مازن ورغد

اللقاء

الفصل الأول
شقه متوسطة الحال جميله ف أحياء  القاهره .
بنوته جميله تبلغ الخامسه و عشرين عاما اسمها رغد فتاه من ينظر إليها يجد فتاه جاده مغروره وذو كبرياااء ومن يتعامل معها يجد فتاه مرحه جدا ظريفه تحب الضحك والهزار وف الحالتين لا يختلف ع جمالها فهي حقا جميله
رغد تعد الفطار ف المطبخ وتدندن مولاي صلي وسلم دائما  ابدا ع حبيبك خير الخلق كليهم.......
امال زوجة عمها  وخالتها ف نفس الوقت ورغد تعيش معها ف بيتها .
امال:صباح الخير يارغد
رغد:صباح الفل ع الناس الفل
امال:الفطار جاهز  ؟
رغد:جاهز ومستعد للاكل وينادي ويقول كلوووني 😄😄
امال:هههههه يخربيتك دماغك يللا ياختي
قعدوا يفطروا وامال سرحانه
رغد دايما بتحاول تضحكها امال مراة عمها وخالتها ف نفس الوقت هي الي ربتها بعد من اهلها ماتوا وهي صغيره وف نفس الوقت امال أطلقت من جوزها الي هو عم رغد واخد ابن الوحيد" مازن" منها وسافر بره وهي طبعا معرفتش توصلوا ولقيت ونس ف رغد الصغيره أو بمعني اصح كان بيحاولوا يخففوا عن بعض
رغد: ايه ياست الكل الجميل سرحان في ايه !
امال :شوفتوا امبارح ف الحلم وهو بيطمني عليه يارغد وبيقولي ماتقلقيش ياماما انا كويس
أه ياااارغد نفسي اشوفوا احضنوا أشم رحتوا ياااااه الله يسمحوا أخدوا  مني وحرمنا من بعض
رغد: إن شاء الله ربنا بيجمعكوا وتعوضوا كل الي فاتكوا
امال :يارب يارب يارغد يارب .
رغد حزينه ع خالتها ودايما بتدعي ربنا يجمعها مع ابنها ع خير
رغد : خالتو انا هطير دلوقتي ع المستشفي اخلص الشفت بتاعي وأجي قشطه .عايزه حاجه اجبها وانا جايه ؟
امال : لا ياحببتي خالي بالك من نفسك
رغد وصلت المستشفي وطلعت ع غرفتها لبست ونزلت علشان تستلم الحالات وهي نازله
ممرضه بتنادي عليها
ممرضه:دكتوره رغد  دكتوره رغد
رغد: ايوه
الممرضه:حضرتك الي معانا النهاردا؟
رغد : ايوه الأخبار ايه ؟الجو هادي ! ولا ايه !
الممرضه:هو هادي بس حضرتك عارفه ممكن يقلب ف ثانيه
رغد : تمام ع إذنك
رغد راحت استلمت الحالات وبتشوف شغلها

ف حي أخر من القاهره ولكن أكثر فخامه
فيلا منصور الضبع
يعيش فيها منصور الضبع والد مازن رجل أعمال
وزوجته " نورا "
وبناتها الاثنتين مها وهنا
مها ابنتها من زوجها الأولي
وهنا ابنتها من منصور اختو لمازن من الأب.
مازن شاب ف الخامسه والثلاثون مهندس معماري قضي حياتوا كلها ف الخارج مع عائلته تخرج من الهندسه وأسس شغل خاص له  حتي أصبح أغني من أبيه
وعادوا الي مصر حديث لان اباه مريض وهو مشتاق الي مصر ويريد أن يقضي أيامه الاخيره فيها
مازن يقف أمام المرأه يجهز نفسه للخروج مع أبيه ليتجولوا ف الأنحاء قليلا 
مازن :جاهز يابابا
منصور :ايوه
نورا : مش هتفطروا!
مازن: لا هنفطر بره  
مازن خرج هو بابها وركبورا العربيه
مازن: بابا انا كنت فاكر ان صحتك هتتحسن ف مصر بس ليه حاسس العكس بابا ان ماكنتش مرتاح خلينا نرجع
منصور: لا يامازن انا مش هعيش اكتر من الي عشتوا خاليني ااقضي الباقي ليا هنا وانا قولتلك خاليك ف كندا بس انت الي رفضت
مازن: لا بابا انا مستحيل اسيبك لوحدك وغير كدا كمان انا ماقدرش اسيبك معاها هي مش بتهتم خالص بيك
منصور : وشغلك وحياتك الي هناك ؟
مازن: ماتقلقش ياغالي انا بظبط كل حاجه هنا
قول بس انت عايز تروح فين ؟ ف مكان معين حابب تروحوا ؟
منصور بيفكر وسرح مع نفسوا ياااه يامازن هو مكان واحد الي عايز اروحوا نفسي تاخدني ف حضنها نفسي اموت وانا معاها ذنبي كبييير اوي ياااه لو الايام ترجع
فديتني بيه الفلوس الي سبت حبيبتي امال علشانها وحرمتها من ابنها يااه ياامال لوتعرفي مشتاق ليكي كد ايه ! خوفي كله ان مازن يعرف انك عايشه ساعتها هيكرهني وهو الي مصبرني ع الحياه
صبري الوحيد انك ف يوم من الايام لو شوفتيه  هتعرفي إن ربيت راجل يعتمد عليه
مازن:بابا سرحت في ايه ؟ ها هنروح فين!
منصور :أي مكان يامازن
بينوا وبين نفسوا كلوا زي بعضوا.
وقفوا قدام كافيتريا قريبه من المستشفي العام
مازن:بابا هنزل اجيب ليا قهوه تحب اجبلك حاجه
منصور:هاتلي قهوه 
مازن:بس يابابا حضرتك مالكش تشربها
منصور :مازن لو سمحت كوبايه مش هتغيرحاجه
مازن سكت وراح يجيب القهوه

ف نفس الوقت رغد نزلت تجيب القهوه بتاعتها
مازن واقف مستني القهوه بتاعتوا
رغد دخلت هااي ميزو  صباح الخير
مازن لف وجهه مين دي الي بتناديني كدا !!!!
مازن :انت مجنونه انت مين سمحلك تناديني كدا!
رغد : بغضب وحاسة ان ف حد دلق جردل ميه ساقع عليها
ال مجنونه دي تقصد بيها أنا!
مازن : ايوه انتي 
مين دا الي ميزو !وانتي تطلعي مين ؟
رغد ف سرها دا اكيد  مجنون  لا مش هسمح له ان هو يعصبني
رغد سابتوا واقف يكلم ف نفسوا وراحت ل مازن النادل الي بيجهز القهوه ايوه يامازن قهوتي جاهزه
النادل : مين دا؟
رغد : سيبك منوا دا اكيد مجنون
النادل : القهوه يادكتوره
رغد حسبت ومشيت
مازن واقف مكانه مش قادر يتحرك هي ماكنتش تقصدي انا !
انا ليه اندفعت كدا و اساسا مين يعرفني هنا علشان ينادي عليا
انا ايه الي حصلي يالله انا لازم اعتذر منها
لا طبعا انا مازن مااعتذرش من حد بس الصراحه البنت شخصيه اهملتني وسابتني اكلم نفسي لو حد غيرها كان عمل قصه
خير انا هقبالها تاني فين

مازن راح العربيه واخد القهوه
منصور : اتأخرت ليه؟
مازن : كان زحمه
مازن وبابها لفوا شويه بالعربيه وروحوا

رغد  خلصت شغلها وجابت نواقص البيت وروحت
امال : رغد ماتنسيش النهاردة الخميس 
رغد بعدم تركيز يعني ايه ؟
امال : رغد انت فيكي ايه مش عجباني ؟؟
رغد حكيت لخالتها الي حصل
امال ساعة انا سمعت اسم  مازن ف الموضوع  سرحت
فلاش باك
الباب بيخبط
امال بتفتح مازن راجع من المدرسه
امال: ميزو حبيبي حمدلله على السلامة
مازن : الله ياماما مابحش الدلع دا  الله
امال : كدا ياميزو دا حتي اسم ميزو  حلو
مازن : ماما لو سمحتي انا راجل ومسئول عنك وعن البيت ينفع راجل مسؤل يكون ميزو
امال : لا ياسي مازن حلو  كدا
مازن : ايوه قوليلي مازن اسمي مازن
امال قلبي ماما مازن
مازن : ربنا يخليكي ليا

رغد : خالتو انتي روحتي فين
امال : أصل مازن ابني كمان ماكنتش بيحب حد يقولوا ياميزو
بس يارغد انتي ليه ماردتيش عليه ؟
رغد : مش عارفه ياخالتوا اقولك ايه ماكنتش قادره وخفت اتهور
امال : مش فهمه
رغد : انا ياخالتوا لما لف ليا مره واحده كدا قلبي دق
لقيت ليكي كدا اللهم صلي ع النبي موووز واقف قدامي
طول ايه ياخالتوا عضلات ايه ولا بقي البرفان الي حطوا لوحدوا يسطل اساسا انا قولت انسحب من قداموا أحسن ماتهور وانت عارفه بقي النظره الأولي لك والثانيه عليك
امال : الله يخربت دماغك كل دا والنظره الاولي
رغد اتكسفت انتي صدقتي ياخالتوا دا انا بنكت معاكي
انا كنت عايزة  اديلوا بالقلم ع وجه قال مجنونه قال بس الكافتريا كلها من المشفي وانا خفت ع برستيجي
فقلت اديلوا بالقلم بأدب فسبتوا واخدت القهوه ومشيت
امال : وهو عمل ايه؟
رغد وقف هناك زي الغبي
امال : طيب ايه النهاردة الخميس ؟؟
رغد ياست الكل هنخرج وهنتعشي بره ونتفسح انا مانسكش ياجميييييل.