كعدت صبح على صوت صيحه ولباب تندك حسيتهه حتنكسر ولبيت كوله عياط مكدرت اكوم من الخوف كل الي اجه أبالي ابويه صار بي شي كوه كمت وبدون وعي رحت لغرفه ابويه شفته مبي شي كعدت يمه وصرت ابجي حتى قبل لا أعرف اي شي اول ليش هالصياح اني ابجي بخوف واكوله شكو ليش يبجون وهو يجبي ما يكدر ينطق بشي من صدمه طلعت من عند ابويه وشفت جدي امدد بالصاله والكول فوكه يلطمون ويصيحون اول مره اشوف أهلي بهالحله كل واحد كاعد بزاويه من لبيت وعيونه مليانه دموع عماتي وعمي ملتمين فوك جدي وبيبي حاطه راسه بحضنهه وتبجي شفت الصدمه والقهر بعيون الكل هل أحداث متروح من بالي وناس تجي جواربن واقارب واحنه على وضعنه متحركه شويه شويه بدت تكثر لناس اخذو جدي وراحو يكملون مراسيم الغسل وتكفين احنه بهل وقت جهزنه لبيت لبسنه الاسود انقهرت كلش على ابويه بسبب وضعه مكدر يروح وياهم جابو جدي مره ثاني للبيت وهاي آخر مره ☹للاسف الحمدالله على كل حال رجعو اخذو وراحو يدفنو العشيره كولهه راحت وراحو كم مره من عدنه ولباقي ضلو يجهزون للفاتحه رجعو العصر كلش التعب ماكلهم كعدو شويه يبجون ويذكرون جدي وسوالف كل ركن بالبيت اله قصه ويه جدي صح مجنت اكتب عنه بس جان اله دور جبير بحياتي جان كلش ايحبني وبوجوده محد يكدر ياذيني جدي جان عامود لبيت اليوم شفت كل مكان للبيت يبجي خسراتنه جبيره ومتتعوض
ابدت الناس تروح والاهل كاعدين ابويه كلش تعبانه وجهه اصفر من صبح مماكل ش اتوسلت بي مقبل ياكل سويت اكل وحاولت وياهم محد يقبل ياكل بلكوه قنعت ابويه علمود علاجه انطيته علاجه وصعدت
صعد علي دخل الغرفه جنت كاعده عل جربتيه ذب شماغه وكعد يمي بدون حجي حط راسه بحضني وبده يبجي اول مره بحياتي اشوفه بهيج حاله طول اليوم هو وياهم ويصبر بيهم بس وضعه هسه كلش صعب 😭
علي:راح الي جان ينصحني ويوكف بضهري بوقت كول اتصير الدنيا ضدي
لينا: (ما أعرف شنو اكوله وشلون اهدي صح هو جدي مثل ما هو جده بس هو جان اقرب ل علي وجواد اكثر من الكل جنت بس ابجي وهوو وياي لحد ما نمت ) على نفس الأحداث ونفس الحاله مرت فتره حملي
علي:مرت فتره حمل لينا على خير وجابت وبدخلت الطفل عل بيت رجعت لفرحه نوع ما عل بيت سمينا (حسين) مثل ما جانت جدي يريد من جنت طفل واني اكوله اول ولد اسمي ليث وهو ايكول غصبن عليك اسمي حسين
لينا شويه تعبانه هل فتره اول ايام ولاده واشوفهه تتوجع كلش خايف عليهه بس فرحان بابني صرت اب شعور مينوصف
لينا راح اختصر الأحداث لان كلشي بهالفتره طبيعي مرت تقريباً سنتين طفلي هسه عمره سنه سبع اشهر كول الي ايشوفه ايكول يشبه علي كلش هاده ومحبوب عيونه لونهه رصاصي على ازرك هذا الشي الوحيد الي ما خذه مني ومابقي تفاصيله علي
بابا حالته للاسوه يوم بعد يوم
حارث صارت كلش حباب وياي ما عرف ليش بس صار ايدافعلي اذا احد ضوجني ومعاملته كلش حلوه وياي حتى احسن من معاملته وي خواتي هديل وهيفاء على طاري خواتي فهد خطب هديل وهيفاء تزوجت ابن جيرانه
خاله ام جواد بعدهه مثل ما هيه بس هسه طالعتلي بموال جديد اتريد لتزوج علي ههه وكل يوم جايته تكوله على وحده شكل
بيبي أم محمد تعبت بعد وفات جدي والحزن مله كلبهه وحياتهه
جواد وساره صار عدهم طفل ثاني بنوته سموهه فاطمه
البقيه نفس وضعهم
نسيت اكولكم اني صح تخرجت من السادس بس مقدمت على كليه علمود ابني كلت يكبر واقدم وضليت اجل
علي اليوم ينزل من شغل مشتاقتتله كولش
اجه و
علي:نزلت من شغلي فتت للبيت رحت لبيبي احب راسهه واسلم عليهه يمهه هديل وساره سلمت عليهم سئلت على امي كالو بالسوك رحت على عمي وابويه سلمت عليهم وصعدت لغرفتي شفت حسوني يركض وكوله ماي شارد من الحمام وامه ورا تلكوني بفرحه هذوله فرحتي بالدنيا مثل كل مره من ارجع تلكتني لينا ب حضن هي وحسوني كتلهه جوعان اخذت حسوني اتنشغه وهي اتكولي
لينا؛صار بين متسبح ابدله واسوي عده
علي؛ بس بسرعه ترى ابويه ينتضرني عندي حجي ويا
لينا: ثوان
طلع من حمام اتغده ونزل يحاجي عمي
علي: يابه اني كدرت اسدد ديون لبيت وجمعت مبلغ مرتب وشغلي بالسيارات وضيفتي الحمدالله
ابو جواد: خير انشالله الله يزيدك بس شنو لازمه هل حجي
علي: يابه اني بعد ما احتاج اجار لبيت واني اريد استقر واكعد بيت وحدي راح اسكن بي بعد اذنك
ابو جواد :شنوو انت لو اتخبلت لو مرتك هل لقيطه فرت راسك
ابو لينا: خويه شهل حجي احشم وجودي ولا تحجي على بنتي وبين ابنك ما غلطان
ابو جواد: بنتك هاي سوالفهه هي الي اتريد اتبعد ابني عني
علي: يابه محد اله دخل اني اريد استقر اني اليرايد اطلع مو احد ومرتي متعرف بالموضوع اصلاً
ابو جواد: والله والله ورحمت ابويه اتبره منك اذا عزلت
علي: عفتهم وصعدت نمت ما اريد أحاجي احد
لينا: حبيبي شبيك نزلت مبيك شي ليش ضايج
على: لينا فدوه اخذي ابنج ونزلي تعبان واريد انام
لينا: صار
نزلت اتلكتني خالتي ام جواد مو درج تصيح اتكول انتي الي لعبتي بعقله كلتي شفتي عنده بيت تردي يعزل ما أعرف شكو وشنو صارير كامت تصيح وتهدد اجت بيبي اخذتني اني و حسوني لغرفه تعبت منهم من مشاكلهم نمت بحضنهه وابني بحضني وضليت ابجي شويه وطلعت من غرفتهه لازم ابلش اسوي غده اني وساره وعرفت منهه انوو علي محاجي عمي حتى نطلع بيت وحدنه كملت عشه وحطينه وكعدنه ناكل مثل كل يوم حطيت سفره وكعدو كعد علي وحسوني بحضنه اني رحت جبت ابويه مثل كل يوم حتى ياكل ويانه كعدت ابويه وكعدت وصاح عمي
ابو جواد: كومي انتي مالج كعده ويانه
حارث:خير عمي شصاير
ام محمد: شبيك وياهه
لينا: (اني كمت بدون صوت وطلعت لان أعرف لسبب وعلي اخذ حسين وطلع من لبيت)
ابو جواد: هاي الي لعبت بعقل ابني وكام يدور عزال
ام محمد: لينا مالهه دخل لولد حاجاتي واني كتله كول لبوك لينا متعرف شي واذا اتعاملهم هيج راح يطلع من شورك
وكامت من الاكل لغرفتهه
مر كم يوم واني مو اكل وياهم ولا اختلط اذا عمي موجود كلش تعبت بهل فتره محبوسه بغرفتي وعلي ضايج كلش راح يلتحق راح اضل وحدي وراح يطلعون روحي ورا روحته
علي: كلبي انتي لا تخلين احد يضوجج عوفيهم ويشسمعون لا تهتمين لحجيهم ماشي
لينا: احبك
علي:ههه يا روحي صاير جريئة وتعبر عن مشاعرهه فدوه
لينا(تحق علي ونزل أهله هدو شوي واصلاً اني اتعودت على معاملتهم وعيشتهم صرت حالي حالهم حتى دراستي هم نسيتهه صار كل همي اربي طفلي واحافض على بيتي
وهم رجعت الايام تمشي وحياتي صارت طبيعه نسو الموضوع بس علي منسه وضل ايحاول يقنع بيهم بس بدون فايده بالاخير قرر
قرر يطلع من لبيت رضو أو مرضو لان الكل وكف ويانه حتى ابو بس امه هسه معارضه وكالوله اطلع بالاخير راح توافق وفعلن بدينه نجهز بالبيت ونشتري اثاث خلصنه كلشي لبارحه هم بالزياره نقلنه ملابسنه واغراضنه اليوم يجون وأنشالله راح انكوللهم على كل شي ونطلع 🥴🥴🥺
من هسه خايفه شكد راح اترزل واحتمال انكتل من امه 😂😂😂
رجعو من زياره وتغدو وكعدنه مثل كل يوم فاتحنهه بالموضوع لمن شافت الكل ويانه مكدرت تحجي شي ثاني يوم صبح انتقلنه لبيتنه
بيتنه كلش بسيط اول مدتخلون بابين باب الصاله وباب المرر يدخل عل مطبخ و بعدين غرفه وحمام وفوك غرف ٢ بيت كلش بسيط وصغير بس منطقه حلوه
بدت حياتي الجديده بهال بيت عشت احلا ايامي بهذا لبيت جانت حتى امي تجي عندي
الايام الي يلتحق علي بيها تجي امي يمي لان ستقرت ويه خالي ابغداد
مر ٥ اشهر على كعدتي بهذا لبيت اليوم علي ينزل كعدت ممن صبح انضف واسوي غده صدك نسيت اكولكم
بالبارت الجاي اكولكم
للحكايه بقيه
