#.صبر الشيرين.(مكتمله) احلام السعدي.

البارت التاسع

شيرين بقلب يحيى.

ـــــــــــــــــــــــــــــــــــــــــــــ

ولو أن الحياةَ تَبْقَىْ لحيٍ لعدَدنا أضَلَّنا الشُّجعانا وإِذا لم يكنْ من الموتِ بدٌ فمن العجزِ أن تموتَ جبانا

ـــــــــــــــــــــــــــــــــــــــــــــ

لاوعت عليه.وكالت اهدي يمه اهدي.يمكن اول مره تجين مو.

حجيت واني اشهك.اي والله اول مره.

مره..يمه صيري سباعيه..اني راح الزم عبايتج.وانتي دخلي بينهن.ولا تنزلين راسج ابد..لان يخنكوج.ولاتدفعين لان هنه هم يختنكن.بس امشي.وكوليله للامام الحسين يسهل عليج.وتلزمين شباكه.

عاد سويت مثل ماطلبت.واني دموعي تجري.وابجي.واكله دخيلك ياابو السجاد دخيلك.اول مره ازورك..خليني الزم شباكك.

عاد فتت بسرعه ولزمت شباكه وقربت يمه.

لزمته وبوسته واني ابجي..والكه..اني نخيتك.واول مره ازورك.ساعدني ياسيد الشهداء.ساعدني بامري.ولاتخليني حايره.ومااعرف اتصرف.فرج همي ويسر امري.احلفك دموع زينب علي.احميني واحمي عائلتي ويحيى وعائلته.وريحني من كل الهموم.ودخل بكلبي السرور.ونور طريقي بالايمان.

جنت ابجي بحركه..واني اباوع عله شباكه.والناس ملختني من ضهري.هاي الي تلزمني من ضهري وثانيه الي لزمت ايدي حيل وتريد توخرني.

شويه دااريد اطلع. باوعت ياربي شلون اطلع.
حجيت الحسين وياج. اطلعي.

مشيت عكس الاتجاه وطلعت.

عاد شويه هديت.باوعت. مو نفس المكان الي جنت بي. وييني اني.. ياربي..

باوعت عله شباكه. وحجيت دخيلك يا سيد الشهداء.

ضليت شويه افتر. واني مداالكه الباب الصحيحه.بعدين تذكرت اني جنت  يم بابا اسمها ام البنين.

باوعت مره كتلها عفيه وديني لباب ام البنين.

باوعت عليه ولزمتني واخذتني.

وصلتني الها. تشكرتها.ودخلت بيها.

باوعت المره وبناتها.

بتسمت وفرحت.

كالتلي وين رحتي.

..... ماادري طلعت من غير باب.

بتسمتلي وكالت هاج يمه اني افوت اني وبناتيي يزورن.

وره خمس دقايق لكيتهن يمي.
..
كتلها شلون ادعي واحجيله.همومي..وحجتلي ادعي اي شي من القلب.وحلفي بدموع زينب.

عاد  شويه لبست عبايتي.وكلسا اعثر بيها. كالتلي اهيج البسيها.ولبستها  وطلعنه.

ضليت اتنا يحيى.شوكت يجي.بس ماكو.