#.صبر الشيرين.(مكتمله) احلام السعدي.

البارت الثامن

شيرين بقلب يحيى.

للكاتبه احلام السعدي.

ـــــــــــــــــــــــــــــــــــــــــــــ
غلتِ الحياةُ فإِن تردْها حرةً كن منُ أباةِ الضيمِ والشجعانِ واقحمْ وزاحمْ واتخذْ لكَ حيزاً تحميه يومَ كريهةٍ وطعانِ.
ـــــــــــــــــــــــــــــــــــــــــــــ

بتسمت بقهر.. يحيى اطلع اريد انام.

يحيى..... افمهيني.خليني احجي.

.... شنو تريد تحجي.راح تكول امي غصبتني. ونجبرت اتزوج مووو.

يحيى.... لاتستنتجين بكيفج. اني مارح اضم عليج شي. وانتي تعرفيني كلش زين من جنه صغار ليهسه اني احجيلج عله كل صغيره وجبيره تصير وياي.

..... شنو عذرك. هسه. عوفني راسي راح ينفجر.

يحيى....مااطلع اله تسمعيني.

لزمت راسي حيل واني احجي بكل عصبيتي.اطلع اطلع مااريد اشوفك اطلع.

هو بسرعه كام من السرير وكال.شبيج يمعوده.خلي احجيلج.وااطلع وااحكمي عليه.

رصيت عله سنوني حيل.اطلع اخ ياراسي.

حسيت راسي حينفجر لزمته حيل.واني انود.وابجي من وجعه.

....راسي.راسي اه.راسي حينفجر.

لزمني من ايدي. ووبعدهن من راسي. شبيج ياربي.شصارلج.

دفعت ايده.ورجعت خليتهن عله راسي.وااحجي راسي.

بجيت بهستيريه.واني احس داتطلع روحي من وره راسي.

عله عياطي.جا بابا وماما.

شافوني.وثنينهم كعدو عالسرير.ويحجون شبيج.

..... راسي.
بابا.....يحيى شبيها.

يحيى...مااعرف  شصارلها فجأه صارت تبجي ولا زمت راسها.

بابا....امشي خلي ناخذها للمستشفى.بسرعه.

ماما... البس عبايتي واجي وياكم.

بابا....بسرعه.

مااسمع شي بعد غير عياطي من راسي.ودوران كلش قوي.حته ماكدرت اكوم من السرير.

لزمني بابا.ويحيى.ودخلوني للحمام.غسلوني شويه بمي .وطلعوني.

بسرعه بابا شالني.وطلعني بالسياره.

وماما صعدت ويايه.وبابا ويحيى ليكدام.

وصلنه للمستشفى....ورجع بابا شالني.

ودخلني بغرفه.

باوعت  جا دكتور ويفحصني.

جطلني عالسرير.ونطاني ابره.

كام يتحس راسي وكصتي  كلها صارت عرك.

عاد شويه وهديت.وماحست بعد عله نفسي.