#حطيتك_فعيوني
🌹للكاتبه زهور جمال الدين 🌹🌷
🌿🌲🌲الحلقه العاشرة 🌲🌲 🌿
قاللها منصور انه بيفوت الاسبوع هدا عارف الناس تجيهم
والاسبوع الجاى بيكلم نورى يبي يجيب اهله
طبعا مباهر قريب طارت من الفرح وين تلقيها عاد
وفى نفس اليوم بعد العصر
اكرام كلمت مباهر قالتلها بيجوكم ماما وخالتى خولة وحناى
وخولة تتصل بنورى تبى تقوله انها بتجى عندهم وهوا ميردش لانه فى اجتماع
-مباهر: ماما المكتب كلمونى وقالولى لازم العاملة احنا نمشو بنفسنا نستلموها
-وردة: كلمى سراج يمشى يجيبها تخافى ابلة نورا توصل وماتلقى حد
-مباهر: سراج رقمه خارج التغطية وهما بيجو بعد ساعه ..نكون انا جبتها وجيت ..
وطلعت مباهر..
كلمها منصور تليفون ..
ردت عليه
-مباهر : الووو
منصور كيف بيتكلم سمع صوتها فالسيارة
-منصور: انتى فالسيارة😳
-مباهر: والله حبيبى كلمتك لقيتك خارج التغطيه
-منصور متعصب ويعيط : انا مقايلك متطلعيش لاى مكان قبل ماتكلمينى ولا
-مباهر: والله حبيبي اضطريت نطلع توة بسرعه لانه جايينا ناس ولازم نكون فالحوش قبل ساعه ..وكلمتك انت خارج التغطية
-منصور: غير روحى توة وبعد ميروحو الناس من حوشكم كلمينى ..تى اقسم بالله ليلتك سودة ..
طبعا بالرغم انه يعيط عليها وحامق..لكن هيا فرحانه وبطير من الفرحه من غيرته عليها..وحرصه الشديد ليها
"كلنا نعرفوه الاحساس هدا صح ولا يابنات هوا يعيط وانتى فرحانه 😁😍"
ومع هدا كملت طريقها للمكتب وخدت العاملة
ووقعت على عقد خدمتها عندهم لمدة شهرين ..
واختارت عاملة تعرف تتكلم عربي
__________________________
نورى كمل الاجتماع ...
ومن التعب مفتحش التليفون ولا شاف المكالمات
خدى تليفونه وشنطه الدبلوماسيه وسكر مكتبه وطلع
🌺🌺🌺🌺
وصلت سعاد ام سرور .. وخولة وامهم لحوش مباهر
فتحتلهم وردة الباب ...لان مباهر مش موجودة
خشو..
حولو عباياتهم وحجابهم ...
وخشو قعمزو عالصالون فالصالة ...
