كعدت ممن صبح انضف واسوي غده صدك نسيت اكولكم اني حامل مره ثانيه البارحه كلت لعلي وممصدك ايكول مسويتلي مقلب
دك الباب وركضت افتح
علي: بحضنه يا هلا بروحي
لينا:واني ابادله الحضن شلونك
علي: بخيرر وين حسوني
لينا:جوه تعال
دخل حضن حسين وكعده بحضنه واني رحت اسوي الغده
اتغدينه وره الغده نام حسين واحنه كعدنه نسولف
علي:عود صدك حامل
لينا:ايي والله شبيك
علي؛ مو انتي متريدين اطفال واشوفج فرحانه كلت اتريد اتمقبلني
لينا:هه لا ولله حامل شبيك
علي: خير انشالله كلتلي لااهل
لينا:اي حبيبي كلتلهم لبارحه
مر اليوم طبيعي ثاني يوم رحنه اشترينه غرفه لحسين وره كم يوم وصلت حسين كلش فرحان بيهه دا اعزل بالغرفه وعلي يمي دك تلفون علي ويا ريته ما دك
علي:الوو
جواد:علي منو يمك
علي: لينا بس
جواد ؛لا تسمعهه عمي ابو لينا انطاك عمره
علي: ججج جاي
لينا:خير علي شكو حبيبي
علي: لبسي وامشي انروح ل بيت اهلي يردوج
لينا:ليش صاير شي
علي: امشي بسرعه
لينا(وصليت لبيت جدي وشفت نفس الي شفته ب وفاء جدي بس هالمره امي وياهم يعني اكيد ابويه بس شفت امي ركضت لحضنهه واغمي علي وخلص العزه واني ما حضرته ضليت بالمستشفى آخر يوم طلعت وحالتي جانت بالضيم الاطباء حذرو أهلي كالو اذا اتضل هيج بدون اكل وشرب وبهل حاله نخسر الطفل ضليت اشهر على هل حاله كئيبه وحالتي حاله الحمل اذاني
اسرع الاحداث شويه مر كم شهر على وفاء ابويه يعني اني بالثامن من حملي مضل شي واجيب ابني عمره ٤ سنين ومرتاحه بحياتي الف الحمدالله طلعت من جو الكئابه بعد وفاء ابويه علي بشغله وماما يمي
ام لينا: اليوم يرجع رجليج
لينا: ايي ماما اليوم يرجع انشالله
ام لينا؛ اني راح اروح عيب يجي ويلكاني هنا
لينا ؛ ليش ماما ترى علي ما يحجي
ام لينا ؛ لا حبيبتي ما ياخذ راحتهه وهو راجع من تعب
لينا؛براحتچ بس خلصي وياي الشغل لان ما اكدر وحدي
ام لينا : ماشي ماما
لينا:طلعت ماما وضليت انتضرت علي لحد ليل وما اجه كلش خفت عليه ماكو اختفه ادك وميرد هو دك صبح وكال اني عل غده يمج ل ١٠ بليل انتصر وهو ماكو فجئه ندكت لباب ركضت افتح شفت فهد
لينا:هلو فهد جيت بوقتك علي من صبح كال راح اجي ولحد هسه ماكو
فهد :ايي أعرف هو خابرني وكال اخذج لبيتنه لحد ميرجع
لينا : لا محتاج هسه اخابر امي هي صبح راحت عبالهه يجي علي
فهد: لا خيتي علي وصاني كال لازم اتروح ماكدر اعوفج
لينا:فهد لتخبلني شكوو علي شبي
فهد؛ ماكو شي بس صارت عدنه مشكله ويه عشيره ثانيه وصار بيها رمي واخاف اعوفج هنا وحدج
لينا: وعلي وين
فهد:خيتي تعالي وياي اخاف احد منهم يجي واني وحدي ما اكدر احميكم
لينا؛ طلعنه وصلنه للبيت الولد مسلحه وعلي وجواد ماكو سئلت الكل عن علي محد ايجاوب اخذتني بيبي لغرفتها
لينا: وين علي بيبي فدوه وينه كولي
ام محمد: هسه يجي يا امي
لينا: لا بيبي الكل هنا وكلهه مسلحه واكفه وين عمي ولولد
ام محمد: علي وابو تصوبو وجواد وياهم بالمستشفى
لينا بصبحه: شنوو بيبي شتحجين وين علي هسه اخذيني لعلي فدوه وديني عليه
ام محمد وهي اسكتهه:يمي علي مبي شي والله يمي هو اصابته مو خطره وطلع مبي شي
لينا(كاعده وحالتي بالضيم كاعده انتضر و خايفه عليه مضلي شي بهالدنيا غيره )
وره ساعات اجه فهد و علي مصوب برجله وجتفه تلكينا ودخلنا كال عمي وضعه مستقر و باجر يطلع بوقتهه عرفت قيمه علي وحلفت ما ازعله ولا اغثه بيوم لان هو الوحيد الي راح يسترني ويحافض علي هو سندي
علي: حبيبي اتحملي دقايق ونوصل المستشفى
لينا:علي بعد ما تكدر راح اموت فدوه لحكلي عليييي
علي: هسه يروحي وصلنه بس خلي اخابر امج
أم لينا: هلا يمه علي خوما اكوو شي
علي: خاله لينا راح تولد اني بالطريق لمستشفى...... لحكيني
ام لينا: اخذتو اغراض للطفل والهه
علي: ايي هي محضره كلشي
نص ساعه
ام لينا ؛ هلا يمه وينهه
علي:اخذوهه جوه واسمع بس صوته
ام لينا: هسه تكوم بالسلامه يمه هدي قابل اول مره
علي: بس خاله هالمره حيل اتاذت
ام لينا:الله كريم الله يكومه بالسلامه وين حسوني
علي: جبته وياي وضل جوه اجه فهد اخذه هسه ايوصله للبيت ويجيب امي
ام لينا؛سوده عليه اتعلعلت اليوم
علي:كله يهون بس اتكول لولو بالسلامه
ام لينا: انشالله
علي(ساعه واجت الممرضه كالتلنه انو جابت وهي والطفل بخير شويه وجابوهه بين النايمه والكاعده مبنجه نص بنج لان عده تحسس بصدرهه فما بنجوهه بنج كامل خليتهه على راحتهه نامت شويه وعمتي هم نامت رحت شفت الطفله بالخدج من بعيد شكلهه ايخبل نصخه من امهه صعدت لغرفه لكيت لينا كاعده)
لينا (كعدت من نومي لكيت امي نايمه حاولت اكوم رجلي شبه مشلوله شويه واجه علي )
علي؛ الحمدالله على سلامتج حبيبتي
لينا:لله يسمج وين طفله
علي:بالخدج شوي وتجي
لينا؛ مجاي اكدر احرك رجلي كومني للحمام(اخذني لاحمام وكعدت وياي امي غسلت وطلعت ساعه وجابو لبنبه شكلهه تحفه تخبل علي شاياهه وممصدك ثاني يوم كملت اجرائات الخروج وطلعت من المستشفى سميت لبنيه👧🏼(منى) تلكونه بيت عمي محضرين ذبحه مثل عوايدهم من تدخل الجايبه ايذبحون ذبيحه
ذبحوهه جوه رجلي وعلي اخذ دم وحط بجبهتي وبجبهه الطفله للعصر الكل راح بس امي ضلت عندي سبوع ورحت امي رجعت للموصل كلمت حياتي اني وعلي واطفالي علي وحسين ومنى عوضوني عن كل مشكله صارت بحياتي وعن كل دمعه نزلت من عيني الله لا يحرمني منهم وبخصوص أهلي فبنضري الي ربوني وما حرموني من شي ودللوني هم أهلي ام امي الي ولدتني وابويه فهم تخلو عني الله يسامحهم ويسكنهم فسلح جناتته
اليوم ابني حسين راح يدخل مدرسه
وبنتي منى عمرهه سنتين ونص وكحه نارر مخبلتني وعلي ما يقبل احاجيهه مخبهه بدلاله احنه طلعنه من بغداد وسكنه ب اربيل لان علي هناك شغله وفتح مشروع ثاني هناك حياتي كلش مستقره الحمدالله
العبره من القصه انو مشاعرنا لبارحه مو نفسها اليوم وتختلف عن مشاعرنا باجر الي جنت احبه لبارحه يمكن ما نحبه اليوم ويمكن نحبه اكثر باجر كلشي مرتبط بلي يقدمه هو من افعال وردود لافعالنه تخلي يثبت انو يستحق أو لا
لينا مجانت راغبه علي بس من كثر افعاله الزينه وياهه ومعاملته صارت ما تعيش بدونه واهلهه الحقيقين الي ميتعوضون من انطوهه ونسوهه
عاشت بدونهم ولاكانوا جانو موجودين هذا هي الدنيا♥️♥️♥️♥️♥️♥️♥️♥️♥️♥️♥️♥️
هاي جانت نهايه اتمنه اتكون عجبتكم هي بسيطه بس يمكن من خلال السرد مراح تعجب البغض اتمنه تعجبكم وشكراً ☺☺️☺️☺️☺️☺️
