وووك عليا ام حبيبي تقري فيا 😻

كياكتي مساء الخير

وووك عليا أم حبيبي تقري فيا
منقوووووووله لللكاتبه الررائعه :وديان الخير
الحلقة6

وبعد هديكا التهدريزة ايهم يأشر لامه تسكر خلاص
هدى:هي بالسلامه مني بنيتي اهو ايهم معاك
ريناد:بالسلامه عميمتي

وخذي ايهم التلفون ومشي للدار بيكلم ريناد
هدى بينها بين نفسها ..بتفوته عليا ياايهم تي السور اللي تمشي عليه أني اللي بانيتهولك ولدي نعرفك خابزاتك وعاجناتك ياهيمو إن ماتطلع ريناد اللي نقري فيها مانتسماش هدى امك عاد بعد يتغيروا ملامحك لما نتكلم عليها وادافع عليها مش بلاش ياكبدي

ريناد:صوت امك مش غريب عليا نحس في روحي سامعاته قبل
ايهم:ربي يخلق من الشبه اربعين جت ف الصوت اكيد مشابه  فيه هلبا اصوات يتشابهوا
ريناد اقتنعت بكلام ايهم
ريناد:صح حبيبي لكن امك مشاء الله عليها تهبل
ايهم:هههه انتي اللي تهبلي

وقعدوا يهدرزوا وقدر ايهم يلعب لعبته ع ريناد ومازبطتش لكن ماقدرش يلعبها ع امه اللي راسها شايب من الدنيا وفاهمه كل كبيره وصغيره ف الدنيا المهم..

هدى:عليااااء علياااء تعالي يابنتي
علياء:شنوو ياامي
هدى:ترا قولي من كنت نكلم
علياء:مني
هدى:صاحبت خوك ايهم
علياء:بجديات علاش ماعطانيش نكلمها
هدى:غر اصبري عليا شويه نبيك تجيبيلي اخبارها ومن هيا ونهارك الاحرف خوك يعرف هالاتفاق اللي بيني وبينك ياويليك ياعلياء
علياء:ولا يهمك لكن شن بنعرف
هدى:بري هدرزي ع خوك وقوليله نبي نتعرف عليها وبتكون مرت خوي وديري الجو هذا عاد نعرفك فالحه فيه وجيبيلي الاخبار من تكون
علياء:اممم به علاش ماتبيش تقوليله انتي
هدى:اني يتحشم مني غر بري بري وتوكلي ع ربي
علياء:تمام

.........

ريناد:عندي امتحان غدوة متع كيمياء ونحس ف روحي مش فاهمه باهي
ايهم:جو تحليل كهربائي وله
ريناد:اي اي
ايهم:خليه عليا تو نقريهولك تخصصي عاد مش هندسة كهربائيه
ريناد:اي صح خلاص معناها امتا بتشرحلي وعندك كتاب
ايهم:اي كتاب اختي علياء تو تطلع من دارها وناخد نمشطه منها
وفجأة علياء اطق الباب
ايهم:سكري اشبح من يطق نكلمك بعدين
ريناد:تموووم

ايهم:منو
علياء:اني
ايهم:خشي
علياء:نبي منك حاجه
ايهم:فلوس ماعنديش ريشتيني ترييش معاش فيه
علياء:تي لالا ياودي غر سمعت امي تكلم ف صاحبتك جيت ننشد عليها علاش ماخليتنيش نكلمها ع الاقل نتعرف ع مرت خوي المستقبليه ولا مش من حقي
ايهم:لا من حقك كيف لكن شن قتلك امي
علياء:عجبتها البنت هلبا تشوقت نعرفها شن اسمها ومواليد كم
ايهم:تو يجيك الوقت وتعرفيها يالله توا بري الهي ف قرايتك
علياء:تي غر هيا ياهيمو عرفني عليها
ايهم:هي ف نفس عمرك واسمها ريناد غير هكي فوتي الموضوع بلا تعشيش
علياء:حييي زعما ماتطلعش بنت فصلي
ايهم:لالا ماتقراش معاك كنهاده غبرت ع راسي
علياء:لا بعدين تبدا صاحبتي به عندها خوات ولالا
ايهم:فوتي واطلعي برا مش فاضيلك
علياء:يادراه الكبد
ايهم حدف عليها المخده
علياء طلعت تجري