جحيم حواء (مكتمله) قيد التعديل

الحلقه (10)

الحلقه العاشره
جحيم حواء
بقلم✍️
Mona salem
في صباح يوم جديد تشرق الشمس تملا كل مكان بالدفئ
في منزل مهره يرن جرس الباب مهره تسرع لتفتح الباب وكانت تعرف من بالباب حيث ابلغتها والدتها ان صديقتها كارما عادت من السفر وعندما فتحت الباب تفاجئت بما رأته ولم تصدق عيناها
مهره /انت
الشخص/مش هتقوليلي اتفضل
مهره/مكانك مش هنا اصل زي منت عارف بيتنا مش قد المقام
حازم/ حرام عليكي انتي كدا بتظلميني طب اسمعيني الاول وبعدين احكمي
مهره /اتفضل
حازم/اوك
ثم استقبلته في غرفه الاستقبال وقدمت له مشروبا من الفاكهه الطازجه
واخذوا يتبادلون اطراف الحديث حيث ان مهره كانت تستمع لكلماته وقلبها يعتصر من الألم التي كانت تشعر به حيث انها لم تتخلص من حبه الي الان
حازم/انا عارف اني مقدرتش اقنع اهلي ان احنا نتجوز بس لازم نحارب علشان نكون مع بعض انا هدافع عنك قصاد اهلي ولازم نتجوز
مهره/متتعبش نفسك لا تدافع ولا تقف جون كل اللي بينا دا ماضي انت مش هتخسر اهلك علشاني وانا مش ارضي بكدا ابدا لازم ننسي كل حاجه وكل واحد فينا يشوف حياته بعيد عن التاني انت حتي معملتش اي محاوله علشان نكون مع بعض انت مجرد ما قالولك اني مش مناسبه ليك صدقت واقتنعت بكلامهم وكأنك كنت مستني اي حد يقولك اي حاجه علشان تسبني انت لو كنت حبتني كنت قدرت تقنع اهلك بيا بس انت حتي محاولتش تثبتلي حبك حازم ارجوك وفر اي كلام عاوز تقوله مبقاش ليه لازمه خلاص اهلك عمرهم ما هيوافقوا علي جوازنا
حازم/طب اديني فرصه اخيره انا مش طالب منك غير فرصه بس هحاول اقنعهم بيكي وان شاء الله خير
مهره/ابعد عني وسبني في حالي ارجوك كفايه اللي حصل والجرح اللي في قلبي بسببك انت انسان ضعيف ومش عندك شخصيه مستقله تقدر تفتح بيت وتكون اسره انت اتولدت وفي بقك معلقه دهب هتعرف ازاي معني التعب والشقي انت بس تعرف تعايريني بفقري ومستوايا الاجتماعي وتكلمني بمنتهي الاحتقار انما تحب وتحافظ علي حبك لا مستحيل انا اللي غلطانه اني حبيتك واتعلقت بيك وقريب قوي هكون لواحد تاني غيرك يقدرني ويحبني ويتقبل مستوايا اللي انت بتستعر منه يابن الاكابر
ياريت تمشي من هنا ومش عاوزه اشوفك لو حتي صدفه ابعد عني بقي كفايه اهانات لحد كدا
ثم تركها وغادر المنزل وهي ظلت تبكي علي حالها
................... .....
امام منزل مهره
نزلت كارما من السياره وصعدت درجات السلم فاصتدمت بشخص كان لا ينظر امامه
كارما/ مش تحاسب ايه مش شايف قدا...... مين حازم ازيك اخبارك ايه...... ايه دا انت بتعيط مالك يا حازم انت ومهره اتخانقتوا ولا ايه حازم حاااازم يا حااااازم
هو ماله مبيردش ليه
انا هطلع اعرف من مهره كل حاجه
سمعت مهره جرس الباب فاعتقدت ان حازم رجع مره اخري فاسرعت لتفتح ثم صرخت مين كااااااارما وحشتيني واحتضنتها كثيرا
اتفضلي يا جزمه كل دا ولسه فاكره تعبريني
كارما /معلش بقي منتي عارفه اني كنت مع بابا في الكويت من ساعه ما ماما ربنا افتكرها
مهره /ربنا يرحمها المهم انتي هتفضلي هنا هتقعدي معايا
كارما /معلش سبيني براحتي انا حجزت في فندق هقعد فيه
مهره /والله ابدا مش هيحصل طب بلاش عندي الشقه اللي قدمنا فاضيه بقالها شهر اسكني فيها احسن من الفندق وكمان تبقي جمبي
كارما خلاص ماشي هروح اجيب حاجتي من الفندق واجي
............................
في مقر الشركه
فارس /الحمد لله المشروع خلص احسن من ما كنا متوقعين انا عاوز اعمل حفله علشان نجاحنا في المشروع وبعدين اسافر علي لندن امضي عقد الصفقه الجديده مع ادورد وسلينا
آياد /خلاص تمام بعد الحفله اجهز نفسي ونروح
فارس/حيلك حيلك تروح فين انت هتترزع هنا تتابع الشغل مهره هي اللي هتسافر معايا
آياد/😉 ودا بردوا يبقي اسموا شغل يا جدع
فارس/آياااااااد اتظبط بدل ما اظبطك
آياد /خلاص يا عم قلبك ابيض بس احب اقولك مهره دي مش سكتك
فارس/متخافش مش زي مانت فاكر انا عاوز اتجوزها مش بفكر فيها غلط
آياد/بجد يا فارس مهره دي بنت زي الجنيه الدهب انا افرح ليك يا صاحبي بس يارب هيا توافق
فارس/متقلقش مش هتاخد في ايدي غلوه هتسلم من اول جوله
آياد /ماشي يا عم الصياد ورينا ابداعاتك بس اراهنك انها هتوديك البحر وترجعك عطشان
فارس/اصبر وانت هتشوف
.............. ...........
عندما اسدل الليل ستائره علي السماء
بعد عده ايام من مقابله حازم لمهره في المنزل كانت تتذكره كل ليله وتظل تبكي علي حالها حيث انها لم تشفي من حبه بعد
سمعت صوت والدتها تكح وتسعل بشده فاكتشفت عندما دخلت حجرتها ان الدواء قد نفذ فاسرعت الي الخارج ولم ترتدي لبس يليق بالخروج بل كانت مرتديه ترينج فنزلت مسرعه الي الصيدليه لتحضر الدواء ولم تنتبه للوقت حيث كانت الساعه الثانيه بعد منتصف الليل
فاشترت الدواء وفي طريقها للمنزل سمعت سياره تصدر اصوات واضواء لجذب انتباهها حيث وجدت بها عده شباب مخمورين وحالتهم ثمله للغايه
فنزل احدي الشباب يدعوها ان تركب معهم ويلهو قليلا معها
صفعته مهره واخذت تجري في الشارع حيث كان خالي من الماره
احدي الشباب جري وراءها وتبعه البقيه
ايهم/ايه يا بت محنا هنديكي اللي انتي عاوزاه
مصطفي/بقولك ايه يا ذياد هات البت دي معانا البت دي تلزمني
ذياد/بصي بقي انتي كدا كدا بتاعتنا النهارده فتيجي معانا من سكات يا حلوه علشان المجهود دا غلط علينا
خالد/هو انت لسه هتقنعها يا ذياد هاتلي البت دي من شعرها يلا
عمار /يلا يا حلوه تعالي بالزوق متبوظيش الدماغ اللي احنا عاملينها
فحاوطوها بعمل حلقه حولها لكي لا تتمكن من الهرب
...........................
قام فارس في منتصف الليل مفزوع فقد راوده كابوس مفزع حيث كان يحلم بمهره وكان حولها حفنه من الذئاب يحاولون التهامها فقام من الغرفه وتجرع بعض الماء ثم خلد للنوم مره اخري
.........................
في صباح اليوم التالي
في مقر الشركه
جاء فارس قبل ميعاد الموظفين ليباشر بعض الاعمال وكان معه آياد
آياد /تمام قوي كدا الحمد لله كله تمام يبقي نعمل الحفله بكرا وبعدها بكام يوم تسافر علشان العقد الجديد
فارس/طول عمرك شغلك مظبوط يا صاحبي المهم كلم مهره خليها تيجي تجبلي ملف صفقه ادوارد وتجبلي القهوه بتاعتي
آياد/ الو ايوه يا انسه مهره هاتي ملف صفقه ادورد وهاتي قهوه فارس باشا معاكي
مهره/تمام ثواني يا ستاذ آياد وتكون علي مكتبه
وبعد وقت قصير دخلت مهره مكتب فارس لتحضر ورق الثفقه وايضا تضع القهوه علي المكتب
فصدم الاثنين من شكلها حيث كانت مصابه بجروح متفرقه كانها كانت في حرب ضاريه
فقام الاثنين يسألوها في صوت واحد
ايه دا انتي حصلك ايه
مهره/لا ابدا دي حكايه طويله مش وقته خلينا في الشغل
فاسرع فارس ناحيتها وقام بامساك رسغها وتقدم من المكتب ثم قال لفارس روح انت يا آياد شوف شغلك ثم غادر آياد ليتابع الشغل المتراكم عليه
فاغلق فارس الباب واتجه حيث تجلس مهره
فارس /عاوز تفسير لخريطه وشك دي ايه اللي حصل وعمل فيكي كدا
مهره/.......
فارس/ ردي عليا متجننيش عاوز تفسير ايه اللي حصل ردي عليا متسكتيش
مهره/😒🙄
فارس/بقولك رررردي
مهره/😟😞🤭 هو انت ادتني فرصه حاضر هقول
.......
يتبع
بقلم✍️
Mona salem