وووك عليا ام حبيبي تقري فيا
الحلقه 5
ريناد:ااا يااابله مش هكي
هدى:الحقيني طول للاداره
ريناد:تي غر اخر مرة ياابله بالله عليك
هدى:قتلك للادراه طول
ونادت ابله وقفت راقبت مكانها
......
ايهم ف الخدمه يقول ف خاطره ..يارب ان شاء الله ريناد وامي يتحسن وضعهم شويه ع الاقل نستريح شوية
......
الاخصائيه :ياريناد كيف الحل معاك ترا فهميني
هدى:اني معاش تخشلي حصه الا بولي امرها اما المهزله هادي بالشكل هذا مستحيل نقبلها مقعمزتلي ومدايره حجيبات من وعارته المنهج هما درسين والاسئله حمار جحي يحلها
الاخصائيه:اعطيني رقم امك توا نبيها تجي
ريناد:لا ياابله اخر مرة خلاص
الاخصائيه :اعطيني رقم امك توا
ريناد مسكينه قريب تبكي
واتصلت الاخصائيه بي أمها وجت
نجوى:عندك الحق ياابله هدى والله متحشمه معاك
هدى:بصراحه بنتك بكل يانجوى معقوله للدرجة هادي ومقايلتلها من قبل نادي امك وسامحتها لكن توا خلاص عيني عينك غش وتفتح ف الحجيبات عاد هادي مش من اخلاث المؤمن بكل
نجوى:عندك الحق ف كل كلمه تقوليها لكن ياابله هدى والله عجزت معاها بنتي معاش عرفت شن نقوللها اهي قدامك وانتي امها التانيه والمدرسه حوشها التاني واللي بديريه فيها اني مسامحاتك اني تعبت
ريناد مصدومه وتشبح لامها
وخلتهم وركبت تجري للفصل
ريناد تبكي :هالدراه ابلة الهم اعطيها مايرفعها ان شاء الله تموت
هاجر:صبري بالك وهدي روحك شوية
ريناد:من عقلك تتكلمي انتي عندك الحق ماشفتيهاش كيف تتكومد تي الهم الاحرف عزة نفسي وكرامتي طاحت في جرت الدراه هادي تخايلي انسانه استفزازيه لدرجة تكسر الرقبه ولا كان تشوفي كلام امي زادت ع مابيا قتلها هادي بنتك وديري فيها ماتبي تي اليوم لما نوريهم مش العشي عليا لما نرقيلهم الضغط
هاجر:ههههه نعرفك طيبه وماديرهاش غر ع خاطر راقيتلك
ريناد:تي ركبني البغدد خلاص اني بنتفجر ياناس ياعالم تعبت تي شن هالمخلوقه هادي اعوذ بالله منها
وقعدت ريناد تعبر تعبر وتبكي بالعبرة
واخيرا تم دوام المدرسه وكل واحد روح
........
هدى تغسل ف الماعين
ايهم:اشيه اميمتي جوك باين عليك مليح
هدى:مليح وسكتت اليوم خديت حقي من هالريناد
ايهم زمط ريقه
ايهم:كيف شن درتي
هدى:شديتها اليوم مدايره حجاب ودرتلها استدعاء ولي امر وجت امها وفشيت غلي
ايهم:علاش يمه هكي هادم زي بنتك عليا وكبار عاد
هدى:كلهم زي بناتي وحبيتهم الا هالريناد مش قادره نهضمها خلاص حاصلتلي ف الرقبه تي تعرف كان تبدا جارتنا نقاطع اماليها بالاحمر لان مايلزمونيش
ايهم طارتله لن خلاص وطلع من الكوجينا يجري وخش لداره
اكرم:خيرك شن فيك ياراجل
ايهم:تربح خليني ف حالي يااكرم بالله عليك
وشد التلفون واتصل بريناد
أنت تقرأ
وووك عليا ام حبيبي تقري فيا 😻
Romanceمنقولة وديان الخير منحبش ننقل الا بيسم الكاتبه لانه تعبها
