#.صبر الشيرين.(مكتمله) احلام السعدي.

البارت الثالث

شيرين بقلب يحيى.

للكاتبه احلام السعدي.

ـــــــــــــــــــــــــــــــــــــــــــــ
والموتُ حقٌ ولكن ليس كل فتىً يبكي عليه إِذا يعروهُ فقدانُ.

ـــــــــــــــــــــــــــــــــــــــــــــ

فتحت عيوني.وكتله خلص.اني اقبل اتزوجه.بس حتندم.حتندم..ومارح اسامحك طول عمري.

بابا....ومنو كلج سامحيني.

غمضت عيوني.والم بكلبي.

مشيت من يمه.وخليت ايدي عله كلبي..ووكفت يم باب غرفتنه.

.....بابا....اني موافقه.

توه دايحجي. سديت الباب.

كعدت بالكاع..وحضنت رجليه حيل واهز بيه.

والله ياعالم مو اني.مو اني الي قتلته.الي صار اني جنت صغيره.

جان عمري ١٠ سنوات.واخويه جان عمره ٧ سنوات.

بابا جان يشتغل ويه صدام حسين.عسكري.

بس مجان  يريد يروح.بس صار تجنيد الزامي.وبابا راح ودخل للعسكريه.

....ماما صار ضرر بالجدار الرحم بولاده  اخويه صلاح.وبعد متكدر تحمل وتجيب مره ثانيه.

احنه جانت حياتنه كلها سعاده.بس جنت  كلش اغار من صلاح لان يحبو اكثر مني.

صح ميقصرون ويايه..بس هو الي محبوب دائما..لان الصغير.

فيوم من الايام..بابا رجع من الدوام.اني وصلاح نكعد بحضنه ونضل نبوس بي.من كد مامشتاقيله.

بابا راح من غرفته كال اريد اصلي.

اني جنت اباوع عالتلفزيون.تلفزيونه.جان مستحلي كله  صدام حسين وحفلاته. بس اكو اوقات  يطلعون بي كارتون او رياضه.

فسمعت صوت كتله صلاح انت شداتلعب.

جيت يمه..باوعت شايل مسدس بابا.

كتله....تره اروح اكله لبابا..انو صلاح يلعب بالمسدس.

دااخذه منه...بس ماقبل.

جان يهز بجتفه.ويخلي وره ضهره.

لزمته حيل.وهو صار يعيط..اخذته منه.

هستوني دااندار.اخذه مني.باخذته هاي.لزم الزناد.وضرب.

اول مشفت الدم.اخذت المسدس..واني مصدومه.

وارجف..احس نشليت..جنت بس اباوع عليه واحجي بصوت ناصي.صلاح.صلاح.

نفتحت الباب وجوي ركض ماما وبابا.وجان يحيى موجود يمنه.

بابا ضربني حيل وكال شسويتي.واني ساكته.

هو يضرب بيه..واني بس فاحه من البجي وارجف.مااجنت حته اكدر انطق.حته اتذكر سويتها عله نفسي.