سبحان الله وبحمده سبحان الله العظيم..
اللهم ارفع عنا الوباء والبلاء ...
بسم الله الذي لا يضر مع اسمه شئ في الارض ولا في السماء وهو السميع العليم.
***********************
&فوت قبل الحلقه والتعليق بعدها بلييييز تفاعل&
الحلقة الثالثة.. (غفران)
علي نيل المحروسة يقف بشموخ وعزه ولكن بداخله كسره فمن يراه يظنه شخص قوي ولكنه عكس ذلك ضعيف وهزيل يخفي عيونه عن الأنظار فمن يراهم يكتشف حقيقته يريد التحدث واخراج مابدخله ولكن من يستمع اليه فليس له أحد ليفق من شروده علي صوت بكاء وأنين فتاه ليرفع نظره اليها ليعلم من تكون هي العنيدة الغامضه لقد مر أكثرمن ثلاثة سنوات علي رؤياها فكانت قوة عنيدة لا تخشي أحد فلما هي الآن هكذا ليقف أمامها ويعلم ما بها..
فؤاد وهو ينزع النظارة: ياااااااه آخر مره شوفتك فيها كنت قوة ليه ضعيفه دلوقتي ياجميلة.
جميلة وهي ترفع نظرها اليه: وأنت أول مره شوفتك كنت بجح وتاني مرة كنت حزين ودلوقتي مكسور فليه.
فؤاد بتهنيده قوية: من الواضح الدنيا مش سيبه حد في حاله.
جميله وهي تزيل دموعها: من الواضح أنك مخنوق وعاوز تتكلم وتخرج لي جواك.
فؤاد بإبتسامه حزينه: فعلا هموت وأتكلم عشان ارتاح.
جميله : أنا موجوده لو حابب.
فؤاد: بس أنتي كمان مهمومه فلو عاوزه تتكلمي أنا موجود.
جميله: فعلا عاوزه اخرج لي جوايا بس خايفه.
فؤاد: والخوف عمره ماكان حل ياجميله ..
واكمل بتفكير: ايه رأيك لو نساعد بعض أنا أحكيلك وأنت تحكيلي يمكن نرتاح وتابع بمرح وياستي ولو هتكوني خايفه اعتبرني واحدة صحبتك ههه.
جميلة بضحكه: ماشي يا صحبيتي.
فؤاد بجديه:أنا لي هبدأ تمام.
جميلة: يلا واعتبرني الدكتوره النفسيه بتعتك.
فؤاد وهو ينهض: تعالي نركب العربيه بس عشان الناس.
جميله وهي تنهض معه:يلا.
في السيارة....
فؤاد: اسمعيني وخرجي لي جوايا بس من غير ما تقطعيني اتفقنا.
جميلة: اتفقنا.
ليبدأ يحكي لها حياته بالكامل وخطبته من مريم واكتشاف خيانتها ودخوله السجن ويثرب وعمر وسيف وما حدث معه وهي تسمعه في صمت وحزن علي ما وصلت اليه الأمور مع أخواته لينهي من سرد خناقته الآخيرة مع سيف وخروجه من المنزل حزين لملقاتها علي النيل.....
جميلة بدموع: أنا مش عارفه أقولك ايه غير ربنا يصبرك ومتزعلش من أخوك هو غصب عنه لازم يفكر كده اعذر وأنك لازم تتخط مريم فؤاد الحياة بتتدينا فرص كتير لازم نستغلها وأنا معاك وهساعدك في كده.
فؤاد بأمل: بجد هتكوني معايا.
جميلة بإبتسامه: بجد وإيدي في إيدك هنسند بعض ونقوي بعض موافق.
فؤاد: طبعا موافق..
وأكمل بعبوس: أنا حكتلك وأنتي لسه محكتيش أنتي بتضحكي عليا كده.
جميلة :مرة تانيه لان الوقت اتاخر وهبقي أحكيلك كل حاجه ويلا دلوقتي وصلني.
فؤاد: هقبلك امتي تاني.
جميلة بتفكير: بكره عندي مقابله عشان شغل وبعده هروح الجامعه عشان رسالة الدكتواره بتاعتي امممممم خلاص يوم الجمعه كده أنا فاضيه نتقابل.
فؤاد: اسمها ايه الشركه لي هتقدمي فيها.
جميلة: اسمها s-y-f شركه جديده لسه.
فؤاد:تمام يلا بينا.
*****************************
أمام فيلا طل القمر يقف وبيده عشقه الذي تخل عنه سنوات بسبب لحظة غباء بتنهد بتهنيده قويه خوفا من القادم ..
يثرب: ايه مش هندخل.
عمر:تفتكري أخوكي هيعمل فينا ايه.
يثرب بمرح: بطاطس محمره وبفتيك.
عمر: ربنا يطمنك يارب يلا ياختي خلينا ندخل بس، قبل ماندخل أنا بحبك عشان لومت تبقي عارفه آآه.
يثرب: متخافش عرفه.
في الداخل...
نرمين: جري ايه ياسيف ايه لي عملته ده انت أكتر واحد عارف ان فؤاد بيخاف علي يثرب إزاي تفكر كده ده أخوك.
سيف بحزن: مكنش قصدي أزعله بس خوفت علي، يثرب أنا أكتر واحد عارف هي بتعشق عمر قد ايه وعارف قد ايه تعبت في بعده بس مش قادر آمان عليها معاه والفكره نفسها بتجنني يقوم ده بكل برود يقولي هي مع الزفت عمر عشان بصلحها.
نرمين وهي تحضنه: لا أنت مش خايف علي يثرب أنها مع عمر لأن يثرب قبل ما تخطو خطوه قدام البيت بيكون الحرس معاها من غير ماتعرف ولو في خطوره عليها معاه مكنتش فضلت هنا كان زمانك عندها وقاتل عمر أنت بس غيران لان حبيبها هيرجعها ليه وأنت مش عاوز حد ياخد يثرب منك أختك الوحيده بقي.
سيف بغيره: ولنفترض هو ظهر تاني ليه والحيوان ده سابه ياخدها ليه.
نرمين بذكاء: طب بص أنا عندي فكره حلوه ايه رأيك أنك تأدب عمر وتأدب فؤاد علي لي عملوه بس في نفس الوقت تعتذر لفؤاد.
سيف بترقيه: ازاي يام العريف.
نرمين: فؤاد أول لما يجي هتعتذر له علي أنت قولته وعملته وبعديها بكام يوم كده ابدأ تربيه وتخرجه من وهم مريم ده وعمر زمانه جاي مع يثرب ربيه وعرفه أن الله حق وكمان تطمن علي يثرب معاه فهمتني.
سيف وهو يقبل يدها: تعرفي أنك طفله أوي بس ياحبيبتي عشان مزعلكيش ويلا قومي اعمليلي قهوه عشان هشوف أنا هعمل معاهم ايه.
نرمين بغضب طفولي وهي تضربه في صدره: أنا لي غلطانه اني بتكلم معاك عيل غتت.
سيف وهو يمسكها من ملابسها :مين ده لي غتت يابت.
نرمين بغضب: أنت ومش هعملك حاجه وكمان زعلانه منك ومس هكلمك من أنت مش قادر علي الحمار أوعي كده وأنت عامل شبه الزومبي.
سيف بصدمه: زومبي والله ما أنا ساب......... ليقطعه رنين الجرس التابع للمنزل الجرس ده لي نجدك مني هشوف مين ولم أرجعك بس.
ليفتح الباب ليري أمامه عمر ممسكا بيد يثرب ليجن جنونه منهم ليسحب يثرب بقوة لتصتدم في صدره ويغلق الباب في وجه عمر الذي يناظره بصدمه ويعود ويفتحه ثانيه ليقذف في وجهه باقة الورد التي كانت بيد يثرب وقبل أن يغلق قال: بكره الساعة 5 تكون عندي أنت وأهلك 5 ودقيقه مشوفش وشك ليعود ويغلق الباب مرة أخره.
**********************************
في الصعيد ..
في غرفة المكتب المتواجد فيها سليمان يطرق عليه الباب ليسمح للطارق بالدخول ليجده عمران ابنه الذي يجاحده بحده كأنه يريد الأنقضاض عليه ويقتله.
سليمان وهو يضع قدم فوق الأخره: خير عندك كلام عاوز تقوله.
عمران وهو يجلس ويضع قدم فوق الأخره مثل أبيه: أنا جاي أشوفك معاك حل عشان نخلص من الحوار ده.
سليمان وهو يقف بغضب من لغة ابنه معه في الحوار: أنت ازاي تتكلم معايا بالأسلوب ده وازاي تقعد قصادي كده أنت ولد مش متربي.
عمرانو وهو مازال جالس نفس الجلسه ببرود: خلصت زعيق وصوت عالي.
سليمان :ما أنت تربية أسوه عاوزها تطلع ايه أكيد عيل مش محترم.
عمرانو وهو يقف أمامه: عارف أنا مش محترم ليه عشان بشبهك مجرد دخولي حطيت رجل علي رجل كأنك بتقل مني وأنا أسوة ربتني أني أكون كبير راجل من شخص ضعيف ويتقل منه علمتني أن يكون عندي كبرياء وكرامه وأنت حولت تقل مني عشان كده رديتها وبالنسبه للغة الحوار أنت لي أجبرتني أني أتكلم معاك كده فمتلومش أمي وبعدين ياراجل أنت كنت فين وأنا بتربه ومتقولش أنك مكنتش تعرف مكانا لأنك برهن إشاره منك هتقدر توصلنا ذاي دلوقتي لكن كرامتك وجعتك أوي أصلها رفضتك فحبيت تردلها وهي لي تيجيلك وتترجاك ترجعها مكنتش عارف أن أمي قويه لسه مفكرها البنت الجبانه لي بتخاف من خيالها بتلومها علي ايه هي كبرت قبل أوانها كبرت وعجزت لما تكون طفلة تتحمل مسؤلية طفل ودراسه وشغل وناس بتهددها بالقتل وجوزها بعيد عنها عشان وهم ضيعهم هما الأتنين كبرت وكبرتني معاها لحد مابقيت عدواني أستحمل أي حاجه الا حد يفكر يإذي أمي أنا جيتلك أقولك اسمعها وحط نفسك مكانها كده وسامحها لانك لو مسامحتهاش مستحيل أسبها لك تضرها وهاخدها وأسافر فكر بقلبك بلاش عقلك عشان قلبك بس لي هيحس بمعاناة لي بيحبه وأنت بتحب أسوة وقلبك مستحيل يخذلها فكر ومش هتندم..
ليخرج تاركه في أفكاره....
*********************************
في الخارج...
تقابل كل من عمران الجد وعمران الأبن.
عمران الجد: ها عملت ايه ياولدي.
عمرانو: افففف حاجه تزهق أحفادك دول عاوزين الحرق.
عمران بضحكه: ليه بس.
عمرانو: ياعم ومن أول مادخلت وعيونه بطلع نار كأنه مظ طايقني وأول ما بدأت أقوله الكلام لي أنت محفظهولي وشويه كمان من عندي كانت ودانه كمان بتخرح نار حمدت ربتا اني خلصت من هنا وجريت من هنا اففف حاجه تعصب أنا كنت خايف يجري ورايا وأنا مفيش كف لو أخدته هموته فيها أنا ضعيف وقلبي رهيف.
عمران: هههههه يخربيت شطانك ابن أسوة بصحيح نفس اللسان الطويل واللماضه.
عمرانو: ها دلوقتي بقي الدور علي مين احنا كده خلصنا اتنين فاضل كام.
عمران: فاضل أربعه دلوقتي أنت هتروح لأمك وتتكلم معاه الكلام لي حفظته وأنا هروح للرياض ونتقابل ونشوف هنوصل لآيه...
عمرانو: تمام أنا دلوقتي هطلع لأمي وأشوفك بعدين اذا كان في العمر بقيه أصل أنت متعرفش أمي دي ايدها مرزبه سلام.
عمرانو وهو يصعد علي الدرج الموصل لغرفة والدته :الله يرحمك ياعمرانو كنت زاي الورد ياصغير علي الهم يالوزه كنت طيب وغلبان ووقعت في عيله منخوليا اهئ اهئ.
******************************
كاااااااااااااااااااات
عمران الكبير وعمران الصغير هينجحوا ولا ايه.
سيف ناوي علي ايه مع عمر.
فؤاد هيحب جميله ولا هيتأخذها صديقه وبس..
كل ده الحلقات القادمه ..
تابعوني.....
التفاعل ياجدعان التفاعل 😂😂😂
