حطيتك في عيوني 💕

34

#حطيتك_فعيوني

بقلم زهور جمال الدين 🌷
الحلقة الرابعه والثلاثون
ماقبل الاخيرة

-

سراج : اسمعى انا معش نبيها النسبه الحرفه هادى..

انا قررت نطلق سلمى😳😳😳

وتتلفتله مباهر..اللى فى قلبها حطاته فيه

-مباهر: معقولة وصل بيك الاستهتار لهدرجه يا عديم المسؤليه .. يا عديم المشاعر

-سراج: هدا كله بنديره على خاطرك انا

-مباهر: حاشاه خاطرى من افعالك السودة..اللى تسود الوجه وتحشمه

-سراج: امالا مزال تبينى نقرب منه الخامر هدا ... بعد مادار فيك هكى ..

كانا انتى سكتيله انا منسكتلاش

-مباهر: وانت شن دخلك راجل ومرته ..

وبعتالى بالك انا ساكتتله توة على خاطرك لين انت تتزوج

وبعتالى نعرف انا كيف ناخد حقى

سراج ساكت

ومباهر هدت نفسها حست انها تعصبت ..

-مباهر: اوخي... كانا انت ظلمتنى انا منظلمكش

.. ولا نظلم بنت الناس..يانارى مالاول ارملة وبعتالى مطلقه هلبا عليها هكى 

-سراج : اللى صارلك بسببي كله ..بالك تحسابى هاين عليا

-مباهر: سراج..صارلك زى اللى بيكحلها عماها...

لو انت عندك موضوع مع سلمى هداكة كلام ثانى ..

لكن لو على خاطرى انا.. حاشانى نكون سبب فى تعاسه ناس

انفتح باب الحوش وخش منصور ..جايب فى يده اكياس ..عصاير وفواكه ..

ستادن سراج وطلع روح

________________________

نورى متكى فى سريره ويفكر فى ايمان

قام التليفون وبعتلها رساله " نحبك"

مفيش اجابة منها

بالرغم ايمان قرتها وبكت ..

لكن خلاص فاتحتها انقرت ومعش فيها كيف تتراجع

روح سراج للحوش

-سراج: يااام وين نورى

-وردة : نورى فى داره ..انت وين كنت

-سراج: كنت عند مباهر

-وردة: وكيف حالها

-سراج: كويسه هوينا راجلها ياخد وينقل من السوق

-وردة ربي يهنيها

-سراج: لكن تصدقى يااام متوقعتهاش منك ..

كيف تخلى بنتك تطلع من حوشك وهيا بالحالة هادى

وردة مثقفه هلبا وتعرف كيف ترد