وووك عليا ام حبيبي تقري فيا 😻

تفاعل روايه تهبل

وووك عليا أم حبيبي تقري فيا

الحلقة 4

ريناد:حيييي خيره ايهم
نادين:شن فيك
ريناد:كنت لا بيا لا عليا اني وياه وفجأة سكر عليا
نادين:ترا عاوديله
ريناد تتصل بأيهم

ايهم طايرتله ومايبيش يرد عليها
ريناد:عليك يوم مغبر وخلاص تي شن هالحاله
ايهم بعد رنات فاتو رد
ايهم:الووو
ريناد:الووو حبيبي خيرك سكرت
ايهم:التغطيه هربت فجأة وانفصل الخط بيناتنا
ريناد:اها حبيبي مافيش مشكله
ايهم:تمام غيريلنا الموضوع واحكيلي تغديتي ولا لا وعندك علم استاحشتك نبي نشوفك
ريناد:لالا مانقدرش الفترة هادي كانش بتجي قدام المدرسه
ايهم:رجعنا لقصة مدرسة مامدرسة فوتيها الشوفه مرة وحده معاش نبي نتلاقى معاك بكل
ريناد:خيرك اللطف شن فيك
ايهم:مافيا شيئ اي اي شن تغديتو

..........

بسام يقول ف خاطره ..تي شكلني حبيت حق هالاروى مش هوينه 

سكرت ريناد من ايهم بعد تهدريزة ف مختلف المواضيع الا موضوع القرايا لان ايهم تليع من كلامها ع امه
نادين:خيره ايهم
ريناد:شكله طايرتله مافهمتش علاش
نادين:غريبه قبل ديما اموره تمام
ريناد:يالله فوتيه واحكيلي شن كنتي بتقوليلي وفي من تكلمي امبكري
نادين:هههههه ماحكيتلكش ماهو
ريناد:غر شن فيه
نادين:بسام صاحب حبيبك ايهم
ريناد:خيره
نادين:نلعب عليه ف لعبه
ريناد:يانهاري الاحرف غر شن لز عليك وكان يعاود لايهم اني شن موقفي ويقوله اخت حبيبتك
نادين:تي لالا غر افهمي القصه قبل
ريناد:هاتي ماعندك
نادين:اني معجبه بيه ونبيه وفكرت فكرت مالقيتش الا هادي الطريقه
نادين:باهي غر انتي من وين شفتيه وكيف هكي تعلقتي فيه
نادين:مش المده اللي فاتت مأجر محل متع ملابس تاني ويخدم فيه مشيتله يجي مرة ولا مرتين وعجبني شخصيته واسلوبه وتعامله يهبل وفكرت إن نخليه يتعلق فيا وحصلت رقمه ودرت لعبتي
ريناد:يانهاري الاحرف وكيف درتي ومن وين حصلتي الرقم ياهمي
نادين :من تلفون خوك أحمد يومها طالع وناسيه ف الشحن مفتوح فتشت فتشت لن لقيته ومشيت اتصلت بيه ودرت خطه عليه
ريناد:به كملي
نادين:نتفكر فيه قبل شهرين وهكي صار...وكلمته بدون اي مقدمات بمجرد مافتح الخط

نادين:ايوه ياساره تربحي بالله عليك كراستي قعدت عندك حي عليا حي وغدوة الابله تبيهم وعندنا امتحان وبنمشي للعرس ماوتيتش روحي تي امتا بنلحق وووك

وعمكم بسام ضحك 
نادين؛الوووو ساره يادراه ردي
بسام:الووو انتي غالطه يااختي
نادين دارت روحها متفاجأة
نادين:من انت تي مش هدا رقم ساره عبد الرحمن
بسام:لا يااختي غالطه مش رقم ساره
نادين:تي كيف اني متأكده ياخوي إن هذا رقم صاحبتي قداش ليه مخزن عندي
بسام:لا والله مارقم صاحبتك اني شاب
نادين:عليك حشايم تربح سامحني ياوخيي سامحني بالله عليك
بسام:لا عادي ولا يهمك حصل خير
وسكرت نادين
ريناد:وكيف وصلتي للحاله هادي
نادين:طبعا لما درت العمله هادي درتها بالجو وماتوقعتش إنها بتشد معاي من اول مرة
ريناد:به
نادين:المهم قعمزت ف هديكا الليله نفكر كيف بندير كيف بندير ومعاش عاودتله لن شوية وتوصلني رساله ع الفايبر ومكتوب فيها.. هلا ممكن نتعرف..
تي تعرفي من الفرحه قريب نقزت للسقف واخيرا الخطه نجحت
ريناد:مقوى قلبك يافرخه به وبعدين
نادين؛طبعا شفت الرساله وطنشت وقعد يبعت ف رسايل وبعد شوية رديت عليه...
نادين:عفوا من انت
بسام:بصراحه عجبتني عفويتك وغلطانك ف الرقم وحبيت نتعرف عليك
نادين:لا معليشي مش ممكن اني اتصلت غالطه وانت شديتها فيا تبي تتعرف لا مانقدرش