وووك عليا ام حبيبي تقري فيا 😻

تفاعل

وووووك عليا أم حبيبي تقري فيا
منقوووووله للكاتبه:وديان الخير
الحلقه7

طبعا الليله هديكا كانت خميس وريناد عطلة فيها وكسدت شبه الليل كله تهدرز ع ايهم ونادين شاده صور بسام وتتفرج عليهم وتبكي مستاحشاته ومن الكذبه اللي كذبتها عليه
ثاني يوم مع الفجر
ريناد:حي ع الوقت احسن حاجه انوض انصلي الفجر
شبحت لنادين
ربناد:حتي انتي نايضه
نادين:ماقدرتش نرقد مرتاحه
ريناد:خيرك شن فيك
نادين:نحبه
ريناد:اياه علينا هي كلها لعبه خيرك اللطف
نادين:تي مشي ف باله إن اني البنت نفسها كيف ندير والله معاد نقدر نصبر بلاه وهو معاش كلمني بكا
ريناد:به توا لعبنا اللعبه ومعاش فيها تراجع امسحي دموعك وارقدي توا خلاص الوقت وتو نلقوا حل
نادين:مش قادره نرقد من التفكير
ريناد:سلم وخيتي ارقدي واربحي راحتك راهو مكسد ع وحده تانيه وتو غدوة نلقوا
نادين:يستر الله وخلاص

.........

ايهم خذاه النوم ورقد
الساعه 10 الصبح
طلع بسام وفتح محله ومقعمز يفكر بينه وبين نفسه

بسام: معقوله اروى تطلع هكي شكلها ماعمري توقعتها هكي تكون بعد هذاكا الاسلوب والكلام وحسيت روحي حبيتها معقوله تطلعلي غولة جنانات ماتنشبحش بكل ولا فيها ذرة جمال حتي نومي البارح هم احرف ماقدرتش نرقد واني نفكر

.....
ايهم:صباح الخير يمه
هدى:صباح النور
ايهم:اني ماشي لي بسام صاحبي وتو نجي
هدى:زينا وليدي
.....

ع خشت ايهم عليه
ايهم:صباح الخير
بسام:نورت ياهيمو
ايهم:خيرك شن فيك واضح عليك التعب شن مداير امس
بسام:ماقدرتش نرقد باهي
ايهم :خيرك شن فيك تكلم
وحكي بسام الحكايه لايهم وراله الصورة
ايهم:لالالالالا معقوله هكي
بسام:شوفت عينك تي ركبتني حالة اكتئاب ف جرت الموضوع
ايهم:فوتها وخلاص تي شن هذا مافيهاش ماينشبح حتي كان فيه حاجه حلوه بس نقولوا ونقتنعوا ان الاخلاق اهم شيئ وجمال الروح لكن هذا شني اللطف
بسام:شفت حظ صاحبك مافيش حاجه ماشيتلي القدام استغفر الله وخلاص
ايهم:سايورها تفراج ماتفكرش ولد امي

.......

ريناد واقفه ع المرايا تمشط في شعرها ونادين ف حالة اكتئاب تام
نادين:اسمعي عندي فكرة نبيك تساعديني
ريناد:شنو
نادين:احكي لايهم ع الموضوع وهو صاحبه يقدر يتفاهم معاه ومرات يوليلي ويحكيله وهكي
ريناد:الحكايه هادي تبي تفكير هلبا لكن خليها عليا وتو نتفاهم مع ايهم ونقولك
نادين:تمام

........

هدى مقعمزة تفكر كيف بدير مع ولدها وريناد وفكرت فكرت وقالت لازم نسأل عليها ونقصقص كويس كويس وسمعتها امالا شني لازم نعرف كل شيئ
وتفكرت إن ام الطالبه مسرة اللي مع ريناد صاحبتها
هدى:هلا وغلا كيف حالك يافطومه
فاطمه:الحمد الله ننشد عليك ياهدى شن اخبارك ياوخيتي
هدى:الحمد الله اموري كويسه تنشد عليك الصحه
فاطمه:الله يسلمك شن جو مسرة معاك
هدى:مشاء الله عليها بنيتك غر بنسألك ياوخيتي ع طالبه نقري فيها مشيطتلي ريقي تقرأ مع بنتك الفرق بين بنتك وبينها بين السمي واللوطه
فاطمه:مني ياهدى
هدى:وحده اسمها ريناد محمد امها اسمها نجوى
فاطمه:اي اي عرفتها ريناد خيرها اللطف
هدى:بالله وين تسكن
فاطمه:ف الشارع اللي ورا المدرسة وعيلتهم معروفه ناس كويسه وامها مشاء الله عليها تعرف الاصول
هدى:ماعندي ماندير بيهم غر حرت وين تسكن هالبنت تقول عليها جايه من المريخ مش طبيعيه البنت بككل شطانه بس
فاطمه:بالعكس بنتي تعرفها تشكر فيها
هدى:ياودي يستر الله وخلاص