#.صبر الشيرين.(مكتمله) احلام السعدي.

البارت الرابع

شيرين بقلب ييحيى.

ـــــــــــــــــــــــــــــــــــــــــــــ

أرى الناسَ يَهْوَوْنَ الخلاصَ من الردى وتكملةُ المخلوقِ طولُ عناءِ ويستقبحونَ القتلَ والقتلُ راحةٌ وأتعبُ ميتٍ من يموتُ بداءِ.

ـــــــــــــــــــــــــــــــــــــــــــــ

بعد ماسديت الباب. كعدت عالسرير.. وطلعت مو بايلي. باوعت اكو رساله..

فتحت الرساله...ونصدمت.

هذا اكيد شخص مجنون والله مجنون.

الرساله مكتوب بيها..بعد ٣ ايام زواجي.واتمنى تقبلين دعوتي وتجين.

كلبي نعصر..لهلكد مستحقرني.

ليش ياسر ليش.ليش هيج تسوي بيه..اني مو زعلانه عالزواجه ابدا..والله مو زعلانه.
الزعلانه منه هو يستحقرني ويريدني اجي لعرسه..

طيب....مثل متريد.

كتبت بالرساله.طيب انشالله اجي..واكون اول الموجودين.

دزيتها للرساله.

ضليت صافنه..ياربي هم اكو بشر مثله.

ذبيت موبايلي.موبايلي جان نوكيا القديم.

تغطيت.وخليت دبدوب بحضني ونمت.بس سؤال يطرح باليشبي هذا الدكتور امره عجيب.هو جاي يريد يشوفني.ليش ابد ماباوع عليه..

توني اريد اغفي.كعدت عالصوت التلفون.

تفاجأت....ياسر..شنو يريد.

فتحت الاتصال..هلا ياسر تحتاج شي.

ياسر.....هممم.لا بس حبيت اسمع صوتج.شلونج انتي.

ضليت صافنه.هذا مخبل.شبي..لاول مره من تزوجته ليهسه.هو يسال هذا السؤال.

.....بهدوء..ياسر انت سكران..مو.

ياسر.....لا بطلت منه.واقسمت بعد مااشربه.

الم ثاني عصر كلبي.يعني من ورايه هو شرب.وهسه من طلكني يله قسم بعد مايشربه.لعد شكد اني مكروها ومعقده.

.....احسن ماتشرب.شنو تريد ياسر مني..بليز احجي بسرعه.

ياسر.....انتي صدك تجين للعرس.

....اي اني من صدك حجي.

ياسر.....هااا..طيب..بس..اني جنت اريد ادزها لشخص ثاني ودزيته بالغلط الج.

...ضحكت بستهزاء...ياسر اعرف حركاتك وحفضتهن..بطلهن.خلص احنه تطلكنه..ومايجمعنه شي ثاني...بعد لاتتصل بهذا الرقم.واحضره او امسحه.

سكت.
.... يله باي.

ياسر.... بسرعه.لحضه لحضه.

تنهدت بعصبيه..شنو تريد.

ياسر....اسف.

بتسمت بقهر.ودموع بعيوني..اسف عالشنو.

ياسر.....ادري كلمه اسف..ماراح تطيب جروحج..بس سامحيني. ماجت بوعيي من اضربج والله.