لينا : علي علي عفيه اكعد راح نتخر عل مستشفى
علي: كعدت انتِ ليش ملابسه ملابس المدرسه
لينا: ما اداوم اروح وياكم بابا محتاجني ماكدر اعوفه
علي : ماعندج امتحان
لينا:لا ماعندي
علي: اوك يلا خلي نتريك ونطلع
رحنه للمستشفى ابويه سوه غسل كله ورجعنه للبيت كلش تعبان نام وضلينه اني وعلي كاعدين
بعد ٣ أيام
علي : يلا عمي اني نازل لبغداد محتاج شي
ابو لينا : سلامتك وليدي
علي : وانتِ بنت عمي محتاجه شي
لينا: لا سلامتك ترجع بالسلامه
علي: الله يسلمج اودعناكم
لينا: راح علي لبغداد واني ضليت من لبيت المدرسه حياتي كلهه روتين لحد اليوم الي اجت بي امي لاربيل هي وزوجه واجت لبيتنه حتى تشوفني بس ابويه رفض ومخلاهه اشوفني صار اصياح بينهم واني جنت جايه من المدرسه وسمعت كلشي 😢
ام لينا : اريد اشوف لينا انت لا تتدخل
ابو لينا : لينا مو بنتج وما تشوفيهه
ام لينا : بس اني ربيتهه ميصير تحرمني منها
ابو لينا : انتي عفتيها ورحتي اتزوجتي انسيها
ام لينا: لا تمثل دور الاب انت مو ابوهه
🤤🤤
لينا : شنو شتحجون اني بنت منو اذا انتو مو اهلي وين اهلي
ابو لينا : بابا معليج بحجيهه اني ابوج
ام لينا : بنيتي أني مو قصدي انتي بني
لينا : جذب اتجذبون عليه اني مو بتكم
ودخلت غرفتهه وقفلت الباب عليهه حاولو يحاجوهه بس هي مقبلت تحاجي احد ضلت يوم كامل تبجي وحده
لحد ما اجه علي من بغداد حاجاهه
علي : لينا اني علي فتحي الباب
لينا : علي لو تعرف شصار علي اني مو بتهم علي فدوه منو اهلي اني ماعندي اهل
علي: لا تكولين هيج احنه اهلج
لينا : علي فدوه منو اهلي
علي : عمي احمد ابوج 😔😔
لينا : يعني اني يتيمه انتشلون عرفت
علي: هذا الموضوع طويل بعيده نحجي هسه كومي اطلعي عمي ضال باله عليج
لينا: ماريد طلع اريد انام
وفتره طلعت من الغرفه بس طلعت لينا ثانيه منهاره مكسوره متحب تحجي ويه احد بس علي
ضلت هيج فتره وبعدين رجع الوضع طبيعي ولينا عرفت منو اهلهه وعرفت انو ميتين
لينا : بابا وضعه تعب كلش وسمعنه اكو أطباء من الخارج جايين لبغداد
اخذت اجازه من المدرسه رحنه اني وابويه لبغداد وكعدن ابيت جدي فتره العلاج بيت جدي جبير وكل العائله عايشه بي بس عيشه كلش صعبه كلشي ممنوع على اي شي ايدققون حتى على لبسي وحارث مصدك نفسه اخويه كلش حشري ومزعج اليوم راح ايروح ابوه للدكتور وردت تروح بس
حارث : لينا وين
لينا: وياكم غير
حارث: وين وين ماعنده بنات تطلع اكعدي وبعدين شلون اطلعين بلبسج هذا
لينا: شبي لبسي
حارث : ماكو روحه ولبسج هذا بعد لا تلبسي ترى اذبحج
لينا : انت كلشي عندك بالضرب والذبح شبيك همجي
حارث : نجبي لج بنت المصلاويه
لينا : شبيهه المصلاويه
جواد : حارث شبيك حاط عقلك بعقل جاهل لينا يلا جوه ماكو روحه
لينا:😔😔
ام محمد : تعاي بيبي معليج بي
لينا: بيبي ليش أيكرهون امي
ام محمد : بنيتي هم ايضوجون منها لان عافت ابوج وتزوجت عوفيهه معليج بيهم لازم تتعودين
لينا : اوفف شوكت نرجع لاربيل مات هنا
ام محمد : راح اضلون وهنا بعد مترجعون
لينا : شنو منو كال لوش نبقه
ام محمد : بنتي جدج كال بعد ماخلي ابني يبعد عني
لينا : بس اني حياتي هنا صديقاي ومدرستي
ام محمد : عود نقلج هنا وصديقات هنا هم اكو
لينا : لا يجي ابويه واحاجي وين هنا
رجع بابا من الدكتور وكالوا حالته كولش تعبانه
لينا: شلونك بابا
ابو لينا : الحمدالله بنيتي
لينا: بابا صدك راح انعيش اهنا
ابو لينا : ايي بنتي
لينا: بس بابا
ابو لينا قاطعهه : بنتي مابيه حيل حجي روحي نامي
صعدت كعدت وي البنات شويه بعدين نمت
٨:٣٠ ص
لينا: صباح الخير بيبي
ام محمد: هلا بنيتي صباح النور
لينا : ليش مخبوصين شكو
ام محمد : اليوم جايين خطار عماتج ايشوفون ابوج
لينا : هلا بيهن
ام محمد : حضري نفسج راح يجي علي ياخذج لاربيل تجيبين اغراضكم واتسوين نقبل من مدرستج
لينا: شبسرعه بيبي ليش مستعجلين
ام محمد : ما تردين اداومين هاي السنه
لينا : الله كريم
ام محمد: كومي ساعدي خواتج يلا ناس على جيه
لينا : كمت بس هذني مو خواتي بنات عمي
ام محمد : لا خواتج وحارث اخوج
لينا : عوع شلون اخ اني ماعندي اخوان
ام محمد: ماعندج عقل يلا كومي لج
كمت ساعدت البنات وحضرت وصعدت سبحت وبدلت وحضرت جنطتي لان باجر اروح اني وعلي لاربيل اجيب اغراضنا وننقل هنا للاسف 😭
ام محمد الحمد على سلامتك يمه
علي : الله يسلمج بيبي
ابو محمد : هلا وليدي شلونك
علي : الحمدالله شيخ انت شلونك
ابو محمد : الحمدالله
علي : هلا بخويي
جواد: هلا بيك
سلم على الكل وعلى عماتي وضلو كاعدين اني صعدت غرفتي ما احب اكعد يمهم بليل فرغ لبيت اجن لبنات كالن خلي نطلع نكعد بالحديقه طلعنه لكينه علي وفهد
علي وفهد: هلا والله
هديل وهيفاء ولينا : هلا بيكم
وضلينا انسولف
لينا: علي راح انعيش هنا 😢😢
علي: ادري بس ليش ضايجه
لينا : ماريد مامتعوده عل عيشه هنا كلشي ممنوع ممل ماكدر اضل
علي: الله كريم مجبوره اضلين علمود عمي وهنا اهلج خواتج
لينا : هنا حياتي وخواتي اكدر احاجيهم واجي اشوفهم
فهد : بويه شبيهه عيشتنا ليش ما تعجبج
لينا : مبيها شي انتو متعودين اني ماكدر اضل تحت رحمه حارث
علي: احنا موجودين حارث ماكدر ايسوي شي
لينا: امري ل الله
علي : كومي نامي باجر من صبح نطلع وحارث ويانه
لينا : شنو ليش ويانه
هيفاء: الله يعينج يا خيتي حارث رايح وياج
هديل : شبيكم على ترى حارث حباب اذا تسمعين كلامه
لينا : حارث حباب 🤤🤤
علي: عوفي سوالف كومو نامو باجر من صبح نطلع
٧:٠٠ ص
حارث: لينا علي يلا
لينا : شبيج اجينا
حارث: عدلي اسلوبج لا اخلي السبحه تلعب على ضهرج
لينا : همجي (كلت بكلبي لو سامعني جان لعب سبحه على ضهري )
علي : الله ايعيني عليكم
لينا : رحنا كملنا اجرائات النقل وجبت اغراضنه ورجعنه اني اول مدخلت لبيت صعدت غرفتي نمت من القهر
وره اسبوع رحت المدرسه اول يوم المدرسه حلو ولبنات حبابات بس فتقدت صديقاتي مشت حياتي طبيعي لحد اليوم الي نهه حياتي 😢😭😭
حارث : عمي جايين خطابه على لينا
ابو لينا : ابني لبينه بعدهه صغيره ممفكره بالزواج
حارث : الولد خوش ولد شيخ عشره وحالته زينه يعيشهه احسن عيشه
ابو لينا : انشوف لبنيه والله كريم
حارث : معليك بيها انت كول ايي وهي توافق
ابو لينا : اهم شي لينا توافق
ابو محمد : ابو لينا احنه انريد مصلحته الولد خوش ولد ما يتوفوت
ابو لينا : .........
يا ترا شنو راح ايكون رد ابو لينا 🤔🤔🤔
