جحيم حواء (مكتمله) قيد التعديل

الحلقه (25) الاخيره

الحلقه الخامسه والعشرون
الاخيره
جحيم حواء
بقلم✍️
مني سالم
تلقي فارس اتصال هاتفي من آياد يبلغه فيه انه تم العثور علي حازم وكان مختبئ عند بدو سيناء
وتم نقله الي المخزن لتصفيه الحساب الذي انتظره فارس لمده خمسه اشهر
مهره/بلاش يا فارس سلمه للبوليس احسن متخليش الغضب يسيطر عليك
فارس/منا هسلمه بس بعد ما اصفي حسابي معاه ثم تركها وانصرف حيث توجه الي المخزن
فتح المخزن علي مصرعيه وجد حازم جثه هامده علي الارض من كثره الضرب ويديه وقدميه مقيدتان ويبدوا عليه الاعياء الشديد
فحالته يرثي لها فلو تقدم فارس وشرع في تصفيه حسابه معه سيتسبب في مقتله لا محالا
فنظر له فارس ثم بثق عليه وقال
فارس/انا عاوز اعرف انت جنس جبلتك ايه واحده مش عاوزاك ولا طيقاك بتجري وراها ليه هو بالعافيه طب مهي كانت قدامك زمان وسيادتك اتكبرت عليها وفهمتها انها مش من مستواك الرفيع دلوقتي بقت تليق بيك ولا بعد ما حسيت انها راحت منك حليت في عينيك انا خساره امد ايدي علي واحد حيوان زيك اصلا مفيش فيك حته سليمه بس اللي عاوز اعرفه انت حاولت تقتلني وبعد كدا خطفتها متحاولش تقول انوا بدافع الحب لان الكلام دا مش هياكل معايا
حازم /انت كدا دايما بتاخد كل حاجه مع انها من حقي انا احنا اقرب اتنين لبعض يابن ياسين البحيري السر اللي ورا كرهي ليك رابط دم يا اخوايا الكبير
فارس/اييييه وقد شلت المفاجأءه لسانه ثم امسكه من تلابيب قميصه انت بتقول ايه انت كداب كداااااااب
حازم /لا انا مش كداب انا ابن ياسين البحيري بس لما اتولدت ابوك المحترم مرضيش يعترف بيا علشان ابن الخدامه ولما ماتت وانا عندي ٣ سنين اخدتني الست اللي كانت امي شغاله عندها وكتبتني باسمها هي وجوزها لانها مكانتش بتخلف
انا اخوك من ابوك بس ابن الخدامه اللي اتجوزها في السر علشان كان مستعر منها ولما حملت فيا وطلبت منه يعلن جوازهم اتهمها بالسرقه ودخلها السجن علشان يلوي دراعها ولما قالتله يسبها اشترط عليها متجبش سيره لحد وكمان تنزل اللي في بطنها وافقت ولما اتنازل عن البلاغ اختفت وسافرت الاسكندريه واشتغلت عند ناس اغنيه وحكتلهم حكايتها والناس دول وقفوا جمبها لحد ما بقي عني ٣ سنين هي اللي طلبت منهم انهم يكتبوني باسمهم لانها كانت عارفه انهم مبيخلفوش ولما ماتت بقيت ابنهم بالقانون
ولما حبيت مهره وكنت عاوز اتجوزها امي رفضت لانها مش كانت شايفه انها مناسبه ليا ولما سافرنا علشان تتعالج شافت الموت اكتر من مره لحد ما ربنا شفاها طلبت مني اروح اتقدم لمهره ونتجوز لانها كانت شايفه ان قرارها اناني علشان تحرمني من البنت الوحيده اللي حبتها وبعد ما رحت وعرفت انها اتجوزتك رجعت متحطم وحكتلها كل اللي حصل
بس الغريب انها مش اتفاجأت انها اتجوزت الاغرب انها اول ما سمعت اسمك اتصدمت بطريقه شككتني ان في حاجه مش طبيعيه فسألتها مش رضيت تحكي في الاول بس بعد الحاح حكتلي اللي مكنتش اتخيل انه يحصل ابدا وعرفت قصه ابن الاصول اللي اتجوز الخدامه في السر علي مراته وبعد كدا مرضيش يعترف بابنه
ولما دخلت المستشفي رحت اخدت منك عينه وعملت تحليل DNA والنتيجه كانت تطابق ٩٩٪ يعني احنا اخوات ولو مش مصدق اعمل التحليل تاني هتعرف انك اخويا
عرفت ليه كرهتك اكتر من الاول الموضوع عندي مكنش واحده خطفتها مني وكسرت قلبي الحكايه حكايه تار قديم ودين لازم يتسدد لناس ماتوا ظلم اتظلموا في حياتهم وحقهم مجاش لحد ماماتوا
فهمت انا عملت كل دا ليه انا كنت باخد بطار امي كنت عاوز احرمك من اغلي حاجه عندك علشان اجيب حقها وترتاح في تربتها
فارس/مش ممكن مستحيل ابويا يعمل كدا انت اكيد الكلام دا بتقوله علشان تنفد بعملتك
حازم/انت الصدمه مخلياك مش مصدق بس اللي يثبت كلامي التحليل اعمله واتاكد بس ساعتها هاخد نص ثروتك وكمان هاخد اسم عيلتي الحقيقيه فاهم يابن البحيري
فارس/لو كلامك صح هنفذ كل اللي قولته دا بس لو طلعت حكايه انت مألفها هشرب من دمك فااااهم
ثم تم اخذ عينه منه وذهب بها الي معمل شهير وانتظر يوم حتي يحصل علي النتيجه لكي يتاكد من صدق كلامه
كانت مهره تسأله مررارا وتكررارا عن حاله الشرود التي لاحظتها عليه وهو لم يجب علي اسئلتها الي ان تلقي اتصالا هاتفيا من المعمل فذهب علي الفور ليجلب النتيجه ويفتحها امام حازم ليفضح اكذوبته المزعومه
فدخل المخزن ولكن كان حازم بصحه جيده ويلبس ملابس نظيفه حيث تم معاملته معامله جيده في خلال اليومين الماضيين
دخل فارس عليه وأمره ان يفتح المظروف ويقرأ النتيجه بنفسه
فنفذ حازم رغبته وقرأ محتوي الورقه ثم وضعها صوب عينيه لكي يراها بنفسه
فلم يصدق فارس ان والده انجب اخا له من الخادمه التي تزوجها سرا
فارس/يعني انت.....
حازم/اخوك يابن ياسين البحيري
عرفت دلوقتي اننا اخوات بعد ما اتاكدت من التحليل
عرفت ان مهره مكانتش هدفي عرفت ان كان كل همي انتقم من ياسين البحيري اللي ظلم امي فيك انت
ولازم دلوقتي تنفذ كلامك وتديني اسم عيلتي الحقيقيه ونص ثروتك
كان فارس في حيره من امره هل يثأر لزوجته من الذي خطفها ام يعطي له حقه في ورث ابيه من ثروه واسم للعائله ولكن في النهايه حسم امره بأن ينفذ كلامه ورفعت قضيه اثبات نسب لصالح حازم وتم نسبه لابيه الحقيقي ياسين البحيري وتم تسليمه تلت التركه بحكم انه الاخ الثالث في الاسره حيث انجب ياسين البحيري اخين غيره
وكتبت الصحف عن هذا الخبر ولما لا فالاخبار التي تمس الشرف يروج لها جيدا وتتناقلها السوشيال ميديا
فلما علم اخيه الذي يعمل بالخارج جاء فور علمه بهذا الخبر وشب شجار بينهم بان حازم يزعم هذا الكلام وانه غير حقيقي فاكد له فارس هذا الكلام بالاوراق الرسميه وحاول اقناعه انه اخيهم وله حق في كل شئ
فسافر اخيه واقسم ان يتبرأ منه علي كلامه وفعله هذا
فلم يكترث لما فعل اخيه فان فارس مقتنع انه فعل الصواب
.............................
بعد مرور فتره
في منتصف الليل دوي صوت صرخه هزت جدران البيت كانت مهره تلد
فأخذها فارس الي المشفي وبعد دخولها غرفه العمليات مرت ساعتان ولم يطمأن فارس فنظر له اياد واخذ يطمأنه علي حالتها وانه طبيعي في حالات الولاده
فلم يطمئن فارس الا عندما دوي صوت طفله من داخل غرفه العمليات ففرح كثيرا
بعد مرور شهر علي ولاده مهره تم عمل حفل صغير يجمع العائله كلها وكان من ضمن المدعويين حازم حيث ان علاقته بفارس ومهره تحسنت لدرجه كبيره
فكان فارس ومهره يعيشون مع بعضهم البعض في حب وسعاده وتوج هذا الحب بوجود ضيف جديد علي حياتهم وهو ابنتهم سيدرا وابنهم فهد حيث انجبت مهره تؤام
بعد تحسن حاله مهره لان كانت الولاده متعسره ظلت حالتها الصحيه غير مستقره لمده شهر ونصف وتمت الحفله التي كانت بعد شهر من الولاده رغم حالتها الصحيه الغير مستقره ولكنها بعد الحاح منها علي اقامه الحفل في ميعاده اضطر فارس تلبيه طلبها رغم عدم استقرار حالتها الصحيه وبعد انتهاء الحفل تم سفرهم الي دوله اوروبيه لاجراء بعض الفحوصات علي مهره واقامت في المشفي مده لا تقل عن اسبوعين الي ان استقرت حالتها الصحيه وتم رجوعهم الي ارض الوطن
فارس / ايه رايك الولد شبهك مش كدا
مهره / بالعكس الولد حته منك مش فيه شبه مني خالص
فارس / طب البنت دي واخده ملامحك كلها حتي نفس لون العيون اللي وقعني فيك يا قمر ولا انت مش شايفه انها شبهك
مهره / لا هما شبهنا احنا الاتنين
انت كنت خايف عليا اصل اياد فتن عليك وقالي انك كنت بتعيط وانا في العمليات
فلاش باك
اما حجره العمليات
الدكتور / لو سمحت لازم تقولي انا مش عارف اسيطر علي الحاله لازم نضحي بالام لان الحاله صعبه وحاله التوأم مش مستقره الام حالتها صعبه نسبه نجاح العمله ضعيفه مش اقدر اقولك انها هتعيش ارجوك امضي علي الاقرار الوقت مش في صالحنا الام والاطفال حالتهم حرجه جدا
فارس / ارجوك يا دكتور اعمل اي حاجه مهره مش هتموت لو هتنقذ انقذها هي وضحي بالجنين انا مش هقدر اعيش من غيرها ارجوك
الدكتور / معني كلامك اننا ننقذ الام ونضحي بالاطفال خلاص امضي الاقرار وانا هعمل اللي اقدر عليه وربنا معانا
ومضي فارس علي الاقرار وجلس علي الارض الرخاميه امام غرفه العمليات يبكي وينظر اللي اللا شي
وتمت العمليه بنجاح وحدثت المعجزه وانقذ الطبيب الام والطفلين بعد اراده الله عز وجل ولكن حدثت مضاعفات للرحم وكانت حاله مهره بعد الولاده غير مستقره وتحتاج لمتابعه وعلاج بالخارج
عوده للوقت الحالي
فارس/ يعني اياد قالك علي كل حاجه
مهره / اة طبعا قالي قد ايه انت كنت خايف عليا
فارس / انت نورتي حياتي وانا مكنتش متخيل حياتي من غيرك بحبك يا مهرتي ودام العناق كثيرا وعاشو لحظات عشق ورومانسيه
?.........................?
??????????????
وبعد مرور عده سنوات في سعاده دائمه حيث فتح فارس فروع جديد لشركته بمعاونه اخيه الاصغر حازم وطول تلك السنوات تحسنت علاقتهم ببعض
احب اطمنكم علي كل كابلز في الروايه
اياد وكارما خلفو ولد سموه فارس
فارس ومهره خلفوا تؤام سيدرا وفهد
حازم اتجوز بنوته اتعرف عليها بعد سنه من اثبات نسبه لعيله البحيري
وخلفوا بنوته سموها مهره (فارس اللي سماها كدا )
اتمني اكون ضيفه خفيفه عليكم
والي اللقاء في روايات جديده دمتم سالمين
تمنياتي بصحه جيده لكل متابعين الروايه
تحياتي والي لقاء اخر في روايات اخري
مني سالم