كعدت صبح لبيت مخبوص تريكت والصالون لا ٤ اجاني علي اخذنه رحنه للبيت كعدت شويه وبعدهه اجو ايزفونه ياخذونه للمصور وبعدين للفندق
بلطربق جانت الزفه اتخبل رغم اني مرايده هذا الزواج بس فرحت لفرحه علي اشوف مكيف بيه طول الطريق ايبوس بايدي ويكول هذا احله يوم بعمري نزلنه للمصور اخذنه صور و رحنه للبيت كوم عالم ضلينه لل ٧ تعشو و بعدين زفونه للفندق
ثاني يوم كعدت صبح شفت علي نايم صفنت بوجهه بسته من راسه بس محس عليه يمكن بديت احبه 😂😁😂
سبحت وبدلت وصليت وكعدته حتى نرجع
لينا: علي علي
علي: صباح الخير يا حلو
لينا: صباح النور حبيبي 🙊🙊(مدري شلون طلعت مني )
علي: شكلتي عيدي عيدي🤔🤔
لينا : صباح النور
علي:الي وياهه
لينا: مكلت شي كوم نام يلا
علي: اويلي منج
رجعت للبيت تلكونه بذبيحه ومسوين عزيمه اشوف الفرحه بوجوه اهلي وابويه بالاخص هذا الشي ايخليني افرح بس هم ما يخلون فرحتي تكمل ضلت عمتي تحجي ليش سويتي هيج بالعرس وليش مسويتي هيج حتى على بدلتي ومكياجي حجو 😔😔😔
بلكوه خلصت منهم صعدت لغرفتي ارتاح شويه سبحت ونمت حسيت الباب تندك كعدت لكيت علي هم نايم فتحت الباب هيفاء كالت بيبي وعمتي ايصحوج اجو خطار يباركولج اجاك الموت هسه لازم انزل اكعد وياهه واسولف واجاملهم اويللي بدلت ونزلت سلمت عليهم
وكعدت شويه يمهم طلعو ردت اصعد اجت وجبه جديده 🤦🏻♀🤦🏻♀
ضليت اسلم واجامل طلعت روحي صعدت شويه لغرفتي لكيت علي كاعد عل لابتوب
لينا:شدسوي 🤔🤔
علي:ولا شي تعالي انشوف فلم
لبنا:انطيني اشوف (كعدت يمه جرني لحضنه
لينا:شلون تشوف لجهاز بحضني
علي:ذبي وفرغي حضنج الي
لينا:ذبيته بدون ما انطق بحرف خجلني 🙈🙈
ساعتين وخلص لفلم
لينا: اطلع ثاني
علي: لا لا بيش ساعه
لينا:٦ ونص
علي: حبي لازم اطلع ساعه وارجعلج
لينا:الله وياك
طلع علي وره طلعته بربع ساعة دكت لباب هديل كالت عمتي وسن تريدج نزلت تلكتني بصيحه هلا باللعرمه
لينا:صاير شي خاله ليش عرمه اذيتج بشي
عمت لينا : ايي عرمه مثل امج واخذتي
لينا: عمه منو الي اخذته
عمت لينا :علي فريتي عقل الولد مثل نا امج فرت رأس ابوج شفتي ما يكدر ياخذج هناك اجيتي هنا وسويتي سالفه الخطبه انتي واخوج حتى ينهي عليج
لينا: عيني انتي انتو جبتوني هنا غصبن عني وجنتو مخططين اتزوجوني من علي مو صح بيبي
عمت لينا: علي جان رايد بنتي زيتب بس انتي حياله مثل امج واخذتي اتعارك وي أهله قبل جيتج حتى ياخذج سحتري بسلوبج واخذتي حتى اهله ميريدوج
لينا: عمه انتي جايه تباركيني لو تعاركيني
دخل علي سلم وطلع واني لازم الحكه بس مجنت رايده اصعد اعوف تحجي عني بس عمتي مقبلت كالت لحكي
لينا: شعجب متخرت
علي:تعالي شوفي شجبتلج
لينا : انطاني علبه فتحته بيها كلاده مكتوب عليها "لولوتي"
فدوه اتخبل
علي:تعالي البسج
لينا : لبسني وباسني من ركبتي جسمي رجف سحبت نفسي وكتله علي ليش خطبتني
علي:؟ شهل سوال اني احبج ونهيت عليج
لينا: و زينب بنت عمتي شنو
علي: منو كلج
لينا: ليش تسئل اني اريد أعرف هي شنو وشنو قصه انو اهلك مرايديني
علي:سدي الموضوع كافي اهم شي اني رايدج
لينا: وزينب شنو
علي:رادو اخذهه بس اني جنت احبج
مر شهر علي زواجي جنت كلش مريضه وتعبانه خلصت شغل وصعدت انام علي نايم نمت حده جرني لحضنه حاولت اكوم مخلاني لصبح واني بحضنه وميقبل اسحب نفسي لعبت نفسي وروحي طالعه كمت كام ورايه فات من يمي وراد يبوسني سحبت نفسي ضاج وخرت مني جر ايدي وكلي
علي:شفتيني احبج ونهيت عليج ادور رضاج كمتي تتغلين لاكن الا الكرمه الا الكرمه يا لينا
طلع وعافني
لحد ليل وهو ماكو بليل اجه فهد كال علي ايريد ملابس واغراضه حتى يلتحق ومحتاج كم شغله خابري ايكولج كمت من الاكل وصعدت احضرر جنطته خابرت وميرد دز رساله كاتب بيها شنو محتاج
حضرت لجنطه وكلشي ونزلتهه لكيتهم مخلصين عشه غسلت مواعين وصعدت انام صبح كعدت دايخه مثل عادتي بس هالمره ماكدر احترك نزلت اسوي ريوك دخت محسيت غير على فهد وهو يضرب بخدي ويذب مي صحصحت اخذتني خالتي تسئلني شبيج كتلهه دايخه ونفسي تلعب وو كالت لبسي انحلل يمكن حامل
خابرت وميرد دزيت رساله كتبتله اني مريضه وراح اروح لصديليه اني وخاله مارد طلعت اني وخالتي(خالتي هي نفسهه عمتي أم جواد بس اني اكول خاله 🤦🏻♀ ) رحنه للمخبر حللت وطلعت حامل صارلي سبوعين 🥳
رجعنه وخالتي مخلت واحد ما كالتله رادت تخابر علي بيبي كلتلهه خلي مرته تبشره كتلهه ماكو فرق انتي خابري كملت شغلي وصعدت لغرفتي لكيت مكالمات من علي خابرتعلي:صحيح الي سمعته
لينا:ايي والله واني اسفه ضوجتك بس
علي:شكد صارلج
لينا:سبوعين
علي:ديري بالج على نفسج باي
رجع وره ايام شفته وركضت لحضنه بوسته خطيه مستغرب بس اني مجنت متعوده عليه اما هسه ف اعشقه ♥️♥️♥️♥️♥️
هو هم حضني و ما حسسني انو زعلان رتاحيت شوي نمت شوي وكعدت اسوي عشه اليوم لبنات و ساره مرت جواد طالعات بس اني بالبيت سويت عشه بين متعشو سويت جاي خلصو صبيت جاي واخذته اللهم غسلت المواعين ورحت كعدت يم ابويه شوي لحد منام صعدت نمت وعلى هل روتين مرت الايام واجه علي دخل للغرفه كالب وجهه حتى سلام ما سلم فات للحمام حضرت ملابسه وكعدت طلع جر ملابس من ايدي لبس ملابسه وطلع محجبت شي محبيت اضغط علي كم يوم وصالحته رجع كل شي طبيعي ومرت ايام حملي
بعد الحمل حياتي اتغيرت للاسوه صارو يهتمون بالطفل وايخنكوني بتصرفاتهم لا اطبين لا اطلعين لا تتحركين اسوي هالشي لا تسوين هالشي احسن نفسي عايشه بسجن لو ما ابويه وعلي جان متت من عيشتهم
اليوم ينزل علي من شغل كلش مشتاقتتله وجوده وياي ايخلي حياتي احلا 🤣🤣
كعدت من صبح نضفت وحضرت نفسي اجه علي اتغده ونام ومن كعد اخذني للدكتور علي ميقبل اشوفه جنس الطفل بس اني اريد أعرف حتى احضر اغراض هذا اكثر شي متحمستله هههه😂😂
طلعنه واجت ويانه امه لان علي ميدخل وياي ميقبل لان بس نسوان طلع جنس الطفل ولد 👶🏻👶🏻
لينا : طلعت من دكتور امه وصلناهه لبيت اخوهه واحنه طلعنه رحنه لمول فترينه وتعشينه واخذنه كم شغله للطفل كوله ازرك علي الي جان مارايد اعرف ولد ولا بنت كام يمشي ويشتري من لفرحه شعور كلش حلو انو حامله روح بداخلي أخذت عشه للبيت ورجعنه فتت للبيت كلش تعبانه انطيتهم الاكل وصعدت نمت حتى محسيت على علي شوكت دخل ونام من تعب 😴😴
كعدت على صوت صيحه ولباب تندك حسيتهه حتنكسر ولبيت كوله عياط مكدرت اكوم من الخوف
للحكايه بقيه
