وووك عليا ام حبيبي تقري فيا 😻

تفاعلوو رايكم الهم 😻❤

رواية  :وووووك عليا أم حبيبي تقري فيا

الحلقة 1

اهلين بيكم اول شيئ ونتمنالكم قراءة ممتعه وان شاء الله تعجبكم روايتي الجديده نحكيلكم شوية عليها
طبعا هادي الرواية اسم ع مسمى تحكي ع بنوته اسمها ريناد بنت شويطينه بمعنى الكلمه مهمله لقرايتها وتحب التعليق وعمايلها هلبا م 99 متوسطة الجمال .عندها اخت وحده اسمها نادين م 98 واخين أحمد م94 إسماعيل م2000
امها نجوى وبوها محمد
صديقتها المقربه هاجر وتقرأ معاها

......

أيهم شبوب ذكي واحلى مافيه عيونه مشاء الله عليهم ويخدم مهندس كهرباء وذماغه ف القرايا فلتوز م 91 عنده اخ واحد أكرم م 93 واخت عليا م99 نفس عمر ريناد
امه هدى معلمة لغة عربيه م65 وبوه خالد م60
صديقه المقرب بسام م 87

....احداث الرواية بتبدا من 2015 لما ريناد تقرأ ثانيه ثنوي
طبعا نحكيلكم شوية ريناد كيف تعرفت ع ايهم كانت هي ونادين ماشيين للمحلات وشافها وحدفلها الرقم وهي ياكبدي مش انسحرت فيه تقول حدفلها حجاب مش رقم ومشت تجري خداته بدون ماتحس ع روحها ومن هداكا اليوم طاحوا العصافير ف فخ شرير وعاشوا قصة حب الاميرة والامير
يالله نشوفوا الاحداث

هاجر:هلا وينك امس غايبه ماجيتيش للمدرسة هلبا عاد جمعه وسبت وزيدك الاحد
ريناد:والله امس ماعندي نيه تعرفي الليل كله واني سهرانه نكلم ف ايهم
هاجر:هو هذا عاد حني السناقل نقعدوا غر نرشقوا ف عيونا زي الدجاج الابيض اول من يرقد واول من ينوض يالله ربي يعقد عسلكم ويهنيكم
ريناد:هههه غرتي يامطفوشه وخيره السناقل يهبلوا عايشين ف حريه
هاجر:لا والله حتي وحيد حنين وعسل يهبل زي ايهم ماعندك ماتقولي فيه ياوخيتي
ريناد:هههه ف هادي صدقتي ربي يحفظه ليا وخلاص
هاجر:ياغبارتك السوده ماقتلكش ع درجتك ف الرياضيات قداش
ريناد:يانهاري الاحرف قداش
هاجر:جبتي 2/10ورقتك اهي عندي وقالت لازم تجيبوهم موقعات
ريناد:حي ع امي حي اليوم تعرفي ف الحوش لما يقددوني تقديد وينشروني ع الحبل ويحطوني ف فازوات ياغبااااارتي غبارة
هاجر:غر نوضي توا نوضي اهو الجرس رن الطابور بدي
ريناد:هيا هيا

............

هدى:صح صح وليدي
ايهم:يعطيك الصحه امي مدامني فطرت اني بنمشي للخدمه توا
هدى:زينا مفتوحه قدامك
ايهم:ان شاء الله ادعيلنا بس
هدى:ياااارب
....

طلع ايهم وقال ف خاطره خلي نفوت ع بسام ف محله متع الكماليات ومنها ناخد زيت للسيارة
وبعد وصل
بسام:هلا بالخال
ايهم:هلا بيك شن جوك
بسام:تمام اهو نعاندوا ف الحياة وماشيه نطقطقوا ع روسنا
ايهم؛ربي يعاونك يابرنس
بسام:الله يسلمك شن جوك انت والكبيده
ايهم:ميه ميه للبارح ساهرين وكل ليله نكلم فيها ومكسدين مع بعض تبي الحق احلى قصة حب عشتها قريب نهبل فيها ياراجل
بسام:الله عليكم ربي يهني من كان يقول ايهم اللي جوه من بنت لبنت يعقل ويدير كبيده وحده
ايهم:هههه استغفر الله ياراجل كبرنا خلاص معاش لينا الدوة الفاضيه بدينا رسميات
بسام:هههه تي غر مش علينا ياهيمو تي توا كان تخطم طرف من قدامنا تفصصها تفصيص تقول صورة متع اشعه X
ايهم:هههههه تي باهي باهي هذا فاش فالح غر ف التعليق نتفكى من تعليق ريناد تطلعلي انت
بسام:هههه مافيش حل لاحقك لاحقك التعليق
ايهم:تمام ولد امي بالله تأخرت ع الخدمه نبي زيت للسيارة عندك
بسام:هي تو نعطيهولك