فى مبنى المخابرات العامه..
...... كده المهمه تكون واضحت وكل واحد عارف هيعمل ايه.
عمر:بس كده يا فندم فى خطوره كبيره خصوصا اننا هنكون وسط ناس مدنين.
اللواء عدنان: حاول بقدر المستطاع انك تفادى المدنين لان للأسف مفيش حل تانى.
عمر: يا فندم انت بتطلب منى المستحيل.
عدنان بحده: مفيش حاجه اسمها مستحيله دلوقتى فى تلات قنابل متوازعين على اهم وأكبر تلات اماكن فيهم حشد كبير للناس مهمتك انك انت وفريقك تحاولوا انكم تلقوا القنابل و توقفوها من غير اضرار للمدنين انت فاهم يا سيادة الرائد.
عمر بتهنده:تحت امرك يا فندم.
عدنان وهو ينظر فى ساعته: معاك ساعتين المعلومات لى وصلت قالت انهم هينفجروا بعد ساعتين من دلوقتى.
عمر بسخريه : يعنى هو بلغك بالمعياد والأماكن انسى يقولك فين أماكنهم بالتحديد.
عدنان بعصبيه: انت نسيت نفسك ولا ايه يا سيادة الرائد .
عمر بإحترام: انا آسف يا فندم مش قصدى بس دى حاجه تزهق حضرتك بقول ان أكبر اماكن فيها تجمع هتنفجر بعد ساعتين ومش عارفين اماكن القنابل بالظبط وممكن لو اتاخرنا ثانيه اروح ناس كتيره هتنتهى.
عدنان بهدوء: انا عذرك بس لولا ثقتى فيك وفى فريقك مكنتش ملفاتك بالمهمه دى لازم يابنى تنقذ الناس دى بأى طريقه الكلاب استغلوا بدايه الدراسه ووزعوا القنابل.
عمر: تمام يا فندم بعد اذنك انا هتحرك دلوقتى.
عدنان: ربنا يوفقك يابنى.
***********************
خرج عمر متواجه إلى مكتبه ليجمع فريقه بالكامل ليحدد لهم الخطه لملاقات القنابل وتفكيكها بعيدآ عن التجمع...
عمر بحديه: آسر ومحمد مهمتكم تلقوا القنبله الموجوده فى محطة القطارات بس الاول تخلو المكان ومش عاوز ضحايا انتوا سامعين.
فهد و إسماعيل انتوا كمان تنشطوا منطقة وسط البلد وتلقوا القنبله وحاولوا ميكونش فيه ضحايا.
اما انا و أيمن مهمتنا جامعه القاهرة وكل واحد هيطلع معاه واحد متخصص فى القنابل وهليكوبتر اول ماتلقوا القنابل تاخدوها على الطياره ومعاك المتخصص ده والطيار هيخدكم مكان بعيد عن التجمعات وهناك هنتقابل كلنا تمام كده ولا فى حاجه مش فهمنها....
كلهم: تمام يا فندم.
عمر وهو ينظر فى ساعته: معانا حاليا ساعتين الا ربع يلا كل واحد يطلع على المكان المحدد ليه ربنا معانا.
*******************
فى شركة الشريف تحديدا فى مكتب فؤاد..
فؤاد: نرمين عدد لى جاين يعملوا مقابله النهاردة كام.
نرمين: فى حدود ٢٥ كده.
فؤاد:امممم طب فى واحده كده لبسه كاجول يعنى جينز وكده.
نرمين بتفكير: اممم جينز وكده امممم..
فؤاد بنفاذ صبر: اخلصى يا نرمين.
نرمين: الله متزعقش كده العصبيه مش حلوه على الواد .
فؤاد: واد واد مين .
نرمين بفخر وهى تمسح على بطنها: ابنى فلذة كبدى.
فؤاد: انا آسف للأستاذ بعرور انجزى بقى وحياة ابوكى تعرفيها.
نرمين: ما هو اصلا مفيش غيرها لى لبسه كاجول جينز اما الباقى بنات مايعلم بيها الا ربنا.
فؤاد: هى مين.
نرمين: اسمها جميلة الدميرى ولسه متخرجه السنادى ودارسه أصول المعمار فى سويسرا.
فؤاد: طب تدخلها آخر واحده ولو فى بنات غيرها جات دخليهم قبلها انتى سامعه.
نرمين: بس كده حرام انى اعطلها كل ده جرى ايه يا فؤاد انت مش طايقها ليه كده لو مش عاوز تقابله اوكيه انا ممكن امشيها مش ازنبها وفى الآخر يعالم هتقابلها ولا لا.
فؤاد بحده : انتى رغايه ليه نفذى لى بقولك عليه الله.
نرمين بحده: فؤاد مش معنى انك مديرى هسيبك تعالى صوتك وتتنرفز عليا لا اصحى انا نرمين مهنه.
فؤاد وهو ينهض من مكانه ليطيب بخاطرها: خلاص يا نونو بقى متزعليش مش قصدى اتعصب عليكى انت عارفه لما ابقى مضايق ببقى مش مركز انا بقول ايه.
نرمين بسخريه: وانت بقى ايه لى مضايق.
فؤاد بشرود: معرفش.
نرمين بجديه: فؤاد اشمعنا البنت دى لى مضايق اوى كده منها.
فؤاد بتهرب وهو يجلس على مكتبه: هبقى اكلمك بعدين يلا دخلى البنات وزاى ما قلتلك.
نرمين بعند: لا انا مش هعطلها فى دورها هداخلها هه.
لتقول ذلك وتخرج إلى الخارج تتركه يفكر فيها..
فؤاد بشرود: و بعدين بقى اهدى يا فؤاد اهى حتة مقابله هتخلصها وتعرفها فيها مقامها وخلاص....
ليقطع شروده طرق إحدهما على الباب ليعود إلى الواقع ويرجع لشغله ويبدأ اول المقابلات.....
****************************
فى جامعة القاهرة...
يثرب: انا مش مصدقه انى اخيرا انتهيت من ام الكليه دى..
جنا ببكاء مصطنع: اهئ اهئ انا لسه فاضلى سنتين اهئ اهئ.
(جنا الاحمدى صديقة يثرب الوحيده وهى نفسها جنا مرأت جان الهاشمى لى كانت معانا فى جبروت أسوة)
