#حطيتك_فعيونى
بقلم زهور جمال الدين 🌷
🌺الحلقة الرابعه عشر🌺
-
كلمها منصور..وطاح فيها عشق وغزل فالتليفون
وهيا عاد من الدلع قريب تسيح
وبعتالى نزلت لخالاتها وعمتها بيحنوها
لان سبرهم يحنو يوم القفه
وثانى يوم ناضت مباهر بيش تمشى للمزينه
وهيا طالعة من دارها تلاقت مع نورى فالممر
ابتسملها
بدت مباهر تبكى بحرارة ..وهيا على سبلة
-نورى جاها : غير خيرها عروستنا
-مباهر تبكى: ادكرت بابا
-نورى حضنها: اششش وانا وين مشيت
-مباهر: صاحباتى كلهم يدخلو فيهم ابهاتهم .. وانا عرسى منغير بابا ..وبدت تبكى
-نورى حاضنها: وبابا نورى وين مشى
سراج سمع صوتهم .. طلع من داره
-سراج: يا سبحان الله الحركات بين خوى نورى واختى مباهر ديما مليانه سينما ودراما حزينه
-مباهر: انت بابا يانورى...
انا بابا منعرفاش توفا وانا عمرى عام .. ولما كان عمرى خمسة سنين انت كنت فالثانوى..معرفتش اب غيرك ..
لكن توة نايضات عليا المواجع وحسيت مكان بابا قداش كبير
طلعت سرور من دار مباهر..
-سرور: مباهر هيا المزينة من بكرى تتصل عطلتى راهو..ومزال بنفوتو عالفيلو ..
-نورى يبي يضحكها : باهى انتى حجزتى جلوة
-مباهر: لا محجزتش ...
-نورى: باهى يوم المحضر شن بتلبسى امالا
-مباهر: لا مش دايرين محضر هما
-نورى: تو معقولة مباهر مديرش محضر
-مباهر تمسح فى خشمها : عادى مش مهم هلبا هوا
-نورى: ايه صدقتك تو زعميتا ماخاطركش فيه
-مباهر: عادى الله غالب شن بندير هى
-نورى : غريبة .. صاحبى مشى بيحجز صاله الهنا يوم السبت ..
فقالت انها محجوزة محضر لزوز اسمهم منصور ومباهر
-مباهر ساكته ومصدومه: مفهمتش😳
-سراج: شنو مفهمتيش واضحه يعنى محضرك غدوة فى صاله الهناء
-سرور : وااااو
وطلعو اكرام ودارين يجرو شنو فى
-سرور: يوم الجمعه محضر مباهر فى صاله الهناء
