الف مليون مبروك لطلاب الثانويه العامه😍😍😍
حبيت اتكلم معكم علي حاجه صغيره كده هي ان الكليه دي رزق من عند ربنا انا لما كنت في الثانويه وده من قريب، مش من بعيد والدفعه بتاعتي، مشهوره بدفعة 28% لان دول نسبة الناجحين انا كان مجموعي 86% وانا كان حلمي ان ادخل كلية الهندسه عشان يكون أول تصميم ليا يكون لدار أيتام كبيره وألم فيها كل الأطفال لي في الشوارع عشان ميبقاش في متسولين وناس تستغلهم في، المخدرات ولا يبعوهم أعضاء بشريه ذي ما بنشوف بس المجموع كان بعيد المهم عملت تظلم لاقيت ليا درجات بالعبيط بمعدل 10% في الازهر 1% يعني 6.5 درجات قولت الحمد لله هاخد الدرجات دي وهحقق حلمي وبكده مجموعي، يكون 96% بس لما ظهروا نتائج التظلم لقيت نفسي زاي مأنا 86% وماليش درجات اتصدمت وفضلت اعيط لدرجة ان دخلت في غيبوبه بسبب الضغط بقي 30 يعني مع الأموات اتعلق ليا محاليل وفضلت نايمه أسبوع كامل في المستشفي لحد ماعمي، جالي وقعد يصبرني ويهديني وفضل يقولي بصي لنص الكاس المليان سيبك من النص الفاضي وقالي افرضي انك روحتي كلية الهندسه بتاعت القاهره وحصلتلك حادثه لان كليات القمه بتاعت الأزهر علي الطريق السريع يعني وسط عربيات ومفيش اشاره اني اعدي الطريق قالي مين هيلحقك احمدي ربنا، ربنا فداكي بحاجه تانيه المهم اقنعت بكلامه بس برضو نفسيتي في الأرض التنسيق نزل وجاتلي كلية لغات وترجمه وقتها رفضت لان خلاص طالما الهندسه راحت معدش حاجه تانيه هتفرق، وقتها والدي صمم ان يدخلني كلية هندسه خاصه بس رفضت وقولت طالما مدخلتش بمجهودي مالهاش لازمه ودخلت كلية الشعب كلية الدراسات الإسلامية واخترت اسهل تخصص هو قسم الشريعة الإسلاميه تخصصي ده الأحكام الشرعيه بس في امتحانات الترم التاني أولي كلية كانت آخر مادة عندي وكانت توحيد خارجه من الإمتحان بعدي الطريق انا وواحده صاحبتي كانت حامل وكان وقتها الإشاره قافله سبحان الله بيني وبين الإشارة مسافة 200 متر وانا في نص الطريق الإشاره تفتح وسيارة نقل صغيره تيجي بسرعه كبيرة كانت هتخبطني انا وصاحبتي زقيت صاحبتي وبحاول ان ارجع ملحقتش العربيه خبطتني وقتها ايدي انكسرت وضلعين كمان لقيت نفسي خلال 5 دقائق في المستشفي ولي خبطني وصحابي فضلوا معايا وقتها افتكرت كلام عمي لما قالي وأنتي علي السريع مين هيلحقك فضلت احمد ربنا علي نعمته عليا فعلا لو مكنتش كليتي في نهاية شارعها المستشفي ولا لو مكنش في اشاره ولو صاحبتي لي حامل دي هي لي اتخبطت كان ايه لي حصل مش كان وقتها كلية الهندسه دي كانت سبب في موتي فعشان كده فكل وقت بقول الحمد لله في السراء والضراء واهو انا حاليا داخله رابعة وبجيب تقديرات من اول سنه بس ادعولي بقي عندي امتحان قرآن في شهر 9 وعليا فيه من اول الفاتحه لحد اول ربعين من سورة الذاريات بمعدل 22.5 جزء...
يا بنات الثانويه مهما كان مجموعكم قولوا الحمد لله ده خير من عند ربنا وربنا رزقك به.. 🌹🌹🌹
متفكروش في لي فات فكروا في لي جاي.. 😍😍
وبالمناسبه دي هنرجع نكمل حلقاتنا من تاني 😍😍
