحسبه تاخذنه.

كمت هم توضيت ورجعت صليت صلاه المغرب.

عاد كمت بفرح دخلت لماما بالمطبخ.ووحضرت وياها.

وكمنه نتشاقه.ونضحك.