حطيتك في عيوني 💕

16

#حطيتك_فعيوني

بقلم زهور جمال الدين 🌷

🌺الحلقة السادسة عشر 🌺

-

فالاسبوع الاخير من رمضان..

حست سلمى ان مباهر متغيرة

مش غير معاها هيا بس  .. حتى مع منصور ..

بدت عصبيه هلبا واللى تاكله ترجعه ..

-سلمى مبتسمه: بالك حامل يا مباهر

-مباهر: لا درت تحليل وطلعت مش حامل

-سلمى: امالا خيرك

-مباهر عيونها دمعو : مش عارفه مضايقه

-سلمى: خيرك متعاركه مع منصور..

-مباهر: لا والله .. بالعكس

حتى هوا لما لقى مفيش حمل قالى لازم نرفعك للعيادة نشوفو خيرك

-سلمى: باهى وانتى خيرك شن صاير معاك

-مباهر: مافى شى.. مضايق من نفسى وخلاص وخاطرى نبكى

-سلمى : ماضايقيش روحك حبيبتى..وراس رورو ماتطلعى الا حامل ..

الحمل الاول مايطلعش من اول تحليل فى اكثر الاحيان 

-مباهر: ياريت والله

وقالتها بغصه..

لان الموضوع هدا متع حالتها النفسيه دايرلها مشكله مع منصور فالفراش

____________

روحو مباهر ومنصور لحوشهم الساعه 2 فالليل

خشو للصالة

حولت مباهر عبايتها وقعمزت مباهر عالصالون ...

لابسه بلوزة زرقا طويلة وبنطلون ادجين

جى منصور قعمز جنبها

-منصور: كل عام وانتى بالف خير حبيبي.. غدوة العيد وكل عام وانتى عيدى

-مباهر تشبحله : قاعد تحبنى

-منصور: وزدت حبيتك اكثر واكثر من الاول

-مباهر: عارفاتك تقول فيه الكلام من ورا قلبك .. وعارفاتك زعلان

-منصور حضنها: والله والله والله مانى زعلان منك  يا كل عمرى

-مباهر: مدامك مش زعلان ليش تعيط عليا امالا

-منصور: عمرى خلى نفهمك حاجة انتى توة مش صغيرة

-مباهر: قول وفهمنى هى

-منصور: جسم الانسان كله هرمونات ..

ومرات الهرمونات هادى هيا اللى تتحكم فى اعصاب  الانسان ..

-مباهر: عارفه

-منصور: يعنى باختصار وبالعربية..

لما نبدا معاك عالسرير وفى قمه العسل ..