جحيم حواء (مكتمله) قيد التعديل

الحلقه(22)

الحلقه الثانيه والعشرون
جحيم حواء
بقلم✍️
مني سالم
كان فارس يتابع عمله بالشركه الي ان انتهي من العمل الذي يتوقف علي امضاؤه
اياد/ايه يا ريس مش ناوي تروح ولا ايه طلعت عنينا من الشغل
فارس /خلصت خلاص تعالي نروح سوا علشان اخد مهره معايا
اياد/اة صحيح نسيت انها عند كارما  طيب يلا بينا بس مش هتمشوا غير لما تتغدو معانا
فارس/يلا خلينا نمشي
ثم انصرفوا خارج الشركه ولم يلاحظوا تلك العيون التي تراقبهم عن كثب
وبعد مغادرتهم الشركه اجري ذلك المجهول اتصالا
مجهول /الووو ايوه يا ريس جعفر لسه ماشي دلوقتي
جعفر/طب اقفل خلينا ابلغ الباشا سلام
ومن ثم اغلق الهاتف ثم اجري اتصالا ليخبر عن الاحداث الجديده
حازم /تمام اقفل وخليك مكانك وبلغني بكل جديد لحظه بلحظه ماشي اقفل
جعفر/تمام يا باشا
ثم اغلق حازم الهاتف وتحدث مع نفسه
نفسي اشوف وشك بعد ما اخدتها منك
🖤🖤🖤🖤🖤🖤🖤🖤🖤🖤🖤🖤🖤🖤

في منزل اياد دخل ليطمئن علي زوجته
آياد /ايه يا روحي عامله ايه النهارده
كارما /الحمد لله تمام ربنا يخليك ليا يا حبيبي
آياد /امال فين مهره هي مش معاكي
كارما /لا مهره مشيت من ساعه تقريبا قالتلي انها هتروح اصلها تعبت بس بقت كويسه وكمان محضره مفاجاءه لفارس كمان فروحت علشان كدا
آياد /طيب هنزل اقول لفارس اصله جه وفاكرها معاكي هنا
ثم تركها وذهب الي صديقه ليبلغه انها ذهبت
فارس /ايه هي مهره منزلتش ليه
آياد /كارما قالتلي انها روحت من ساعه
وقالتلي انها محضرالك مفاجاءه كمان
فارس /طب همشي بقا خلي الغداء ليوم تاني سلام
آياد / سلام ابقي طمني لما توصل
ثم ذهب فارس الي بيته وهو يفكر في مهره ويتساءل في نفسه ما هي تلك المفاجاءه
وصل فارس الي المنزل لم يجد مهره فسأل الخادمه فعلم منها ان مهره لم تاتي بعد الي المنزل ففكر في انها قد ذهبت لتشتري اشياء تحتاجها او انها تشتري له هديه كما قال له صديقه من قبل
فذهب الي غرفه النوم لينعم بقسط كافي من الراحه فغلبه النعاس واستيقظ بعد ثلاث ساعات ونصف فاخذ ينادي عليها فاتت اليه الخادمه لتبلغه انها لم تاتي بعد فخالجه شعور بالخوف عليها فقد مر وقت طويل ولم تاتي فاتصل بصديقه ليساله ان اتت اليهم ربما تكون قد عادت الي صديقتها فلم يجبه في المره الاولي فعاود الاتصال ثانيا فاجبه اياد
وقال له انها لم تعود اليهم
فارس/ازاي دا دي مجتش من ساعتها اياد تعالالي حالا
ثم اغلق الهاتف
وبعد ربع ساعه وجد الهاتف يعلن عن وصول رساله
فتح فارس الرساله فوجد صوره لزوجته ملقاه علي الارض وايديها وقدميها مقيدين بحبل
فجن جنونه
فارس/عملها الندل الواطي
في نفس التوقيت ولج آياد الي المنزل فساله انها قد عادت ام لا
فارس/مش هترجع مهره اتخطفت والواطي باعتلي صورتها وهي متربطه وكاتبلي اني لو بلغت البوليس هيقتلها
اياد/دا اكيد الكلب اللي اسمه حازم ثم اجري اتصال بزوجته ليبلغها ان مهره قد تم خطفها
كارما/ينهار مش فايت دي كدا في خطر وكمان دي حامل
اياد/ايه حامل
فانتبه فارس لما قاله صديقه للتو
فساله مره اخري
فارس/بتقول ايه يا اياد مين حامل
اياد/مهره حامل كارما اللي قالتلي دلوقتي لما عرفت انها اتخطفت تقريبا هي دي المفاجاءه اللي كانت محضرهالك